ഇ​ന്ത്യ​ൻ അം​ബാ​സ​ഡർക്ക് പൗ​രാ​വ​ലി​യു​ടെ പ്രൗ​ഢ സ്വീ​ക​ര​ണം

റി​യാ​ദ്: സൗ​ദി അ​റേ​ബ്യ​യി​ലെ ഇ​ന്ത്യ​ൻ അം​ബാ​സ​ഡ​റാ​യി ചു​മ​ത​ല​യേ​റ്റ ഡോ.​സു​ഹൈ​ൽ അ​ജാ​സ് ഖാ​ന് ഇ​ന്ത്യ​ന്‍ സ​മൂ​ഹം സ്വീ​ക​ര​ണം ന​ൽ​കി. റി​യാ​ദ് മു​റ​ബ്ബ ക്രൗ​ൺ പ്ലാ​സ ഹോ​ട്ട​ൽ അ​ങ്ക​ണ​ത്തി​ൽ ന​ട​ന്ന ച​ട​ങ്ങി​ൽ വി​വി​ധ സം​ഘ​ട​ന​ക​ളെ​യും സ്ഥാ​പ​ന​ങ്ങ​ളെ​യും കൂ​ട്ടാ​യ്മ​ക​ളെ​യും പ്ര​തി​നി​ധാ​നം​ചെ​യ്ത് 300 ഓ​ളം ആ​ളു​ക​ൾ പ​ങ്കെ​ടു​ത്തു. പൂ​ച്ചെ​ണ്ടു​ക​ളും ത​ല​പ്പാ​വും പൊ​ന്നാ​ട​യും ഉ​ർ​ദു ക​വി​ത​ക​ളി​ലെ മ​നോ​ഹ​ര​മാ​യ വ​രി​ക​ളു​മാ​ണ് അം​ബാ​സ​ഡ​ർ​ക്ക് പൗ​രാ​വ​ലി സ്നേ​ഹോ​പ​ഹാ​ര​മാ​യി ന​ൽ​കി​യ​ത്.

ഡെ​പ്യൂ​ട്ടി ചീ​ഫ് മി​ഷ​നാ​യി റി​യാ​ദി​ൽ ഏ​റെ​ക്കാ​ലം സേ​വ​ന​മ​നു​ഷ്‌​ഠി​ച്ച ഡോ.​സു​ഹൈ​ൽ റി​യാ​ദ് ഇ​ന്ത്യ​ൻ സ​മൂ​ഹ​ത്തി​ന് സു​പ​രി​ചി​ത​നാ​ണ്. പ്ര​വാ​സി സ​മൂ​ഹം ന​ൽ​കി​യ ഊ​ഷ്മ​ള വ​ര​വേ​ൽ​പ്പി​ന് അം​ബാ​സ​ഡ​ർ ഹൃ​ദ്യ​മാ​യ ന​ന്ദി അ​റി​യി​ച്ചു. പൂ​ര്‍ണ​മാ​യും പ്ര​വാ​സി​ക​ളു​ടെ ക്ഷേ​മ​ത്തി​നും സ​ഹാ​യ​ത്തി​നും ഇ​ന്ത്യ​ൻ എം​ബ​സി സ​ദാ സ​ന്ന​ദ്ധ​മാ​ണ്. സേ​വ​ന ക​വാ​ട​ങ്ങ​ള്‍ 24 മ​ണി​ക്കൂ​റും ഇ​ന്ത്യ​ൻ സ​മൂ​ഹ​ത്തി​ന് മു​ന്നി​ൽ തു​റ​ന്നി​ട്ടി​രി​ക്കു​ക​യാ​ണെ​ന്നും അ​ദ്ദേ​ഹം വ്യ​ക്ത​മാ​ക്കി.

25 ല​ക്ഷ​ത്തി​ലേ​റെ ഇ​ന്ത്യ​ക്കാ​രു​ള്ള സൗ​ദി അ​റേ​ബ്യ​യി​ല്‍ ഇ​രു രാ​ഷ്ട്ര​ങ്ങ​ള്‍ക്കു​മി​ട​യി​ലെ പാ​ല​മാ​ണ് പ്ര​വാ​സി​ക​ള്‍. ഇ​ന്ത്യ​ക്കാ​ര്‍ സൗ​ദി അ​റേ​ബ്യ​യു​ടെ വി​ക​സ​ന​ത്തി​നു ന​ല്‍കി​യ സം​ഭാ​വ​ന​ക​ളെ ഭ​ര​ണാ​ധി​കാ​രി​ക​ള്‍ അം​ഗീ​ക​രി​ച്ചി​ട്ടു​ണ്ട്. പ്ര​വാ​സി​സ​മൂ​ഹ​ത്തി​ന്റെ ക്ഷേ​മ​ത്തി​ന് നി​ര​വ​ധി പ​ദ്ധ​തി​ക​ളാ​ണ് ഇ​ന്ത്യാ ഗ​വ​ണ്‍മെ​ന്റ് ന​ട​പ്പാ​ക്കു​ന്ന​ത്. പ്ര​വാ​സി​ക​ളു​ടെ മ​ക്ക​ള്‍ക്കു​ള്ള സ്‌​കോ​ള​ര്‍ഷി​പ് ഉ​ൾ​പ്പെ​ടെ​യു​ള്ള പ​ദ്ധ​തി​ക​ൾ സ്ഥാ​ന​പ​തി എ​ടു​ത്തു​പ​റ​ഞ്ഞു.

