റെ​ഡ് സീ ​ഫി​ലിം ഫെ​സ്റ്റി​വ​ൽ; ഇ​ന്ത്യ​ൻ കോ​ൺ​സു​ലേ​റ്റ്​ ‘ഇ​ന്ത്യ നൈ​റ്റ്’ സം​ഘ​ടി​പ്പി​ച്ചു

ജി​ദ്ദ: റെ​ഡ് സീ ​ഇ​ന്റ​ർ​നാ​ഷ​ന​ൽ ഫി​ലിം ഫെ​സ്റ്റി​വ​ലി​നോ​ട​നു​ബ​ന്ധി​ച്ച് ജി​ദ്ദ ഇ​ന്ത്യ​ൻ കോ​ൺ​സു​ലേ​റ്റ് ‘ഇ​ന്ത്യ നൈ​റ്റ്’ സം​ഘ​ടി​പ്പി​ച്ചു. റി​റ്റ്സ് കാ​ൾ​ട്ട​ൻ ഹോ​ട്ട​ലി​ൽ സം​ഘ​ടി​പ്പി​ച്ച പ​രി​പാ​ടി​യി​ൽ, കോ​ൺ​സ​ൽ ജ​ന​റ​ൽ ഫ​ഹ​ദ് അ​ഹ​മ്മ​ദ് ഖാ​ൻ സൂ​രി, പ്ര​ശ​സ്ത ച​ല​ച്ചി​ത്ര നി​ർ​മാ​താ​വും ഇ​ൻ​റ​ർ​നാ​ഷ​ന​ൽ ഫി​ലിം ഫെ​സ്​​റ്റി​വ​ൽ ഓ​ഫ് ഇ​ന്ത്യ​യു​ടെ സം​വി​ധാ​യ​ക​നു​മാ​യ ശേ​ഖ​ർ ക​പൂ​ർ എ​ന്നി​വ​ർ സം​സാ​രി​ച്ചു.

മി​ക​ച്ച ആ​ഗോ​ള സി​നി​മ​ക​ളെ ഒ​രു​മി​ച്ച് കൊ​ണ്ടു​വ​രി​ക മാ​ത്ര​മ​ല്ല, ഇ​ന്ത്യ​യും സൗ​ദി അ​റേ​ബ്യ​യും ത​മ്മി​ലു​ള്ള മ​ഹ​ത്താ​യ സാം​സ്‌​കാ​രി​ക ബ​ന്ധം വ​ള​ർ​ത്തി​യെ​ടു​ക്കു​ന്ന​തി​നു​ള്ള സ​വി​ശേ​ഷ​മാ​യ വേ​ദി​യാ​യി റെ​ഡ് സീ ​ഫി​ലിം ഫെ​സ്​​റ്റി​വ​ൽ മാ​റി​യ​താ​യി കോ​ൺ​സു​ൽ ജ​ന​റ​ൽ ഫ​ഹ​ദ് അ​ഹ​മ്മ​ദ് ഖാ​ൻ സൂ​രി അ​ഭി​പ്രാ​യ​പ്പെ​ട്ടു.

ഇ​ന്ത്യ​യും സൗ​ദി അ​റേ​ബ്യ​യും ത​മ്മി​ലു​ള്ള സാം​സ്കാ​രി​ക ബ​ന്ധം വ​ർ​ഷ​ങ്ങ​ളാ​യി അ​ഭി​വൃ​ദ്ധി പ്രാ​പി​ച്ചു​വ​രി​ക​യാ​ണ്. ഈ ​ബ​ന്ധം കൂ​ടു​ത​ൽ ആ​ഴ​ത്തി​ലാ​ക്കു​ന്ന​തി​ൽ ഏ​റ്റ​വും ശ​ക്ത​മാ​യ മാ​ധ്യ​മ​ങ്ങ​ളി​ലൊ​ന്നാ​യ സി​നി​മ പ്ര​ധാ​ന പ​ങ്ക് വ​ഹി​ച്ചി​ട്ടു​ണ്ട്. സി​നി​മാ മേ​ഖ​ല​യി​ൽ ഇ​ന്ത്യ​യും സൗ​ദി അ​റേ​ബ്യ​യും ത​മ്മി​ൽ സ​ഹ​ക​ര​ണ​ത്തി​നു​ള്ള സാ​ധ്യ​ത വി​ശാ​ല​മാ​ണ്. ഇ​രു രാ​ജ്യ​ങ്ങ​ളും ത​മ്മി​ലു​ള്ള സാം​സ്കാ​രി​ക ബ​ന്ധം കൂ​ടു​ത​ൽ മെ​ച്ച​പ്പെ​ടു​ത്തു​ന്ന ച​ല​ച്ചി​ത്ര നി​ർ​മാ​ണം, പ്ര​തി​ഭ കൈ​മാ​റ്റം, സം​യു​ക്ത സം​രം​ഭ​ങ്ങ​ൾ എ​ന്നി​വ​യി​ൽ സ​ഹ​ക​രി​ക്കു​ന്ന​തി​ന് നി​ര​വ​ധി അ​വ​സ​ര​ങ്ങ​ളു​ണ്ട്. സി​നി​മാ​ലോ​കം കൂ​ടു​ത​ൽ ആ​ഗോ​ള​വ​ത്ക്ക​രി​ക്ക​പ്പെ​ട്ടി​രി​ക്കു​ന്നു. ഊ​ർ​ജ​സ്വ​ല​മാ​യ ച​ല​ച്ചി​ത്ര വ്യ​വ​സാ​യം, വൈ​ദ​ഗ്ധ്യം, സ​ർ​ഗാ​ത്മ​ക​ത, പ്ര​തി​ഭ​ക​ളു​ടെ വ​ലി​യ ശേ​ഖ​രം തു​ട​ങ്ങി​യ​വ ഇ​ന്ത്യ വാ​ഗ്ദാ​നം ചെ​യ്യു​ന്ന​താ​യും കോ​ൺ​സു​ൽ ജ​ന​റ​ൽ കൂ​ട്ടി​ച്ചേ​ർ​ത്തു.

