ബഖാലയിൽ നമസ്​കരിക്കുന്നതിനിടെ പാകിസ്​താനി മരിച്ചു

അൽഅയ്സ്: ബഖാലയിൽ നമസ്​കരിക്കുന്നതിനിടെ പാകിസ്​താൻ പൗരൻ മരിച്ചു. സൗദി പടിഞ്ഞാറൻ മേഖലയിലെ അൽഅയ്​സ്​ പട്ടണത്തിൽ പ്രവർത്തിക്കുന്ന ബഖാലയിലെ ജീവനക്കാരനാണ്​ കട​ക്കുള്ളിൽ കസേരയിൽ ഇരുന്ന്​ നമസ്​കരിക്കുന്നതിനിടെ മരിച്ചത്​. മൂന്നു പതിറ്റാണ്ടായി ഇദ്ദേഹം ഇൗ ബഖാലയിൽ ജീവനക്കാരനാണ്​. കസേരയിലിരുന്ന് പ്രാർഥിക്കുന്നതിനിടെ പെട്ടെന്ന് തലകറക്കം അനുഭവപ്പെട്ട്​ കുഴഞ്ഞുവീണു മരിക്കുകയായിരുന്നു. ഇത്​ പിന്നീട്​ കടയിലെ നിരീക്ഷണ കാമറയിലെ ദൃശ്യങ്ങൾ പരിശോധിച്ചപ്പോഴാണ്​ മനസ്സിലായത്​.