ഈ​ത്ത​പ്പ​ഴ ക​യ​റ്റു​മ​തി​യി​ൽ മു​ന്നേ​റ്റം; ​ബു​റൈ​ദ​യി​ൽ​നി​ന്ന് പോ​കു​ന്ന​ത്​​ നൂ​റി​ല​ധി​കം രാ​ജ്യ​ങ്ങ​ളി​ലേ​ക്ക്

യാം​ബു: ഈ​ത്ത​പ്പ​ഴ ക​യ​റ്റു​മ​തി​യി​ൽ മു​ന്നേ​റ്റം തു​ട​ർ​ന്ന്​ സൗ​ദി അ​റേ​ബ്യ. നാ​ഷ​ന​ൽ സെൻറ​ർ ഫോ​ർ പാം​സ് ആ​ൻ​ഡ്​ ഡേ​റ്റ്സ് പു​റ​ത്തു​വി​ട്ട സ്ഥി​തി​വി​വ​ര റി​പ്പോ​ർ​ട്ട്​ പ്ര​കാ​രം വ​ലി​യ മു​ന്നേ​റ്റ​മാ​ണ്​ സ​മീ​പ​കാ​ല​ത്താ​യി ഉ​ണ്ടാ​ക്കി​യി​രി​ക്കു​ന്ന​ത്. അ​ൽ ഖ​സീം പ്ര​വി​ശ്യ​യി​ൽ​നി​ന്ന് മാ​ത്രം പ്ര​തി​വ​ർ​ഷം ഉ​ൽ​പാ​ദി​പ്പി​ക്കു​ന്ന​ത്​ 3,90,000 ട​ണ്ണി​ല​ധി​കം ഈ​ത്ത​പ്പ​ഴ​ങ്ങ​ളാ​ണ്. പ്ര​വി​ശ്യ ആ​സ്ഥാ​ന​മാ​യ ബു​റൈ​ദ​യി​ൽ​നി​ന്ന് ക​യ​റ്റി​യ​യ​ക്ക​പ്പെ​ടു​ന്ന​ത്​ നൂ​റി​ല​ധി​കം രാ​ജ്യ​ങ്ങ​ളി​ലേ​ക്കാ​ണ്.

ബു​റൈ​ദ​യി​ൽ​നി​ന്ന്​ ഈ​ത്ത​പ്പ​ഴം പാ​ക്ക് ചെ​യ്‌​ത് സൗ​ദി​യി​ലെ മ​റ്റ്​ ന​ഗ​ര​ങ്ങ​ളി​ലേ​ക്കും വ​ട​ക്കേ അ​മേ​രി​ക്ക, യൂ​റോ​പ്പ്, കി​ഴ​ക്ക​നേ​ഷ്യ, മ​റ്റ്​ ഗ​ൾ​ഫ് രാ​ജ്യ​ങ്ങ​ൾ തു​ട​ങ്ങി നൂ​റി​ല​ധി​കം രാ​ജ്യ​ങ്ങ​ളി​ലേ​ക്ക് ക​യ​റ്റു​മ​തി ചെ​യ്യു​ന്നു. പ്ര​തി​ദി​നം ട​ൺ ക​ണ​ക്കി​ന് ഈ​ത്ത​പ്പ​ഴം നി​റ​ച്ച ആ​യി​ര​ത്തി​ല​ധി​കം വാ​ഹ​ന​ങ്ങ​ളാ​ണ് ബു​റൈ​ദ​യി​ൽ​നി​ന്ന് പു​റ​പ്പെ​ടു​ന്ന​ത്. എ​ല്ലാ​വ​ർ​ഷ​വും ബു​റൈ​ദ പ​ട്ട​ണം ആ​തി​ഥേ​യ​ത്വം വ​ഹി​ക്കു​ന്ന ഈ​ത്ത​പ്പ​ഴ ഉ​ത്സ​വം മേ​ഖ​ല​യി​ലെ ഏ​റ്റ​വും വ​ലി​യ വി​പ​ണ​ന​മേ​ള​യാ​ണ്.

നാ​ഷ​ന​ൽ സെൻറ​ർ ഫോ​ർ പാം​സ് ആ​ൻ​ഡ്​ ഡേ​റ്റ്​​സും പ​രി​സ്ഥി​തി-​ജ​ലം-​കൃ​ഷി മ​ന്ത്രാ​ല​യ​വും ചേ​ർ​ന്നാ​ണ്​ ഉ​ത്സ​വം സം​ഘ​ടി​പ്പി​ക്കു​ന്ന​ത്. 20 ല​ക്ഷ​ത്തി​ല​ധി​കം ഈ​ന്ത​പ്പ​ന​ക​ൾ ബു​റൈ​ദ​യി​ലെ തോ​ട്ട​ങ്ങ​ളി​ലു​ണ്ട്.

