ഉ​ഷ്​​ണം കു​റ​ക്കാ​ൻ റോ​ഡു​ക​ളി​ൽ പെ​യി​ൻ്റിങ്

മ​ക്ക: അ​റ​ഫ​യെ ത​ണു​പ്പി​ക്കാ​നും അ​ന്ത​രീ​ക്ഷ​ത്തി​ലെ താ​പ​നി​ല കു​റ​ക്കാ​നും റോ​ഡു​ക​ൾ പെ​യി​ൻ്റ് ചെ​യ്യു​ന്ന ജോ​ലി​ക​ൾ പു​രോ​ഗ​മി​ക്കു​ന്നു. ജ​ന​റ​ൽ അ​തോ​റി​റ്റി ഓ​ഫ് റോ​ഡ്‌​സാ​ണ്​ ന​മി​റ പ​ള്ളി​ക്ക്​ ചു​റ്റു​മു​ള്ള പ്ര​ദേ​ശ​ത്തെ ടാ​ർ ചെ​യ്ത പ്ര​ത​ല​ങ്ങ​ളി​ൽ പെ​യി​ൻ്റിങ്​ ന​ട​ത്തു​ന്ന​ത്. ഹ​ജ്ജ്​ വേ​ള​യി​ൽ ല​ക്ഷ​ക്ക​ണ​ക്കി​ന്​ തീ​ർ​ഥാ​ട​ക​ർ സം​ഗ​മി​ക്കു​ന്ന അ​റ​ഫ​യി​ലെ താ​പ​നി​ല കു​റ​ക്കാ​ൻ ഇ​ത്​ സ​ഹാ​യി​ക്കും. ആ​ധു​നി​ക സാ​േങ്ക​തി​ക വി​ദ്യ​യാ​ണി​ത്. ഭൗ​മോ​പ​രി​ത​ല താ​പ​നി​ല ഏ​ക​ദേ​ശം 20 ഡി​ഗ്രി സെ​ൽ​ഷ്യ​സ് വ​രെ കു​റ​ക്കാ​ൻ സ​ഹാ​യി​ക്കു​ന്ന വെ​ളു​ത്ത നി​റ​ത്തി​ലു​ള്ള പെ​യി​ൻ​റാ​ണ്​​ ഇ​തി​നു​പ​യോ​ഗി​ക്കു​ന്ന​ത്.

തീ​ർ​ഥാ​ട​ക​രെ സേ​വി​ക്കു​ന്ന നി​ര​വ​ധി സ്ഥാ​പ​ന​ങ്ങ​ളു​ടെ പ​ങ്കാ​ളി​ത്ത​ത്തോ​ടെ​യാ​ണ് റോ​ഡു​ക​ൾ പെ​യി​ൻ്റ്​ ചെ​യ്യു​ന്ന​തെ​ന്ന്​ ഗ​താ​ഗ​ത അ​തോ​റി​റ്റി വ​ക്താ​വ്​ അ​ബ്​​ദു​ൽ അ​സീ​സ്​ അ​ൽ ഉ​തൈ​ബി പ​റ​ഞ്ഞു. ക​ഴി​ഞ്ഞ വ​ർ​ഷം പ​രീ​ക്ഷ​ണ​മെ​ന്നോ​ണം പ്ര​ത്യേ​ക സ്ഥ​ല​ങ്ങ​ളി​ലാ​യി​രു​ന്നു ഇ​ത്​ ന​ട​പ്പാ​ക്കി​യ​ത്. താ​പ​നി​ല ഉ​യ​രു​ന്ന പു​ണ്യ​സ്ഥ​ല​ങ്ങ​ളി​ലെ ജം​റാ​ത്തി​ന് നേ​രെ​യു​ള്ള കാ​ൽ​ന​ട റോ​ഡു​ക​ളി​ലാ​ണി​ത് ആ​ദ്യം പ്ര​യോ​ഗി​ച്ച​ത്. ഈ ​പ​രീ​ക്ഷ​ണം വി​ജ​യ​മാ​യി​രു​ന്നു. ഈ ​വ​ർ​ഷം ന​മി​റ പ​ള്ളി​ക്ക്​ ചു​റ്റു​മു​ള്ള പ്ര​ദേ​ശം ഏ​ക​ദേ​ശം 25,000 ച​തു​ര​ശ്ര മീ​റ്റ​ർ വ​രെ പ​രീ​ക്ഷ​ണം വ്യാ​പി​പ്പി​ക്കാ​നാ​ണ്​ ഉ​ദ്ദേ​ശി​ക്കു​ന്ന​തെ​ന്നും അ​ൽ ഉ​തൈ​ബി പ​റ​ഞ്ഞു.