അൽഅഹ്​സയിൽ ബാർബർ ഷോപ്പുകളിൽ പരിശോധന

ദമ്മാം: അൽഅഹ്​സയിലെ ഹഫൂഫിൽ നഗരസഭയുടെ നേതൃത്വത്തിൽ ബാർബർ ഷോപ്പുകളിലും ബ്യൂട്ടി സലൂണുകളിലും അധികൃതർ പരിശോധന നടത്തി. വിവിധ വകുപ്പുകൾ സംയുക്​തമായി സംഘടിപ്പിച്ച പരിശോധനയിൽ നിരവധി ക്രമക്കേടുകൾ കണ്ടെത്തി. സുരക്ഷാ നിലവാരങ്ങള്‍ പാലിക്കാത്തതും ജനങ്ങളുടെ ആരോഗ്യത്തിന് ദോഷകരവുമായ വസ്​തുക്കളും ഉപകരണങ്ങളും​ പിടിച്ചെടുത്തു. ഇത്തരത്തിൽ ക്രമക്കേട്​ നടത്തിയ 175 ഒാളം സ്​ഥാപനങ്ങൾക്ക്​ മുന്നറിയിപ്പ്​ നോട്ടീസ്​ നൽകി. ആരോഗ്യ സുരക്ഷാ നിലവാരം പാലിക്കുന്നുണ്ടോയെന്ന് ഉറപ്പുവരുത്തുന്നതി​​​െൻറ ഭാഗമായാണ്​ പരിശോധന. 

കാലാവധി കഴിഞ്ഞ നിരവധി സൗന്ദര്യവര്‍ധക ഉല്‍പന്നങ്ങളും പിടിച്ചെടുത്തു.ആരോഗ്യ വിദഗ്ധരുടെ മേല്‍നോട്ടത്തില്‍ മാത്രം ഉപയോഗിക്കേണ്ട ഉപകരണങ്ങളും സലൂണുകളിലുണ്ടായിരുന്നു. ഇത്തരം നിയമലംഘനം നടത്തുന്നവർക്കെതി​​രെ കർശനമായ നടപടി സ്വീകരിക്കുമെന്ന്​ അധികൃതർ അറിയിച്ചു.