റോ​ഡു​ക​ളി​ലും പാ​ർ​ക്കു​ക​ളി​ലും ഈ​ന്ത​പ്പ​ന​ക​ൾ ന​ടു​ന്ന​തി​ന് വി​ല​ക്ക്​

ജി​ദ്ദ: സൗ​ദി അ​റേ​ബ്യ​യി​ൽ റോ​ഡു​ക​ളി​ലും പാ​ർ​ക്കു​ക​ളി​ലും പൂ​ന്തോ​ട്ട​ങ്ങ​ളി​ലും ഈ​ന്ത​പ്പ​ന​ക​ൾ ന​ടു​ന്ന​തി​ന് അ​ധി​കൃ​ത​ർ വി​ല​ക്കേ​ർ​പ്പെ​ടു​ത്തി. പൊ​തു​വി​ട​ങ്ങ​ളി​ൽ ഈ​ന്ത​പ്പ​ഴം വീ​ണ്​ പ​ട​രാ​തി​രി​ക്കാ​നു​ള്ള ന​ട​പ​ടി​ക​ളു​ടെ ഭാ​ഗ​മാ​യി ബ​ന്ധ​പ്പെ​ട്ട സ്ഥി​രം സ​മി​തി​യു​ടെ ശി​പാ​ർ​ശ പ്ര​കാ​ര​മാ​ണ് നി​രോ​ധ​നം. സ​മി​തി ഇ​തു​സം​ബ​ന്ധി​ച്ച വി​ജ്ഞാ​പ​നം ക​ഴി​ഞ്ഞ മാ​സം രാ​ജ്യ​ത്തെ 13 പ്ര​വി​ശ്യ​ക​ളി​ലെ​യും ഗ​വ​ർ​ണ​ർ​മാ​ർ​ക്ക് അ​യ​ച്ചി​രു​ന്നു.

തു​ട​ർ​ന്ന്, പൊ​തു​മ​രാ​മ​ത്ത്​ ജോ​ലി​ക​ൾ ഏ​റ്റെ​ടു​ത്ത ക​രാ​ർ ക​മ്പ​നി​ക​ളോ​ട്​ ഈ​ന്ത​പ്പ​ന​ക​ൾ പാ​ത​ക​ളി​ലും മ​റ്റും ന​ട്ടു​പി​ടി​പ്പി​ക്ക​രു​തെ​ന്ന് നി​ർ​ദേ​ശം ന​ൽ​ക​ണ​മെ​ന്ന്​ ഓ​രോ പ്ര​ദേ​ശ​ത്തെ​യും മേ​യ​ർ​മാ​ർ​ക്കും മു​നി​സി​പ്പാ​ലി​റ്റി​ക​ൾ​ക്കും ഉ​ത്ത​ര​വ്​ ന​ൽ​കി. ഇ​തി​ന​കം ന​ട്ടു​പി​ടി​പ്പി​ച്ച​വ നീ​ക്കം ചെ​യ്യേ​ണ്ട​തി​ല്ല. ഇ​നി മു​ത​ലാ​ണ്​ നി​രോ​ധ​നം ബാ​ധ​ക​മെ​ന്ന്​ വി​ജ്ഞാ​പ​ന​ത്തി​ൽ വ്യ​ക്ത​മാ​ക്കി​യി​ട്ടു​ണ്ട്. റോ​ഡു​ക​ളി​ൽ ഈ​ന്ത​പ്പ​ന​ക​ൾ ന​ടു​ന്ന​ത് കു​റ​ക്കാ​നും എ​ന്നാ​ൽ, റോ​ഡ​രി​കി​ലെ മ​റ്റു മ​ര​ങ്ങ​ൾ സം​ര​ക്ഷി​ക്കാ​നും അ​ന്യാ​യ​മാ​യ വെ​ട്ടി​മാ​റ്റ​ലി​ന് വി​ധേ​യ​മാ​കാ​തി​രി​ക്കാ​നും ഏ​ക​ദേ​ശം ര​ണ്ട് വ​ർ​ഷം മു​മ്പ് ക​മ്മി​റ്റി നി​ർ​ദേ​ശം ന​ൽ​കി​യി​രു​ന്നു. റോ​ഡു​ക​ളു​ടെ മ​ധ്യ​ഭാ​ഗ​ത്ത് ഈ​ന്ത​പ്പ​ന​ക​ൾ ന​ട്ടു​പി​ടി​പ്പി​ക്ക​രു​തെ​ന്നും വ​ന​വ​ത്​​ക​ര​ണം ന​ട​പ്പാ​ത​ക​ളി​ൽ മാ​ത്ര​മാ​യി പ​രി​മി​ത​പ്പെ​ടു​ത്ത​ണ​മെ​ന്നും സ​മി​തി ആ​വ​ശ്യ​പ്പെ​ട്ടി​രു​ന്നു.

