സംസം കിണർ നവീകരണ പദ്ധതി റമദാന്​ ​ മുമ്പ്​ പൂർത്തിയാകും 

ജിദ്ദ: ഹറമിലെ സംസം നവീകരണ ജോലികൾ റമദാനിന്​​ മുമ്പ്​ പൂർത്തിയാകുമെന്ന്​ ഇരുഹറം കാര്യാലയത്തിനു കീഴിലെ പദ്ധതി വിഭാഗം മേധാവി എൻജിനീയർ അംജദ്​ അൽഹാസിമി പറഞ്ഞു. ഉംറ തീർഥാടകർക്ക്​ റമദാനിന്​ മുമ്പ്​ സ്​ഥലം മുഴുവൻ ഉപയോഗപ്പെടുത്താൻ  മുഴുസമയ നിർമാണ ജോലികളാണ്​ നടന്നുവരുന്നത്​. പദ്ധതി വിഭാഗം വകുപ്പിന്​ കീഴിലെ എൻജിനീയർമാരും ​ടെക്​നിഷ്യൻമാരുമെല്ലാം ബന്ധപ്പെട്ട വകുപ്പുകളുമായി സഹകരിച്ച്​ സമയ ബന്ധിതമായി ജോലികൾ പൂർത്തിയാക്കാൻ രംഗത്തുണ്ട്​.   

ഹറമിൽ നടന്നുവരുന്ന സംസം കിണർ നവീകരണ പദ്ധതിയും മത്വാഫ്​ വികസനവും ഖാദിമുൽ ഹറമൈൻ പദ്ധതി മേൽനോട്ട സമിതി വിലയിരുത്തി. സമിതി അധ്യക്ഷനും ഉമ്മുൽ ഖുറാ യൂനിവേഴ്​സിറ്റി മേധാവിയുമായ ഡോ. ബക്​രി ബിൻ മഅ്​തൂഖ്​ അസാസ്​​െൻറ അധ്യക്ഷതയിൽ ചേർന്ന യോഗത്തിൽ ആഭ്യന്തര മന്ത്രാലയം, ഹജ്ജ്​ ഉന്നതാധികാര കമ്മിറ്റി എന്നിവയുടെ പ്രതിനിധികൾ പ​െങ്കടുത്തു. 

സംസം കിണർ നവീകരണ പദ്ധതി ഒരാഴ്​ച  പിന്നിട്ടപ്പോഴെത്തെ പ്രവർത്തനങ്ങൾ യോഗം ചർച്ച ചെയ്​തു. സുരക്ഷ, ഒാപറേഷൻ വകുപ്പുകളുടെ പ്രവൃത്തി പരിചയം സംസം നവീകരണ പദ്ധതിക്ക്​ ഉപയോഗപ്പെടുത്താനാണ്​ യോഗം വിളിച്ചു കൂട്ടിയതെന്ന്​ ഡോ. ബക്​രി അസാസ്​ പറഞ്ഞു. മത്വാഫ്​ വികസന പൂർത്തീകരണത്തിനാവശ്യമായ കാര്യങ്ങളും ചർച്ച ചെയ്​തതായി​ ടെക്​നിക്കൽ സമിതി അധ്യക്ഷൻ ഫൈസൽ വഫ പറഞ്ഞു. വിഷൻ 2030, ദേശീയപരിവർത്തന പദ്ധതി 2020 ലക്ഷ്യമിട്ട്​ തീർഥാടകർക്ക്​ ഏറ്റവും മികച്ച  സേവനങ്ങൾ ലഭ്യമാക്കുകയാണ്​ മത്വാഫ്​ വികസനത്തിലൂടെ ലക്ഷ്യമിടുന്നതെന്നും അദ്ദേഹം പറഞ്ഞു.