ഇന്റർ സ്കൂൾ ഡിബേറ്റ് മത്സരത്തിൽ അൽ-യാസ്മിൻ സ്കൂളിന് ഓവറോൾ ചാമ്പ്യൻഷിപ്
text_fieldsറിയാദ് അൽ-യാസ്മിൻ ഇന്റർനാഷനൽ സ്കൂളിൽ നടന്ന ഇന്റർസ്കൂൾ സോണൽ ഇംഗ്ലീഷ് ഡിബേറ്റ് സൗദി മധ്യമേഖല മത്സര വിജയികൾ
റിയാദ്: 30ാമത് ഇന്റർ സ്കൂൾ സോണൽ ഇംഗ്ലീഷ് ഡിബേറ്റ് സൗദി മധ്യമേഖല മത്സരം റിയാദ് അൽ-യാസ്മിൻ ഇന്റർനാഷനൽ സ്കൂൾ ഓഡിറ്റോറിയത്തിൽ നടന്നു. ഐ.ഐ.എസ് മജ്മഅ, ഐ.ഐ.എസ് ബുറൈദ എന്നിവയുൾപ്പെടെ 12 സ്കൂളുകളാണ് മത്സരത്തിൽ പങ്കെടുത്തത്. ഡൽഹി പബ്ലിക് സ്കൂൾ പ്രിൻസിപ്പൽ മയ്റാജ് മുഹമ്മദ് ഖാൻ, ഐ.ഐ.എസ് മജ്മഅ പ്രിൻസിപ്പൽ എസ്.എം. ഷൗക്കത്ത് ഹയാത്ത് എന്നിവർ അതിഥികളായി.
അൽ-യാസ്മിൻ ഇന്റർനാഷനൽ സ്കൂൾ പ്രിൻസിപ്പൽ ഡോ. എസ്.എം. ഷൗക്കത്ത് പർവേസ് അതിഥികളെയും മറ്റു വിശിഷ്ടാതിഥികളെയും വരവേറ്റു. സീനിയർ വിഭാഗത്തിൽ യഥാക്രമം 'ഫോർ ദ മോഷൻ', 'എഗെയിൻസ്റ്റ് ദ മോഷൻ' എന്നിവയായിരുന്നു വിഷയങ്ങൾ. മികച്ച സ്പീക്കർമാരായി പ്ലസ് വണ്ണിലെ ലെന ഇഖ്ബാൽ, പ്ലസ് ടുവിലെ നുഅ്മാൻ അഹമ്മദ് എന്നിവരെ തിരഞ്ഞെടുത്തു.
ജൂനിയർ വിഭാഗത്തിൽ ബി. രൂപശ്രീ മികച്ച മൂന്നാമത്തെ സ്പീക്കറായിരുന്നു. അൽ-യാസ്മിൻ ഇന്റർനാഷനൽ സ്കൂൾ ഓവറോൾ ചാമ്പ്യൻഷിപ് ട്രോഫി കരസ്ഥമാക്കി. 'ആർട്ടിഫിഷ്യൽ ഇന്റലിജൻസ് സമൂഹത്തിന് നല്ലതാണോ?', 'ഗുരുക്കന്മാർക്കും ലൈഫ് കോച്ചുകൾക്കും വിജയം ഉറപ്പാക്കാൻ കഴിയുമോ?' എന്നതായിരുന്നു ജൂനിയേഴ്സിനും സീനിയേഴ്സിനും യഥാക്രമം മത്സരത്തിന്റെ വിഷയങ്ങൾ. ഗേൾസ് വിഭാഗം ഹെഡ്മിസ്ട്രസ് സംഗീത അനൂപ് നന്ദി പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.