ഇ​ന്ത്യ-​സൗ​ദി ബ​ന്ധ​ത്തി​ന് പ​തി​റ്റാ​ണ്ടു​ക​ളു​ടെ പ​ഴ​ക്ക​മു​ണ്ട്. 75ാമ​ത് സ്വാ​ത​ന്ത്ര്യ ദി​നം 'ആ​സാ​ദി കാ ​അ​മൃ​ത് മ​ഹോ​ത്സ​വ്' ആ​ഘോ​ഷി​ക്കു​ന്ന വേ​ള​യി​ല്‍ ഇ​രു​രാ​ഷ്ട്ര​ങ്ങ​ളു​ടെ​യും ബ​ന്ധം കൂ​ടു​ത​ല്‍ സു​ദൃ​ഢ​മാ​യി.

പ്ര​ധാ​ന​മ​ന്ത്രി​യു​ടെ സൗ​ദി സ​ന്ദ​ര്‍ശ​ന​വും കി​രീ​ടാ​വ​കാ​ശി​യു​ടെ ഇ​ന്ത്യ സ​ന്ദ​ര്‍ശ​ന​വും സാ​മൂ​ഹി​ക, സാം​സ്‌​കാ​രി​ക, സാ​മ്പ​ത്തി​ക രം​ഗ​ത്ത് കൂ​ടു​ത​ല്‍ മു​ന്നേ​റാ​ന്‍ സ​ഹാ​യി​ച്ചു. ക​ഴി​ഞ്ഞ​വ​ര്‍ഷം മ​ന്ത്രി​മാ​രു​ടെ നേ​തൃ​ത്വ​ത്തി​ലു​ള്ള ഉ​ന്ന​ത​ത​ല പ്ര​തി​നി​ധി സം​ഘ​ങ്ങ​ള്‍ ന​ട​ത്തി​യ സ​ന്ദ​ര്‍ശ​നം വി​വി​ധ മേ​ഖ​ല​ക​ളി​ല്‍ കൂ​ടു​ത​ല്‍ വി​നി​മ​യ​ങ്ങ​ള്‍ക്ക് ഇ​ട​യാ​ക്കി​യെ​ന്നും സ്ഥാ​ന​പ​തി പ​റ​ഞ്ഞു. സൗ​ദി​യു​ടെ ര​ണ്ടാ​മ​ത് വ്യാ​പാ​ര പ​ങ്കാ​ളി​യാ​ണ് ഇ​ന്ത്യ. 2021-22 വ​ര്‍ഷം 42 ബി​ല്യ​ണ്‍ ഡോ​ള​റി​ന്റെ വ്യാ​പാ​ര​മാ​ണ് ന​ട​ന്ന​ത്.

ഇ​ന്ത്യ​യു​ടെ നാ​ൽ​പ​താ​മ​ത് വ്യാ​പാ​ര പ​ങ്കാ​ളി​യാ​ണ് സൗ​ദി അ​റേ​ബ്യ. ഊ​ഷ്മ​ള​മാ​യ സൗ​ഹൃ​ദ​ത്തി​ലാ​ണ് ഇ​ന്ത്യ​യും സൗ​ദി​യു​മെ​ന്ന് മ​റു​പ​ടി പ്ര​സം​ഗ​ത്തി​ൽ അം​ബാ​സ​ഡ​ർ പ​റ​ഞ്ഞു. സ​ല്‍മാ​ന്‍ ഖാ​ന്‍, അ​മി​താ​ഭ് ബ​ച്ച​ന്‍, ഷാ​രൂ​ഖ് ഖാ​ന്‍ തു​ട​ങ്ങി​യ ഇ​ന്ത്യ​യു​ടെ പ്ര​തി​ഭ​ക​ൾ സൗ​ദി അ​റേ​ബ്യ​യു​ടെ വി​നോ​ദ, സാം​സ്‌​കാ​രി​ക പ​രി​പാ​ടി​ക​ളി​ൽ സം​ബ​ന്ധി​ക്കാ​ൻ അ​തി​ഥി​ക​ളാ​യെ​ത്തി​യ​തി​ലു​ള്ള ആ​ഹ്ലാ​ദ​വും അം​ബാ​സ​ഡ​ർ പ​ങ്കു​വെ​ച്ചു.

