പ്രവാസികൾക്ക് പ്രതിസന്ധികൾക്കിടയിലെ പിടിവള്ളി

റിയാദ്​: പ്രഫഷൻ മാറ്റുന്ന സേവനം സൗദി തൊഴിൽ മന്ത്രാലയം പുനരാരംഭിക്കുന്നത്​ പ്രതിസന്ധിക്കിടയിലെ പിടിവള്ളിയാകും. ലക്ഷക്കണക്കിന്​ വിദേശി തൊഴിലാളികൾക്ക്​ ഗുണം ചെയ്യും. സാമ്പത്തിക മാന്ദ്യവും സ്വദേശിവത്​കരണവും മൂലം അനുദിനം ജോലി നഷ്​ടപ്പെടുന്നവർ നിരവധിയാണ്​.​ 
പകരം തൊഴിൽ ലഭിക്കാനുണ്ടെങ്കിലും ഇഖാമയിലെ ‘പ്രഫഷൻ​’ വില്ലനായി മാറും. ഇഖാമയിൽ രേഖപ്പെടുത്തിയ പ്രഫഷനും ചെയ്യുന്ന ജോലിയും ഒന്നാവണം എന്നാണ്​ നിയമം. അവസരം കിട്ടിയാലും ഇക്കാരണത്താൽ ഉപയോഗപ്പെടുത്താൻ കഴിയാതെ വരും. 
പ്രഫഷൻ മാറ്റുന്ന സേവനം തൊഴിൽ മന്ത്രാലയം കഴിഞ്ഞ വർഷമാണ്​ നിറുത്തിവെച്ചത്​. അതോടെ വിസ തന്നെ റദ്ദ്​ ചെയ്​ത്​ നാടുകളിലേക്ക്​ മടങ്ങാൻ നിർബന്ധിതരായത്​ ആയിരങ്ങളാണ്​. 

വിദേശികൾ ആഹ്ലാദത്തിൽ 
പുനരാരംഭിക്കാനുള്ള തീരുമാനം അതുകൊണ്ട്​ തന്നെ വിദേശികൾ ആഹ്ലാദപൂർവമാണ്​ വരവേൽക്കുന്നത്​. ജോലിക്ക്​ അനുസൃതമായി ഇഖാമയിലെ തസ്​തിക മാറ്റം വരുത്താൻ കഴിഞ്ഞാൽ അതുമൂലം രക്ഷപ്പെടുന്നത്​ ആയിരങ്ങളാണ്​. 
സ്വദേശിവത്​കരണത്തിന്​ വിധേയമാകുന്ന തസ്​തികകളിൽ നിന്ന്​ പുറത്താകുന്നവർക്ക്​ തങ്ങൾക്കിണങ്ങുന്നതും ലഭ്യവുമായ മറ്റ്​ തൊഴിലുകളിലേക്ക്​ എളുപ്പം മാറാൻ കഴിയും. മറ്റൊരു തൊഴിലുടമയുടെ പേരിലേക്ക്​ മാറി അവിടെ ലഭ്യമായ തൊഴിലിന്​ അനുസരിച്ച്​ ഇഖാമയിൽ മാറ്റം വരുത്തി നിയമാനുസൃതം തന്നെ ​സൗദിയിൽ തുടരാനാവും. 
ഒരേ സ്​പോൺസർക്ക്​ കീഴിലുള്ള വിവിധ സ്ഥാപനങ്ങളിൽ അപ്പപ്പോൾ ഒഴിവുവരുന്ന തസ്​തികകളിലേക്ക്​ മാറി ജോലി ​െചയ്യാനും യഥേഷ്​ടം പ്രഫഷൻ മാറ്റം നടത്താനുമാകും. 

മാറേണ്ടത്​ സ്​ഥാപനത്തിന്​ അനുസരിച്ചുള്ള പ്രഫഷനിലേക്ക്​
സ്​പോൺസർക്ക്​ കീഴിലുള്ള തുണിക്കടയിൽ സ്വദേശിവത്​കരണം മൂലം തൊഴിൽ നഷ്​ടപ്പെട്ടാൽ അദ്ദേഹത്തി​​​െൻറ കീഴിലുള്ള മറ്റ്​ സ്ഥാപനങ്ങളിലേക്ക്​ മാറി ജോലി ചെയ്യാനുള്ള അനുവാദമുണ്ട്​. എന്നാൽ ആ സ്ഥാപനത്തി​​​െൻറ സ്വഭാവത്തിന്​ അനുസരിച്ചുള്ള തസ്​തിക മാറ്റം ഇഖാമയിൽ വരുത്തണം. അല്ലെങ്കിൽ പിടിക്കപ്പെട്ടാൽ വൻ സാമ്പത്തിക പിഴയും നാടുകടത്തലും ഉൾപ്പെടെയുള്ള ശിക്ഷ നേരിടേണ്ടിവരും. 

ഒാരോ സ്​ഥാപനത്തിനും നിശ്​ചിത പ്രഫഷനുകൾ
ഒാരോ തരം സ്ഥാപനത്തിനും നിശ്ചിത പ്രഫഷനുകൾ മന്ത്രാലയം അനുവദിച്ചുനൽകിയിട്ടുണ്ട്​. ആ പ്രഫഷനുകളിലേ അതാത്​ സ്ഥാപനങ്ങളിൽ ജോലി ചെയ്യാൻ സാധിക്കൂ. അതിന്​ അനുസൃതമായ പ്രഫഷൻ മാറ്റം​​ ഇഖാമയിൽ വരുത്തിയിട്ടുവേണം ജോലി തുടങ്ങാൻ. മുഹറം ഒന്നുമുതൽ പ്രഫഷൻ മാറ്റം പുനരാരംഭിക്കു​േമ്പാൾ അയവുവരുന്നത്​ വലിയ പ്രതിസന്ധിക്കാണ്​. 

കുടുംബങ്ങൾക്കും ആശ്വാസം
ലേബർ, ഡ്രൈവർ, സാദാ മരാമത്ത്​ പണികൾ തുടങ്ങിയ തസ്​തികകൾ ഇഖാമയിൽ രേഖപ്പെടുത്തിയവർക്ക്​ കുടുംബത്തെ കൊണ്ടുവരാനുള്ള സന്ദർ​ശക വിസ ലഭിക്കില്ല. പ്രഫഷൻ മാറ്റം നേരത്തെ അനുവദിച്ചിരുന്നപ്പോൾ പലരും ഉയർന്ന പ്രഫഷനുകളിലേക്ക്​ മാറിയാണ്​ ആ അവസരം ഉപയോഗപ്പെടുത്തിയിരുന്നത്​. നിറുത്തിവെച്ചപ്പോൾ കുടുംബത്തെ കൊണ്ടുവന്ന്​ കുറച്ചുദിവസമെങ്കിലും ഒപ്പം താമസിപ്പിക്കാനുള്ള ആഗ്രഹം പലർക്കും ഉപേക്ഷിക്കേണ്ടിവന്നിരുന്നു. ഇപ്പോൾ സന്ദർശക വിസയുടെ ഫീസ്​ കുറച്ചിട്ടും അത്​ ഉപയോഗിക്കാനാവാതെ വിഷമത്തിലായിരുന്നു പലരും. പ്രഫഷൻ മാറ്റാൻ അനുവാദം കിട്ടുന്നതോടെ അത്തരം ആഗ്രഹസഫലീകരണത്തിനും അവസരമുണ്ടാകും.