റെ​ഡ് സീ ​ഫി​ലിം ഫെ​സ്റ്റി​വ​ലി​​ന്റെ വി​ജ​യം അ​തി​ശ​യ​ക​ര​മാ​ണെ​ന്നും ഇ​രു രാ​ജ്യ​ങ്ങ​ളി​ലെ​യും ച​ല​ച്ചി​ത്ര വ്യ​വ​സാ​യ​ങ്ങ​ൾ​ക്ക് പ​ര​സ്പ​രം വൈ​ദ​ഗ്ധ്യം പ്ര​യോ​ജ​ന​പ്പെ​ടു​ത്താ​നാ​വു​മെ​ന്നും ശേ​ഖ​ർ ക​പൂ​ർ പ​റ​ഞ്ഞു. ക​ഴി​ഞ്ഞ​മാ​സം ന​ട​ന്ന ഗോ​വ അ​ന്താ​രാ​ഷ്​​ട്ര ച​ല​ച്ചി​ത്രോ​ത്സ​വ​ത്തെ​യും ഫെ​ബ്രു​വ​രി അ​ഞ്ച് മു​ത​ൽ ഒ​മ്പ​ത് വ​രെ ന്യൂ​ഡ​ൽ​ഹി​യി​ലെ ഭാ​ര​ത് മ​ണ്ഡ​പ​ത്തി​ൽ ന​ട​ക്കാ​നി​രി​ക്കു​ന്ന വേ​ൾ​ഡ് ഓ​ഡി​യോ വി​ഷ്വ​ൽ എ​ന്റ​ർ​ടൈ​ൻ​മെ​ന്റ് സ​മ്മി​റ്റി​നെ​ക്കു​റി​ച്ചും അ​ദ്ദേ​ഹം സം​സാ​രി​ച്ചു.

ഇ​ന്ത്യ​യി​ൽ​നി​ന്നും ഗാ​യി​ക യും​ന അ​ജി​ൻ, വ​യ​ലി​നി​സ്റ്റ്​ ഫാ​യി​സ് മു​ഹ​മ്മ​ദ് എ​ന്നി​വ​രു​ടെ പ്ര​ക​ട​ന​ങ്ങ​ളും ജി​ദ്ദ​യി​ലെ ഇ​ന്ത്യ​ൻ ക​ലാ​കാ​ര​ന്മാ​രു​ടെ ക്ലാ​സി​ക്ക​ൽ, സി​നി​മാ​റ്റി​ക് നൃ​ത്ത​ങ്ങ​ളും ‘ഇ​ന്ത്യ നൈ​റ്റി’​ൽ അ​ര​ങ്ങേ​റി. ന​യ​ത​ന്ത്ര സാ​മൂ​ഹി​ക പ്ര​തി​നി​ധി​ക​ൾ, ച​ല​ച്ചി​ത്ര പ്ര​വ​ർ​ത്ത​ക​ർ, ക​ലാ​കാ​ര​ന്മാ​ർ, സം​വി​ധാ​യ​ക​ർ, നി​ർ​മാ​താ​ക്ക​ൾ, റെ​ഡ് സീ ​ഫി​ലിം ഫെ​സ്​​റ്റി​വ​ൽ അ​തി​ഥി​ക​ൾ, ഇ​ന്ത്യ​ൻ പ്ര​വാ​സി​ക​ൾ തു​ട​ങ്ങി​യ​വ​ർ ച​ട​ങ്ങി​ൽ പ​ങ്കെ​ടു​ത്തു.

ജി​ദ്ദ ബ​ല​ദി​ൽ ന​ട​ന്നു​വ​രു​ന്ന റെ​ഡ്‌ സീ ​ഫി​ലിം ഫെ​സ്റ്റി​വ​ലി​ന്റെ ‘സീ ​സൂ​ഖ് എ​ക്സി​ബി​ഷ​ൻ ഏ​രി​യ’​യി​ൽ ഇ​ന്ത്യ​ൻ ഇ​ൻ​ഫ​ർ​മേ​ഷ​ൻ ആ​ൻ​ഡ് ബ്രോ​ഡ്കാ​സ്​​റ്റി​ങ്​ മ​ന്ത്രാ​ല​യ​ത്തി​​ന്റെ നാ​ഷ​ന​ൽ ഫി​ലിം ഡെ​വ​ല​പ്‌​മെൻറ്​ കോ​ർ​പ​റേ​ഷ​നു​വേ​ണ്ടി പ്ര​ത്യേ​കം ‘ഇ​ന്ത്യ പ​വ​ലി​യ​ൻ’ പ്ര​വ​ർ​ത്തി​ക്കു​ന്ന​താ​യി കോ​ൺ​സു​ലേ​റ്റ് വാ​ർ​ത്താ​കു​റി​പ്പി​ൽ അ​റി​യി​ച്ചു. ഇ​താ​ദ്യ​മാ​യാ​ണ് റെ​ഡ്‌ സീ ​ഫി​ലിം ഫെ​സ്​​റ്റി​വ​ലി​ൽ ഇ​ന്ത്യ​ക്ക് പ്ര​ത്യേ​കം പ​വ​ലി​യ​ൻ ഒ​രു​ങ്ങി​യ​ത്.