റമദാൻ ആദ്യആഴ്​ച റിയാദിൽ 255 യാചകർ പിടിയിൽ

റിയാദ്​: റമദാൻ ആദ്യ ആഴ്​ചയിൽ തലസ്​ഥാന നഗരത്തി​​​െൻറ വിവിധ ഭാഗങ്ങളിൽ നിന്ന്​ 255 യാചകരെ അറസ്​റ്റ്​ ചെയ്​തു. 56 പുരുഷൻമാരും 124 വനിതകളും 75 കുട്ടികളും ഇതിൽ ഉൾപ്പെടുന്നു. പിടിയിലായവരിൽ സൗദി പൗരൻമാരും വിദേശകളുമുണ്ട്​. സ്വദേശികളെ പുനരധിവാസത്തിനായി സാമൂഹികക്ഷേമ മന്ത്രാലയത്തെ ഏൽപ്പിക്കും. പുറത്തുനിന്നുള്ളവരെ തുടർ നടപടികൾക്കായി യാചന വിരുദ്ധ സുരക്ഷ സമിതിക്ക്​ കൈമാറും. പൊതുജനങ്ങൾ യാചകർക്ക്​ പണം നൽകി അനുഭാവം കാണിക്കരുതെന്ന്​ പൊലീസ്​ വക്​താവ്​ നിർദേശിച്ചു. വിദേശികളായ യാചകർ തൊഴിൽ, താമസ നിയമങ്ങൾ ലംഘിച്ച്​ രാജ്യത്ത്​ തുടരുന്നവരാണ്​. രാജ്യത്ത്​ നടക്കുന്ന കുറ്റകൃത്യങ്ങളിൽ അധികവും ​െചയ്യുന്നത്​ ഇത്തരം നിയമവിരുദ്ധരാണെന്നും വക്​താവ്​ കൂട്ടി​ച്ചേർത്തു. റമദാൻ കാലത്ത്​ രാത്രി തറാവീഹ്​ നമസ്​കാര ശേഷം ട്രാഫിക്​ സിഗ്​നലുകളിലും മറ്റും യാചകരുടെ വൻ സംഘങ്ങളെ തന്നെ റിയാദിൽ കാണാം. ഇവർക്കെതിരെ കർക്കശനടപടി തുടരുമെന്നാണ്​ പൊലീസ്​ നിലപാട്​.