പൂ​ന്തോ​ട്ട​ങ്ങ​ളോ റോ​ഡു​ക​ളോ വ​ന​വ​ത്​​ക​ര​ണ പ​ദ്ധ​തി​ക​ൾ ന​ട​പ്പാ​ക്കു​ന്ന​തി​നു​മു​മ്പ് പ​രി​സ്ഥി​തി, ജ​ല, കാ​ർ​ഷി​ക മ​ന്ത്രാ​ല​യ​വു​മാ​യി കൂ​ടി​യാ​ലോ​ചി​ക്ക​ണ​മെ​ന്ന് എ​ല്ലാ സ​ർ​ക്കാ​ർ ഏ​ജ​ൻ​സി​ക​ളോ​ടും ആ​വ​ശ്യ​പ്പെ​ട്ടി​രു​ന്ന​താ​യി മ​ന്ത്രാ​ല​യ​ത്തി​െൻറ മ​ക്ക മേ​ഖ​ല ബ്രാ​ഞ്ച് ഡ​യ​റ​ക്ട​ർ സ​ഈ​ദ് അ​ൽ​ഗം​ദി പ​റ​ഞ്ഞു. രാ​ജ്യ​ത്തി​െൻറ എ​ല്ലാ പ്ര​ദേ​ശ​ങ്ങ​ളി​ലെ​യും പൊ​തു​സ്ഥ​ല​ങ്ങ​ളി​ലും റോ​ഡു​ക​ളി​ലും പാ​ർ​ക്കു​ക​ളി​ലും അ​വി​ടു​ത്തെ പ​രി​സ്ഥി​തി​യും സ്വ​ഭാ​വ​വു​മെ​ല്ലാം പ​രി​ഗ​ണി​ച്ച്​ വ​ന​വ​ത്​​ക​ര​ണ​ത്തി​നാ​യി മ​ര​ങ്ങ​ളും കു​റ്റി​ച്ചെ​ടി​ക​ളും അ​നു​യോ​ജ്യ​മാ​യ രീ​തി​യി​ൽ ന​ട്ടു​വ​ള​ർ​ത്ത​ണ​മെ​ന്നും എ​ന്നാ​ൽ, പ​രി​സ്ഥി​തി​യു​മാ​യി പൊ​രു​ത്ത​പ്പെ​ടാ​ത്ത ഏ​തെ​ങ്കി​ലും ത​ര​ത്തി​ലു​ള്ള മ​ര​ങ്ങ​ൾ ന​ട്ടു​പി​ടി​പ്പി​ക്ക​രു​തെ​ന്നും മ​ന്ത്രാ​ല​യം അ​റി​യി​ച്ചു.

റോ​ഡ​രി​കു​ക​ളി​ലും പാ​ർ​ക്കു​ക​ളി​ലും ഈ​ന്ത​പ്പ​ന​ക​ൾ ന​ടു​ന്ന​ത് നി​രോ​ധി​ച്ച തീ​രു​മാ​ന​ത്തെ സാ​മൂ​ഹി​ക മാ​ധ്യ​മ​ങ്ങ​ളി​ൽ നി​ര​വ​ധി പേ​ർ പ്ര​ശം​സി​ച്ചു. ഇ​ങ്ങ​നെ ന​ട്ടു​പി​ടി​പ്പി​ക്കു​ന്ന ഈ​ന്ത​പ്പ​ന​ക​ൾ പ​ല​പ്പോ​ഴും അ​വ​ഗ​ണി​ച്ചു​കി​ട​ക്കു​ന്ന​താ​യും ആ​വ​ശ്യ​ത്തി​ന് പ​രി​ച​ര​ണം കി​ട്ടാ​തി​രി​ക്കു​ന്ന​താ​യും ഇ​വ മ​റ്റു മ​ര​ങ്ങ​ൾ​ക്ക് ഭീ​ഷ​ണി ആ​വു​ന്ന​താ​യും അ​വ​ർ ചൂ​ണ്ടി​ക്കാ​ണി​ക്കു​ന്നു. ഈ​ന്ത​പ്പ​ന​ക​ൾ കൃ​ഷി​ചെ​യ്യാ​നു​ള്ള മ​ര​മാ​ണെ​ന്നും അ​ല​ങ്കാ​ര​ത്തി​നു​ള്ള​ത​ല്ലെ​ന്നും അ​വ​ർ എ​ടു​ത്തു​പ​റ​യു​ന്നു.