മ​സ്ജി​ദു​ന്ന​ബ​വി​യി​ൽ ഇ​ഫ്താ​റി​ന് പ്ര​തി​ദി​നം 15 ല​ക്ഷ​ത്തി​ല​ധി​കം ഈ​ത്ത​പ്പ​ഴം

മ​ദീ​ന: മ​സ്ജി​ദു​ന്ന​ബ​വി​യി​ലെ ഇ​ഫ്‌​താ​റി​ന് പ്ര​തി​ദി​നം വി​ത​ര​ണം ചെ​യ്യു​ന്ന​ത്​ 15 ല​ക്ഷ​ത്തി​ല​ധി​കം ഈ​ത്ത​പ്പ​ഴം. മ​ക്ക​യി​ലെ മ​സ്ജി​ദു​ൽ ഹ​റാ​മി​ലെ ലോ​ക​ത്തി​ലെ ഏ​റ്റ​വും വ​ലി​യ നോ​മ്പു​തു​റ ക​ഴി​ഞ്ഞാ​ൽ പ്ര​വാ​ച​ക പ​ള്ളി​യാ​യി അ​റി​യ​പ്പെ​ടു​ന്ന മ​ദീ​ന​യി​ലെ മ​സ്ജി​ദു​ന്ന​ബ​വി​യി​ലാ​ണ് ര​ണ്ടാ​മ​ത്തെ ഏ​റ്റ​വും വ​ലി​യ നോ​മ്പു​തു​റ ന​ട​ക്കു​ന്ന​ത്. ഇ​വി​ടെ ഇ​ഫ്താ​റി​ന് വി​ത​ര​ണം ചെ​യ്യു​ന്ന ഭ​ക്ഷ​ണ​പ്പൊ​തി​യി​ൽ ഏ​ഴ് ഈ​ത്ത​പ്പ​ഴ​ങ്ങ​ള​ട​ങ്ങി​യ ഒ​രു പാ​ക്ക​റ്റ് കൂ​ടി​യു​ണ്ടാ​വും. വി​ശ്വാ​സി​ക​ൾ നോ​മ്പു​തു​റ​ക്കാ​ൻ ഈ ​ഈ​ത്ത​പ്പ​ഴ​മാ​ണ് ഉ​പ​യോ​ഗി​ച്ചു​വ​രു​ന്ന​ത്.

വ്യ​ത്യ​സ്ത ത​രം ഈ​ത്ത​പ്പ​ഴ​ങ്ങ​ളാ​ണ്​ ഇ​ങ്ങ​നെ ന​ൽ​കു​ന്ന​ത്. മ​ദീ​ന​യി​ലെ ഈ​ത്ത​പ്പ​ഴ തോ​ട്ട​ങ്ങ​ളി​ൽ​നി​ന്ന് ഉ​ൽപാ​ദി​പ്പി​ക്കു​ന്ന വി​വി​ധ​ത​രം ഈ​ത്ത​പ്പ​ഴ​ങ്ങ​ളാ​ണ് ഇ​വ​യി​ൽ കൂ​ടു​ത​ലും. അ​ജ്‌​വ, റു​ത്താ​ന, അ​ൻ​ബ​റ, സ​ഫാ​വി, സ​ഖീ, ബ​ർ​ണി അ​ൽ മ​ദീ​ന, ബ​ർ​ണി അ​ൽ ഐ​സ്, ബൈ​ദ അ​ൽ മ​ഹ്ദ്, അ​ൽ മ​ബ്രൂം, അ​ൽ ഹി​ല്യ, അ​ൽ ജു​ബൈ​ലി, അ​ൽ ല​ബ്ബാ​ന, അ​ൽ മ​ഷ്‌​റൂ​ഖ്, അ​ൽ മ​ജ്ദൂ​ൽ, അ​ൽ റ​ബി​യ, അ​ൽ​ഷ​ല​ബി തു​ട​ങ്ങി​യ പേ​രു​ക​ളി​ൽ അ​റി​യ​പ്പെ​ടു​ന്ന​വ​യാ​ണ് ഇ​വ.