രാ​ജ്യ​ത്തി​ന​ക​ത്തും പു​റ​ത്തു​മു​ള്ള ഉ​പ​ഭോ​ക്താ​ക്ക​ൾ ആ​ശ്ര​യി​ക്കു​ന്ന സു​പ്ര​ധാ​ന​മാ​യ ഈ​ത്ത​പ്പ​ഴ സ്രോ​ത​സ്സാ​ണ്​ ബു​റൈ​ദ. 50-ല​ധി​കം ഇ​ന​ങ്ങ​ളി​ലു​ള്ള ഈ​ത്ത​പ്പ​ഴം ഇ​വി​ടെ കൃ​ഷി ചെ​യ്യു​ന്നു​ണ്ട്. ഇ​ൻ​റ​ർ​നാ​ഷ​ന​ൽ ട്രേ​ഡ് സെ​ന്റ​റി​​ന്റെ ‘ട്രേ​ഡ് മാ​പ്’ അ​നു​സ​രി​ച്ച് 2023ലെ ​രാ​ജ്യ​ത്തെ ഈ​ത്ത​പ്പ​ഴ ക​യ​റ്റു​മ​തി 14 ശ​ത​മാ​നം വ​ർ​ധ​ന​യോ​ടെ 1.462 ശ​ത​കോ​ടി റി​യാ​ൽ മൂ​ല്യ​ത്തി​ലെ​ത്തി.

‘സൗ​ദി വി​ഷ​ൻ 2030’​ന്റെ ​ല​ക്ഷ്യ​ങ്ങ​ളി​ലൊ​ന്നാ​ണ് ഈ​ത്ത​പ്പ​ഴ ക​യ​റ്റു​മ​തി​യെ സു​പ്ര​ധാ​ന വാ​ണി​ജ്യ മേ​ഖ​ല​ക​ളി​ലൊ​ന്നാ​ക്കി മാ​റ്റു​ക​യെ​ന്ന​ത്. ലോ​ക​ത്തി​ലെ ഏ​റ്റ​വും വ​ലി​യ ഈ​ത്ത​പ്പ​ഴ ക​യ​റ്റു​മ​തി രാ​ജ്യ​മാ​യി സൗ​ദി​യെ മാ​റ്റാ​നു​ള്ള ശ്ര​മ​ത്തി​ലാ​ണ് കാ​ർ​ഷി​ക മ​ന്ത്രാ​ല​യം. ഓ​രോ വ​ർ​ഷ​വും ഈ​ത്ത​പ്പ​ഴ ക​യ​റ്റു​മ​തി​യി​ൽ രാ​ജ്യം കു​തി​ച്ചു​ചാ​ട്ട​മാ​ണ്​ ന​ട​ത്തു​ന്ന​ത്.

ചൈ​ന​യി​ലേ​ക്കു​ള്ള ക​യ​റ്റു​മ​തി​യി​ൽ വ​ൻ കു​തി​ച്ചു​യ​ര​ലാ​ണ്​ സ​മീ​പ​കാ​ല​ത്തു​ണ്ടാ​യ​ത്. 2022-നേ​ക്കാ​ൾ 121 ശ​ത​മാ​നം വ​ർ​ധ​ന 2023-ലു​ണ്ടാ​യി. സിം​ഗ​പ്പൂ​രി​ലേ​ക്ക്​ 86 ശ​ത​മാ​ന​വും കൊ​റി​യ​യി​ലേ​ക്ക്​ 24 ശ​ത​മാ​ന​വും ഫ്രാ​ൻ​സി​ലേ​ക്ക്​ 16 ശ​ത​മാ​ന​വും ക​യ​റ്റു​മ​തി​യി​ൽ വ​ള​ർ​ച്ച​യു​ണ്ടാ​യി. രാ​ജ്യ​ത്തെ ഈ​ത്ത​പ്പ​ഴ വി​പ​ണി മൂ​ല്യം ഏ​ക​ദേ​ശം 750 കോ​ടി റി​യാ​ലി​ലെ​ത്തി.

കാ​ർ​ഷി​ക മൊ​ത്ത ഉ​ൽ​പാ​ദ​ന​ത്തി​​ന്റെ 12 ശ​ത​മാ​ന​വും എ​ണ്ണ​യി​ത​ര മൊ​ത്ത ഉ​ൽ​പാ​ദ​ന​ത്തി​ന്റെ 0.4 ശ​ത​മാ​ന​വും ഈ​ത്ത​പ്പ​ഴ വി​പ​ണി​യു​ടെ സം​ഭാ​വ​ന​യാ​ണ്. രാ​ജ്യ​ത്തെ ഈ​ന്ത​പ്പ​ന​ക​ളു​ടെ ഏ​ക​ദേ​ശ എ​ണ്ണം 3.3 കോ​ടി​യാ​യെ​ന്നും കാ​ർ​ഷി​ക മ​ന്ത്രാ​ല​യം വ്യ​ക്ത​മാ​ക്കി. ഇ​ത് ലോ​ക​ത്തി​ലെ മൊ​ത്തം ഈ​ന്ത​പ്പ​ന​ക​ളു​ടെ 27 ശ​ത​മാ​ന​മാ​ണെ​ന്ന്​ പ്രാ​ദേ​ശി​ക പ​ത്രം റി​പ്പോ​ർ​ട്ട് ചെ​യ്തു.