എം.​എ​സ്. ക​രീ​മു​ദ്ദീ​ൻ (പ്ര​വാ​സി ഭാ​ര​തീ​യ സ​മ്മാ​ൻ ജേ​താ​വ്), അ​ഷ്‌​റ​ഫ് വേ​ങ്ങാ​ട്ട് (കെ.​എം.​സി.​സി), സൈ​നു​ൽ ആ​ബി​ദ് (എം.​ഇ.​എ​സ്), ന​വാ​സ് റ​ഷീ​ദ് (സി.​ജി), സ​ത്താ​ർ കാ​യം​കു​ളം (എ​ൻ.​ആ​ർ.​കെ), റ​സാ​ഖ് പൂ​ക്കോ​ട്ടും​പാ​ടം (ഒ.​ഐ.​സി.​സി), താ​ജു​ദ്ദീ​ൻ ഓ​മ​ശ്ശേ​രി (ത​നി​മ സാം​സ്കാ​രി​ക​വേ​ദി), വി.​എം. അ​ഷ്‌​റ​ഫ് (ന്യൂ ​സ​ഫ മ​ക്ക), മു​ഹ​മ്മ​ദ് അ​സ്‌​ലം (താ​സ് ആ​ൻ​ഡ് ഹം​ജി​ത്‌), അ​ഹ​മ്മ​ദ് ഇം​തി​യാ​സ്‌ (ത​മി​ഴ് ഫൈ​നാ​ട്സ്),സ​ക്കീ​ർ ദാ​ന​ത്ത് (പാ​പ്പ), ജം​ഷാ​ദ് തു​വ്വൂ​ർ (തു​വ്വൂ​ർ അ​സോ​സി​യേ​ഷ​ൻ) എ​ന്നി​വ​ർ ഉ​ൾ​പ്പെ​ടെ 60 ഓ​ളം പേ​രും റി​യാ​ദ് ഇ​ന്ത്യ​ൻ മീ​ഡി​യ ഫോ​റം ഉ​ൾ​പ്പെ​ടെ​യു​ള്ള സം​ഘ​ട​ന​ക​ളും അം​ബാ​സ​ഡ​റെ ആ​ദ​രി​ച്ചു.

ഇ​ന്ത്യ​ന്‍ ക​മ്യൂ​ണി​റ്റി സ്റ്റി​യ​റി​ങ് ക​മ്മി​റ്റി സം​ഘാ​ട​ക​രാ​യു​ള്ള പ​രി​പാ​ടി​യി​ല്‍ ഷി​ഹാ​ബ് കൊ​ട്ടു​കാ​ട്, സാ​ജ​ന്‍ ല​ത്തീ​ഫ്, നി​യാ​സ് അ​ഹ​മ​ദ്, മി​സ്ബാ​ഹ് ഇ​മി​ഫീ​ന്‍, മു​ഹ​മ്മ​ദ് ഗു​ലാം, സ​ന്തോ​ഷ് ഷെ​ട്ടി, സ​തീ​ഷ് കു​മാ​ര്‍ ദീ​പ​ക്, സു​ൽ​ത്താ​ന്‍ മ​സ്ഹ​റു​ദ്ദീ​ന്‍, അ​ഹ്മ​ദ് ഇം​തി​യാ​സ്, അ​ബ്‌​റാ​ര്‍ ഹു​സൈ​ന്‍, മു​ഹ​മ്മ​ദ് മു​ബീ​ന്‍, ഇ​നാ​മു​ല്ല അ​സിം എ​ന്നി​വ​ര്‍ ആ​ശം​സ​ക​ള്‍ നേ​ര്‍ന്നു. സ​ലിം മു​ഹി​യു​ദ്ദീ​ന്‍, മൈ​മൂ​ന അ​ബാ​സ്, ത​ഖി​യു​ദ്ദീ​ന്‍ മി​ര്‍ എ​ന്നി​വ​ര്‍ സ്വീ​ക​ര​ണ പ​രി​പാ​ടി​ക​ള്‍ക്ക് നേ​തൃ​ത്വം ന​ല്‍കി. സൈ​ഗം ഖാ​ന്‍ സ്വാ​ഗ​ത​വും അ​ബ്ദു​ല്‍ അ​ഹ​ദ് സി​ദ്ദീ​ഖി ന​ന്ദി​യും പ​റ​ഞ്ഞു.