മ​ദീ​ന മേ​ഖ​ല​യി​ലെ ഈ​ത്ത​പ്പ​ഴ​ങ്ങ​ൾ ച​രി​ത്ര​പ്ര​സി​ദ്ധ​മാ​ണ്. വ​ലി​യ പൈ​തൃ​കം പേ​റു​ന്ന​വ​യാ​ണ്​ ഇ​വ. വി​വി​ധ ഫാ​മു​ക​ൾ, പൂ​ന്തോ​ട്ട​ങ്ങ​ൾ, തെ​രു​വു​ക​ൾ, വീ​ടു​ക​ൾ എ​ന്നി​വി​ട​ങ്ങ​ളി​​ലെ​ല്ലാ​മു​ള്ള ഈ​ന്ത​പ്പ​ന​ക​ളി​ൽ​നി​ന്നാ​ണ് വൈ​വി​ധ്യ​മാ​ർ​ന്ന ഈ​ത്ത​പ്പ​ഴ​ങ്ങ​ൾ ല​ഭി​ക്കു​ന്ന​ത്. മ​ദീ​ന മേ​ഖ​ല​യി​ലെ ആ​കെ ഈ​ന്ത​പ്പ​ന​ക​ളു​ടെ എ​ണ്ണം 70 ല​ക്ഷ​ത്തി​ല​ധി​ക​മാ​ണ്. 29,000 ഫാ​മു​ക​ളി​ൽ​നി​ന്നാ​യി 3,40,000 ട​ൺ ഈ​ത്ത​പ്പ​ഴം ഉ​ൽപാ​ദി​പ്പി​ക്കു​ന്നു.

സൗ​ദി അ​റേ​ബ്യ​യി​ലെ മൊ​ത്തം ഈ​ത്ത​പ്പ​ഴ ഉ​ൽ​പാ​ദ​ന​ത്തി​​ന്‍റെ 18 ശ​ത​മാ​നം മ​ദീ​ന​യി​ൽ​നി​ന്നു​ള്ള​താ​ണ്. മേ​ഖ​ല​യി​ൽ​നി​ന്ന് ഉ​ൽപാ​ദി​പ്പി​ക്കു​ന്ന ഈ​ത്ത​പ്പ​ഴ​ങ്ങ​ൾ നേ​രി​ട്ട് പ്രാ​ദേ​ശി​ക വി​പ​ണി​യി​ൽ വി​ൽ​ക്കു​ക​യോ സം​ഭ​രി​ക്കു​ക​യോ ചെ​യ്യു​ന്നു.

ചി​ല സം​സ്ക​ര​ണ വ്യ​വ​സാ​യ ശാ​ല​ക​ളി​ലും ഇ​വ ഉ​പ​യോ​ഗി​ക്കു​ന്നു. ഈ​ത്ത​പ്പ​ഴം പാ​ക്ക് ചെ​യ്യാ​നും സം​സ്ക​രി​ക്കാ​നു​മാ​യി 44 ഫാ​ക്ട​റി​ക​ൾ ത​ന്നെ മ​ദീ​ന മേ​ഖ​ല​യി​ൽ നി​ല​വി​ലു​ണ്ട്. ഉ​പ​ഭോ​ക്താ​ക്ക​ൾ​ക്ക് മി​ക​വു​റ്റ ഈ​ത്ത​പ്പ​ഴ​വി​ഭ​വ​ങ്ങ​ൾ ന​ൽ​കാ​ൻ എ​ല്ലാ​വി​ധ ഒ​രു​ക്ക​വും പൂ​ർ​ത്തി​യാ​ക്കാ​ൻ അ​ധി​കൃ​ത​ർ ആ​വ​ശ്യ​മാ​യ പ്രോ​ത്സാ​ഹ​ന​ങ്ങ​ളും ന​ൽ​കി വ​രു​ന്നു.