ഫലസ്തീൻ പ്രശ്​നപരിഹാരം: അറബ്​, മുസ്​ലിം രാജ്യങ്ങളുടെ ഏകോപനത്തിന്​ മുൻകൈയെടുക്കും -സൗദി കിരീടാവകാശി

റിയാദ്​: ഫലസ്തീനിലെ ഇസ്രായേൽ അധിനിവേശം അവസാനിപ്പിക്കാൻ അറബ്, മുസ്​ലിം രാജ്യങ്ങളുടെ ഏകോപനത്തിന് സൗദി അറേബ്യ മുൻകൈയെടുക്കുമെന്ന് കിരീടാവകാശിയും പ്രധാനമന്ത്രിയുമായി അമീർ മുഹമ്മദ് ബിൻ സൽമാൻ.

തുർക്കി പ്രസിഡൻറ്​ റജബ് തയ്യിബ് ഉർദു​ഗാൻ, ഈജിപ്ഷ്യൻ പ്രസിഡൻറ്​ അബ്​ദുൽ ഫത്താഹ് അൽ സിസി എന്നിവരുമായി ഫോൺ സംഭാഷണം നടത്തുകയായിരുന്നു അദ്ദേഹം. ​​ഗസ്സയിലെ ഇസ്രായേൽ അധിനിവേശം അവസാനിപ്പിക്കേണ്ടതി​െൻറ ആവശ്യകത സംഭാഷണത്തിൽ അമീർ മുഹമ്മദ് ബിൻ സൽമാൻ ഊന്നിപ്പറഞ്ഞു.

നേരത്തെ ഫലസ്തീൻ പ്രധാനമന്ത്രി ഡോ. മുഹമ്മദ് മുസ്തഫ സൗദി വിദേശകാര്യമന്ത്രി പ്രിൻസ് ഫൈസൽ ബിൻ ഫർഹാനെ ഫോണിൽ ബന്ധപ്പെട്ടിരുന്നു. ദിവസങ്ങൾക്ക്​ മുമ്പ് ഫലസ്തീനിയൻ അതോറിറ്റി പ്രസിഡൻറ്​ മഹമൂദ് അബ്ബാസ് സൗദി തലസ്ഥാനമായ റിയാദിലെത്തി മുഹമ്മദ് ബിൻ സൽമാനുമായി കൂടിക്കാഴ്ച നടത്തിയിരുന്നു