രോഗത്താൽ വലഞ്ഞ തോട്ടം ജീവനക്കാരനെ നാട്ടിലേക്കയച്ചു

തബൂക്ക്: കാൽനൂറ്റാണ്ട്​ നീണ്ട പ്രവാസത്തിൽ രോഗങ്ങളും ദുരിതങ്ങളും പേറി അവശതയിലായ പാലക്കാട് മണ്ണാർക്കാട് സ്വദേശി അബ്്ദുല്ല കരിമ്പനക്കലിനെ (67) മാസ് തബൂക്ക് ജീവകാരുണ്യ വിഭാഗത്തി​​െൻറ നേതൃത്വത്തിൽ നാട്ടിലേക്ക് യാത്രയാക്കി. തബൂക്ക് ^ മദീന റോഡിലുള്ള കൃഷിത്തോട്ടത്തിൽ കഴിഞ്ഞ 24 വർഷമായി ജോലി ചെയ്ത് വരികയായിരുന്നു അബ്്ദുല്ല. ശാരീരിക അവശതയാൽ തബൂക്ക് കിങ്​ ഫഹദ് ഹോസ്പിറ്റലിൽ പ്രവേശിപ്പിച്ച അദ്ദേഹത്തിന് വിശദ പരിശോധനയിൽ അർബുദം സ്ഥിരീകരിച്ചു.

വിദഗ്ദ ചികിത്സക്കായി എത്രയും പെട്ടെന്ന് നാട്ടിലെത്തിക്കാൻ ഡോക്​ടർ നിർദേശിച്ചതിനെ തുടർന്ന്​ സാമൂഹിക പ്രവർത്തകർ സ്​പോൺസറെ ബന്ധപ്പെട്ടു. അപ്പോഴാണ്​ 1.20 ലക്ഷത്തി​​​െൻറ സാമ്പത്തിക ബാധ്യത അബ്​ദുല്ല ഉള്ളകാര്യം അറിഞ്ഞത്​. സ്പോൺസറെ കാര്യങ്ങൾ പറഞ്ഞ് ധരിപ്പിച്ചപ്പോൾ ബാധ്യതകൾ ഒഴിവാക്കി എക്സിറ്റ് അടിച്ചുനൽകാൻ അദ്ദേഹം തയ്യാറായി. ഭാര്യയും അഞ്ചുമക്കളും അടങ്ങുന്ന കുടുംബത്തി​​​െൻറ ഏക ആശ്രയമായിരുന്നു അബ്്ദുല്ല. ഒരു മകൻ വാഹനാപകടത്തിൽ പരിക്കേറ്റ കിടപ്പിലാണ്​. അതിനുള്ള ഭാരിച്ച ചികിത്സാ ചിലവുകൾ അദ്ദേഹത്തിന്​ താങ്ങാനാകുന്നതായിരുന്നില്ല. ഇക്കാരണങ്ങളാലാണ്​ 67ാം വയസ്സിലും മരുഭൂമിയിലെ കൃഷിത്തോട്ടത്തിലെ തുച്​ഛമായ വേതനത്തിൽ ജീവിതം തളച്ചിട്ടത്​.

മാസ്​ ജീവകാരുണ്യ വിഭാഗത്തി​​​െൻറ നേതൃത്വത്തിൽ സമാഹരിച്ച പണവും വിമാന ടിക്കറ്റും അദ്ദേഹത്തിന് കഴിഞ്ഞദിവസം കൈമാറി. തീരെ അവശനായ അബ്​ദുല്ലയെ നാട്ടിലെത്തിക്കുന്നതിന് യാത്രയിൽ കൂടെ പോകാനും സഹായം വേണ്ടി വന്നിരുന്നു. മാസ്​ ഫൈസലിയ യൂണിറ്റ് അംഗവും തബൂക്കിൽ നഴ്സുമാരായി ജോലി ചെയ്യുന്ന എൽദോ, ഷിൻറു ദമ്പതികൾക്കും പെരിന്തൽമണ്ണ സ്വദേശി അൻവറിനുമൊപ്പവുമാണ് അബ്​ദുല്ലയെ നാട്ടിലേക്കയച്ചത്.