തീർഥാടകരുടെ ഇലക്ട്രോണിക് ഇടപാടുകളെ സൗദി സംവിധാനവുമായി ബന്ധിപ്പിക്കും -ഹജ്ജ് മന്ത്രി

ജി​ദ്ദ: തീ​ർ​ഥാ​ട​ക​രു​ടെ ഇ​ല​ക്ട്രോ​ണി​ക് പ​ണ​മി​ട​പാ​ടു​ക​ൾ സൗ​ദി സം​വി​ധാ​ന​ങ്ങ​ളു​മാ​യി ഉ​ട​ൻ ബ​ന്ധി​പ്പി​ക്കു​മെ​ന്ന് ഹ​ജ്ജ്, ഉം​റ മ​ന്ത്രി ഡോ. ​തൗ​ഫീ​ഖ് അ​ൽ​റ​ബീ​അ പ​റ​ഞ്ഞു. ഹ​ജ്ജ്, ഉം​റ മ​ന്ത്രാ​ല​യം സം​ഘ​ടി​പ്പി​ച്ച ക്രി​യേ​റ്റി​വ് മേ​ക്കേ​ഴ്‌​സ് ഫോ​റം വാ​ർ​ഷി​ക​ത്തി​ന്റെ ഉ​ദ്ഘാ​ട​ന വേ​ള​യി​ലാ​ണ് മ​ന്ത്രി ഇ​ക്കാ​ര്യം പ​റ​ഞ്ഞ​ത്.

തീ​ർ​ഥാ​ട​ക​ർ​ക്കു​ള്ള ഇ​ല​ക്ട്രോ​ണി​ക് പേ​മെൻറ് സം​വി​ധാ​ന​ങ്ങ​ളെ രാ​ജ്യ​ത്ത് നി​ല​വി​ലു​ള്ള സം​വി​ധാ​ന​ങ്ങ​ളു​മാ​യി ബ​ന്ധി​പ്പി​ക്കു​ന്ന​തി​നു​ള്ള പ​ഠ​നം ന​ട​ക്കു​ന്നു​ണ്ട്. വ​രും വ​ർ​ഷ​ങ്ങ​ളി​ൽ ഇ​ല​ക്ട്രോ​ണി​ക് ഇ​ട​പാ​ടു​ക​ൾ ന​ട​ത്തു​ന്ന​വ​രു​ടെ എ​ണ്ണ​ത്തി​ലു​ണ്ടാ​കു​ന്ന വ​ർ​ധ​ന ക​ണ​ക്കി​ലെ​ടു​ത്താ​ണി​തെ​ന്നും മ​ന്ത്രി പ​റ​ഞ്ഞു.

ഇ​ല​ക്ട്രോ​ണി​ക് പേ​മെൻറ് സേ​വ​ന​ത്തി​​ന്റെ വെ​ല്ലു​വി​ളി ഉ​ൾ​പ്പെ​ടെ സാ​ങ്കേ​തി​ക​മോ അ​ല്ലാ​ത്ത​തോ ആ​യ നി​ര​വ​ധി മേ​ഖ​ല​ക​ളി​ൽ തീ​ർ​ഥാ​ട​ക​ർ​ക്ക് വി​ശി​ഷ്ട സേ​വ​ന​ങ്ങ​ൾ ന​ൽ​കാ​നാ​ണ് മ​ന്ത്രാ​ല​യം ശ്ര​മി​ക്കു​ന്ന​ത്. പ​ല രാ​ജ്യ​ങ്ങ​ളി​ലും പ്ര​ത്യേ​ക ഇ​ല​ക്‌​ട്രോ​ണി​ക് സം​വി​ധാ​ന​ങ്ങ​ളു​ണ്ട്. എ​ന്നാ​ൽ, സൗ​ദി​യി​ലേ​ക്ക് തീ​ർ​ഥാ​ട​ന​ത്തി​നു വ​രു​മ്പോ​ൾ അ​വ​രു​ടെ സം​വി​ധാ​ന​ങ്ങ​ൾ ഇ​വി​ടെ ഉ​പ​യോ​ഗി​ക്കാ​ൻ ക​ഴി​യു​ന്നി​ല്ല.

ന​മ്മു​ടെ സം​വി​ധാ​ന​ങ്ങ​ളെ അ​വ​ർ​ക്കും ഉ​പ​യോ​ഗി​ക്കാ​ൻ ക​ഴി​യു​ന്നി​ല്ലെ​ന്നും മ​ന്ത്രി സൂ​ചി​പ്പി​ച്ചു. യു​വ​തീ​യു​വാ​ക്ക​ൾ അ​വ​ത​രി​പ്പി​ക്കു​ന്ന ക്രി​യാ​ത്മ​ക ആ​ശ​യ​ങ്ങ​ൾ​ക്ക് മ​ന്ത്രാ​ല​യം പി​ന്തു​ണ​യും അ​വ​ർ​ക്ക് വി​ശി​ഷ്ട​മാ​യ സേ​വ​ന​ങ്ങ​ളും പ്രോ​ത്സാ​ഹ​ന​ങ്ങ​ളും ന​ൽ​കു​ന്നു​ണ്ട്. തീ​ർ​ഥാ​ട​ക​ർ​ക്ക് മി​ക​ച്ച സേ​വ​നം ന​ൽ​കു​ന്ന​തി​ൽ സ്വ​കാ​ര്യ മേ​ഖ​ല പ്ര​ധാ​ന പ​ങ്കാ​ളി​യാ​ണെ​ന്നും മ​ന്ത്രി പ​റ​ഞ്ഞു.