ലുലു സൗദിയിൽ ഇത്തവണ പഴയിടം മോഹനൻ നമ്പൂതിരിയുടെ ഓണസദ്യ

റിയാദ്: കേരളത്തിലെ പ്രശസ്ത സദ്യ പാചക വിദഗ്ധൻ പഴയിടം മോഹനന്‍ നമ്പൂതിരിയുടെ ഊട്ടുപുരകളിലെ രുചിക്കൂട്ടുകളുമായി സൗദിയിലെ ലുലു ശാഖകളിൽ ഓണസദ്യ. കേരളത്തി​െൻറ സ്വാദിഷ്​ടമായ 22 ഇനം വിഭവങ്ങളടങ്ങിയ വിപുലമായ ഓണസദ്യയാണ് ഒരുക്കുന്നത്. 32.90 റിയാല്‍ മാത്രമാണ് ഇതിന് നൽകേണ്ടത്.

ആഗസ്റ്റ് 28ന് വൈകീട്ട്​ ഏഴിനുള്ളിൽ മുന്‍കൂട്ടി ഓര്‍ഡര്‍ ചെയ്താല്‍ പിറ്റേന്ന് ഉച്ചക്ക്​ 12.30ന് അതത് സ്​റ്റോറുകളിൽനിന്ന് സദ്യ സ്വീകരിക്കവുന്ന രീതിയിലാണ് ഒരുക്കിയിരിക്കുന്നത്. ഓര്‍ഡറുകള്‍ മുന്‍കൂട്ടി ബുക്ക് ചെയ്യാനായി ലുലുവി​െൻറ ജിദ്ദ, റിയാദ്, അൽ ഖർജ്, കിഴക്കന്‍ പ്രവിശ്യ എന്നിവിടങ്ങളിലെ സ്​റ്റോറുകളിലെ കസ്​റ്റമര്‍ സർവിസിനെ സമീപിക്കാവുന്നതാണ്.