റമാദാൻ മക്കയിൽ വിപുലമായ ഒരുക്കം: മസ്​ജിദുൽ ഹറാമി​െൻറ ഏറ്റവും മുകളിൽ സുരക്ഷ ​വേലി

ജിദ്ദ: റമദാന് മസ്​ജിദുൽ ഹറാമിൽ നടത്തുന്ന വിപുലമായ ഒരുക്കങ്ങൾ കേന്ദ്ര ഹജ്ജ്​ കമ്മിറ്റി യോഗം വിലയിരുത്തി. മസ് ​ജിദുൽ ഹറാമി​​െൻറ ഏറ്റവും മുകളിലെ ടറസിന്​ ചുറ്റും സുരക്ഷ ​വേലി സ്​ഥാപിക്കുന്ന ജോലികൾ ശഅ്​ബാൻ മധ്യത്തോടെ പൂർത്തിയാകും. നമസ്​കരിക്കാനെത്തുന്നവരുടെ സുരക്ഷ കണക്കിലെടുത്ത്​​ 500 മീറ്റർ നീളത്തിലും 3.23 മീറ്റർ ഉയരത്തിലുമാണ്​ സുരക്ഷ വേലി. മക്ക ഡെപ്യൂട്ടി ഗവർണർ അമീർ ബദ്​ർ ബിൻ സുൽത്താ​​െൻറ അധ്യക്ഷതയിൽ ചേർന്ന കേന്ദ്ര ഹജ്ജ്​ കമ്മിറ്റി യോഗത്തിൽ ഇത്​ സംബന്ധിച്ച പ്രവർത്തനങ്ങൾ വിലയിരുത്തി.

റമദാനിൽ ഹറമിൽ നടപ്പിലാക്കാൻ പോകുന്ന പദ്ധതികളും ഒരുക്കങ്ങളും യോഗം പരിശോധിച്ചു. മൂന്നാം സൗദി ഹറം വികസന പദ്ധതിക്ക്​ കിഴിൽ പൂർത്തിയായ പദ്ധതികൾ യോഗത്തിൽ വിശദീകരിച്ചു. നാല്​ ലക്ഷം പേർക്ക്​ നമസ്​കരിക്കാൻ കഴിയുന്ന ആറ്​ മുറ്റങ്ങൾ ഇതിനകം പൂർത്തിയായിട്ടുണ്ട്​. മത്വാഫിൽ മണിക്കൂറിൽ ഒരു ലക്ഷത്തി ഏഴായിരം പേർക്ക്​ ത്വവാഫ്​ ചെയ്യാനാകും. മണിക്കൂറിൽ 1,23,000 പേർക്ക്​ സഅ്​യ്​ ചെയ്യാൻ കഴിയും വിധം ‘മസ്​യ’യിലും ഒരുക്കങ്ങൾ പൂർത്തിയായിട്ടുണ്ട്​. റമദാനിലെ ട്രാൻസ്​പോർട്ടിങ്​ പദ്ധതി യോഗം ചർച്ച ചെയ്​തു. ചെയിൻ ബസ്​ സർവീസിലൂടെ ഇത്തവണ 45 ദശ ലക്ഷം പേരെ​ ഹറമിലേക്കും തിരിച്ചും എത്തിക്കാനാണ്​ പദ്ധതി. ഇതിനായി 2,220 ബസുകളൊരുക്കും. 2.5 ലക്ഷം വാഹനങ്ങൾക്ക്​ മക്ക പ്രവേശന കവാടങ്ങൾക്കടുത്ത്​ പാർക്കിങ്​ കേന്ദ്രങ്ങളിൽ സൗകര്യമൊരുക്കും.

മക്കയിൽ ആറ്​ ബസ്​ സ്​റ്റേഷനുകളൊരുക്കും. മക്ക ഗവർണറേറ്റിന്​ കീഴിലെ ഭക്ഷണ വിതരണ കമ്മിറ്റി നടത്താൻ ഉദ്ദേശിക്കുന്ന പ്രവർത്തനങ്ങളും യോഗം വിലയിരുത്തി. റമദാനിൽ ഹറമിലും മക്കയിലെ വിവിധ പള്ളികളിലും വിവിധ സ്​ഥലങ്ങളിലായി 22 ദശലക്ഷം ഇഫ്​താറുകൾ വിതരണം ചെയ്യും. ഹറമിൽ 210 കവാടങ്ങൾ, 34000 കാർപ്പറ്റുകൾ, സംസമിനായി 25000 പാത്രങ്ങൾ, 10000 ഉന്തുവണ്ടികൾ, ശുചീകരണ ജോലികൾക്ക്​ 4000 ഉപകരണങ്ങൾ, ബോധവത്​കരണത്തിന്​ സ്​ക്രീനുകൾ എന്നിവ ഒരുക്കിയതായും വിവിധ ഭാഷകളിലുള്ള പഠന ക്ലാ​ളാസുകളും പ്രഭാഷണങ്ങളും ഉണ്ടായിരിക്കുമെന്നും ഇരുഹറം കാര്യാലയം പറഞ്ഞു.