ഒ​രാ​ഴ്ച​ക്കി​ടെ 11,000 ത്തി​ല​ധി​കം നി​യ​മ​ലം​ഘ​ക​ർ പി​ടി​യി​ലാ​യി

ജി​ദ്ദ: ക​ഴി​ഞ്ഞ ഒ​രാ​ഴ്ച​ക്കി​ടെ രാ​ജ്യ​ത്ത് താ​മ​സ, തൊ​ഴി​ൽ, അ​തി​ർ​ത്തി സു​ര​ക്ഷ ച​ട്ടം ലം​ഘി​ച്ച 11,000 ത്തി​ല​ധി​കം പേ​രെ അ​റ​സ്റ്റ് ചെ​യ്ത​താ​യി ആ​ഭ്യ​ന്ത​ര​മ​ന്ത്രാ​ല​യം അ​റി​യി​ച്ചു. ഇ​വ​രി​ൽ 5,800 പേ​ർ താ​മ​സ നി​യ​മം ലം​ഘി​ച്ച​വ​രും 4,000 ത്തോ​ളം പേ​ർ അ​തി​ർ​ത്തി സു​ര​ക്ഷ ലം​ഘ​നം ന​ട​ത്തി​യ​വ​രു​മാ​ണ്. തൊ​ഴി​ൽ നി​യ​മ​ലം​ഘ​ന​ത്തി​ന് 1200 ഓ​ളം പേ​രും പി​ടി​യി​ലാ​യി. രാ​ജ്യ​ത്തേ​ക്ക് അ​ന​ധി​കൃ​ത​മാ​യി അ​തി​ർ​ത്തി ക​ട​ക്കാ​ൻ ശ്ര​മി​ക്കു​ന്ന​തി​നി​ടെ മൊ​ത്തം 838 പേ​ർ അ​റ​സ്റ്റി​ലാ​യി. ഇ​വ​രി​ൽ 58 ശ​ത​മാ​നം ഇ​ത്യോ​പ്യ​ക്കാ​രും 27 ശ​ത​മാ​നം യ​മ​ൻ പൗ​ര​ന്മാ​രും 15 ശ​ത​മാ​നം മ​റ്റു രാ​ജ്യ​ക്കാ​രു​മാ​ണ്. 30 പേ​ർ രാ​ജ്യ​ത്തി​ന്റെ അ​തി​ർ​ത്തി ക​ട​ന്ന് ര​ക്ഷ​പ്പെ​ടാ​ൻ ശ്ര​മി​ച്ച​തി​നും അ​റ​സ്റ്റി​ലാ​യി. താ​മ​സ, ജോ​ലി, അ​തി​ർ​ത്തി സു​ര​ക്ഷ നി​യ​മ​ലം​ഘ​ക​ർ​ക്ക് വി​വി​ധ സ​ഹാ​യ​ങ്ങ​ൾ ന​ൽ​കി​യ 19 പേ​രെ​യും സു​ര​ക്ഷ സേ​ന അ​റ​സ്റ്റ് ചെ​യ്തു.

രാ​ജ്യ​ത്ത് നി​യ​മ​ലം​ഘ​ക​രെ പി​ടി​കൂ​ടാ​നു​ള്ള പ​രി​ശോ​ധ​ന ക​ർ​ശ​ന​മാ​ക്കി​യ ശേ​ഷം ആ​കെ 24,000 വി​ദേ​ശി​ക​ൾ പി​ടി​യി​ലാ​യി. ഇ​വ​രി​ൽ 17,000 നി​യ​മ​ലം​ഘ​ക​രെ അ​വ​രു​ടെ യാ​ത്രാ​രേ​ഖ​ക​ൾ ല​ഭി​ക്കു​ന്ന​തി​ന് അ​ത​ത് രാ​ജ്യ​ത്തെ ന​യ​ത​ന്ത്ര കാ​ര്യാ​ല​യ ഓ​ഫി​സു​ക​ളി​ലേ​ക്ക് റ​ഫ​ർ ചെ​യ്തു. 5,000 പേ​രെ അ​വ​രു​ടെ നാ​ടു​ക​ളി​ലേ​ക്ക് തി​രി​ച്ച​യ​ച്ചു. 2,000 പേ​രെ തി​രി​ച്ച​യ​ക്കാ​നു​ള്ള ത​യാ​റെ​ടു​പ്പി​ലു​മാ​ണെ​ന്ന് ആ​ഭ്യ​ന്ത​ര മ​ന്ത്രാ​ല​യം അ​റി​യി​ച്ചു.

അ​തി​ർ​ത്തി സു​ര​ക്ഷ ച​ട്ടം ലം​ഘി​ച്ച് ആ​ർ​ക്കെ​ങ്കി​ലും രാ​ജ്യ​ത്തേ​ക്ക് പ്ര​വേ​ശി​ക്കാ​ൻ സൗ​ക​ര്യ​മൊ​രു​ക്കു​ക​യോ യാ​ത്രാ സൗ​ക​ര്യ​മോ അ​ഭ​യ​മോ സ​ഹാ​യ​മോ സേ​വ​ന​മോ ന​ൽ​കു​ക​യോ ചെ​യ്താ​ൽ 15 വ​ർ​ഷം വ​രെ ത​ട​വ് ല​ഭി​ക്കു​മെ​ന്ന് ആ​ഭ്യ​ന്ത​ര മ​ന്ത്രാ​ല​യം മു​ന്ന​റി​യി​പ്പ് ന​ൽ​കി.

ഒ​പ്പം 10 ല​ക്ഷം റി​യാ​ൽ വ​രെ പി​ഴ​യും അ​വ​രു​ടെ പേ​രു​ക​ൾ പ്രാ​ദേ​ശി​ക മാ​ധ്യ​മ​ങ്ങ​ളി​ൽ പ​ര​സ്യ​പ്പെ​ടു​ത്തു​ക​യും ഇ​വ​ർ അ​ന​ധി​കൃ​ത ക​ട​ത്തി​ന് ഉ​പ​യോ​ഗി​ച്ച വാ​ഹ​ന​ങ്ങ​ൾ, താ​മ​സ​ത്തി​നാ​യി ഉ​പ​യോ​ഗി​ച്ച വ​സ​തി​ക​ൾ എ​ന്നി​വ ക​ണ്ടു​കെ​ട്ടു​ക​യും ചെ​യ്യും.

ഇ​ത്ത​ര​ത്തി​ൽ നി​യ​മ​ലം​ഘ​നം ക​ണ്ടെ​ത്തി​യാ​ൽ മ​ക്ക, റി​യാ​ദ് എ​ന്നീ പ്ര​വി​ശ്യ​ക​ളി​ൽ നി​ന്നു​ള്ള​വ​ർ 911 എ​ന്ന ന​മ്പ​റി​ലും മ​റ്റു​ള്ള പ്ര​വി​ശ്യ​യി​ൽ നി​ന്നു​ള്ള​വ​ർ 999, 996 എ​ന്നീ ന​മ്പ​റു​ക​ളി​ൽ ഒ​ന്നി​ലും വി​ളി​ച്ച​റി​യി​ക്ക​ണ​മെ​ന്ന് സൗ​ദി ആ​ഭ്യ​ന്ത​ര മ​ന്ത്രാ​ല​യം അ​റി​യി​ച്ചു.