റമദാൻ അവസാന പത്ത്​: മക്കയിൽ ആകാശനിരീക്ഷണം കർശനമാക്കി

ജിദ്ദ: റമദാനിലെ അവസാന പത്ത്​ ദിവസങ്ങൾ തുടങ്ങുന്നതോടെ മക്കയിൽ ആകാശ നിരീക്ഷണം കർശനമാക്കി. റമദാൻ തുടക്കം മ​ുതൽ തന്നെ സജീവമായിരുന്ന സൗദി വ്യോമസുരക്ഷ സേനയുടെ നിരീക്ഷണം കൂടുതൽ ഉൗർജിതമാക്കുകയാണ്​. മസ്​ജിദുൽഹറാമും പരിസര പ്രദേശങ്ങളും ഹറമിലേക്കുള്ള റോഡുകളും ഇനിയുള്ള ദിവസങ്ങളിൽ സൂക്ഷ്​മ നിരീക്ഷണത്തിന്​ കീഴിലായിരിക്കും. മക്ക നഗരത്തിൽ ആകെയും സു​രക്ഷ സംവിധാനങ്ങൾ വർധിപ്പിച്ചിട്ടുണ്ട്​.

റമദാനിലെ നിരീക്ഷണ പദ്ധതികൾ മുൻകൂട്ടി നിശ്​ചയിച്ചതുപോ​െല തന്നെ പുരോഗമിക്കുകയാണെന്ന്​ ഏവിയേഷൻ സെക്യൂരിറ്റി ജനറൽ കമാൻഡർ ​ബ്രിഗേഡിയർ ജനറൽ ഹസൽ അൽബസ്സാം അറിയിച്ചു. ഹറമിലെത്തുന്ന വിശ്വാസികളുടെ സു​രക്ഷക്കും സമാധാനത്തിനുമാണ്​ പ്രധാന പരിഗണന നൽകുന്നത്​. അവസാന പത്തിൽ നഗരത്തിൽ  വിശ്വാസികൾ വർധിക്കു​േമ്പാൾ ഒാരോ ദിവസവും പ്രത്യേക തരം നിരീക്ഷണ സംവിധാനങ്ങളാണ്​ തയാറാക്കിയിട്ട​ുള്ളത്​.

24 മണിക്കൂറും ആകാശത്ത്​ നിരീക്ഷണ ഹെലികോപ്​റ്ററുകൾ ഉണ്ടാകും. സെൻട്രൽ ഡിസ്​ട്രിക്​ടും അതിലേക്കുള്ള പാതകളിലെയും ഒാരോ ഇഞ്ചും നിരീക്ഷണത്തിന്​ കീഴിലാകും. അത്യാധുനിക നിരീക്ഷണ സംവിധാനങ്ങൾ, റഡാറുകൾ എന്നിവ ഇൗ ഹെലികോപ്​റ്ററുകളിൽ സജ്ജീകരിച്ചിട്ടുണ്ട്​. സുരക്ഷ, നിരീക്ഷണ ദൗത്യങ്ങൾക്കൊപ്പം മറ്റ്​ അടിയന്തിര സേവനങ്ങൾക്കും സംവിധാനമൊരുക്കിയിട്ടു​െണ്ടന്നും അദ്ദേഹം കൂട്ടിച്ചേർത്തു. വിവിധ റോഡുകളിലെ ഗതാഗത കുരുക്കുകൾ സംബന്ധിച്ച നിരീക്ഷണം നടത്തുകയും ആവശ്യമായ നിർദേശങ്ങൾ നൽകുകയും ചെയ്യുന്നുണ്ട്​.