സൗ​ദി മ​രു​ഭൂ​മി​യി​ൽ അ​പൂ​ർ​വ പ​ല്ലി​​യെ ക​ണ്ടെ​ത്തി

അ​റാ​ർ: വ​ള​രെ അ​പൂ​ർ​വ​മാ​യ പ​ല്ലി​യി​ന​ത്തെ സൗ​ദി അ​റേ​ബ്യ​യി​ലെ മ​രു​ഭൂ​മി​യി​ൽ ക​ണ്ടെ​ത്തി. വ​ട​ക്ക​ൻ അ​തി​ർ​ത്തി പ്ര​വി​ശ്യ​യാ​യ അ​റാ​ർ മേ​ഖ​ല​യി​ലാ​ണ്​ വം​ശ​നാ​ശ​ഭീ​ഷ​ണി നേ​രി​ടു​ന്ന ‘ട്രാ​പെ​ല​സ് സാ​വി​ഗ്നി’ എ​ന്ന ശാ​സ്ത്ര​നാ​മ​ത്തി​ലു​ള്ള പ​ല്ലി​ക​ളെ ക​ണ്ടെ​ത്തി​യ​ത്.

പ​ല നി​റ​ങ്ങ​ളു​ടെ മി​ശ്രി​തം പോ​ലെ തോ​ന്നി​ക്കു​ന്ന​താ​ണ്​​ ഇ​തി​െൻറ ദേ​ഹം. ഇ​ട​ത്ത​രം വ​ലു​പ്പ​വും പ​ര​ന്ന ശ​രീ​ര​വും വി​ശാ​ല​മാ​യ ത്രി​കോ​ണാ​കൃ​തി​യി​ലു​ള്ള ത​ല​യും താ​ര​ത​മ്യേ​ന നീ​ള​മു​ള്ള വാ​ലു​മു​ണ്ട്. പി​റ​കി​ലും ത​ല​യി​ലും വ​ലി​യ ‘സ്പൈ​ക്കി’ ചെ​തു​മ്പ​ലു​ക​ൾ കൊ​ണ്ട് മൂ​ടി​യി​രി​ക്കു​ന്നു.

പ​ക​ൽ സ​മ​യ​ത്ത് മ​രു​ഭൂ​മി​ക​ളി​ൽ കാ​ണാം. പ്രാ​ണി​ക​ളും ഇ​ല​ക​ളു​മാ​ണ് പ്ര​ധാ​ന ഭ​ക്ഷ​ണം. ച​ര​ൽ​ക​ല്ലു​ക​ൾ നി​റ​ഞ്ഞ പ്ര​ദേ​ശ​ങ്ങ​ളി​ലും പാ​റ​ക​ൾ കൂ​ടു​ത​ലു​ള്ള മ​രു​ഭൂ​ഭാ​ഗ​ങ്ങ​ളി​ലു​മാ​ണ് സാ​ന്നി​ധ്യം കൂ​ടു​ത​ലാ​യി ക​ണ്ടെ​ത്തി​യ​ത്. മ​രു​ഭൂ​മി​യി​ലെ ചൂ​ടി​ൽ​നി​ന്ന് ര​ക്ഷ​പ്പെ​ടാ​ൻ കു​റ്റി​ച്ചെ​ടി​ക​ളി​ലും പാ​റ​ക​ളി​ലും ക​യ​റു​ന്ന പ​തി​വു​ണ്ട്.

നി​റ​ക്കൂ​ട്ട്​ ല​യി​പ്പി​ച്ച പോ​ലു​ള്ള ശ​രീ​ര​മാ​ണെ​ങ്കി​ലും ശ​രീ​ര​ത്തി​ന്റെ കൂ​ടു​ത​ൽ ഭാ​ഗ​വും മ​ണ​ലി​നോ​ട് ല​യി​ച്ചു​ചേ​രു​ന്ന നി​റ​ത്തി​ലു​ള്ള​താ​ണ്. എ​ന്നാ​ൽ ആ​ൺ പ​ല്ലി​ക​ൾ​ക്ക് ഇ​ണ​ചേ​ര​ൽ സ​മ​യ​ത്ത് പെ​ൺ​പ​ല്ലി​ക​ളെ ആ​ക​ർ​ഷി​ക്കാ​ൻ ത​ല​യി​ലും ക​ഴു​ത്തി​ലും ഇ​രു​വ​ശ​ങ്ങ​ളി​ലും നീ​ല നി​റം പ്ര​ക​ട​മാ​കും.

അ​റാ​ർ മേ​ഖ​ല​യി​ലെ ഭൂ​പ്ര​കൃ​തി ഇ​ത്ത​രം അ​പൂ​ർ​വ ഇ​നം ഉ​ര​ഗ​ങ്ങ​ൾ​ക്കും സ​സ്ത​നി​ക​ൾ​ക്കും അ​നു​യോ​ജ്യ​മാ​ണെ​ന്ന്​ നേ​ര​ത്തെ ക​ണ്ടെ​ത്തി​യി​രു​ന്ന​താ​യി അ​മ​ൻ പ​രി​സ്ഥി​തി സൊ​സൈ​റ്റി അം​ഗ​വും വ​ന്യ​ജീ​വി പ്രേ​മി​യു​മാ​യ അ​ദ്‌​നാ​ൻ ഖ​ലീ​ഫ്‌​ത പ​റ​ഞ്ഞു.