റിഫ മെഗാ കപ്പ് ഫുട്ബാൾ മേളക്ക് ആവേശകരമായ തുടക്കം

റി​യാ​ദ്: കേ​ര​ള​ത്തി​ന്റെ ഫു​ട്ബാ​ൾ പെ​രു​മ​ക്ക് പ്ര​വാ​സി​ക​ളു​ടെ ക​ളി​യാ​വേ​ശ​ത്തി​ന്റെ കൈ​യൊ​പ്പ് ചാ​ർ​ത്തി 'റി​ഫ മെ​ഗാ ക​പ്പ് 2022 സീ​സ​ൺ-​ര​ണ്ട്' ഫു​ട്ബാ​ൾ ടൂ​ർ​ണ​മെ​ന്റി​ന് തു​ട​ക്കം. റി​യാ​ദ്‌ അ​ൽ​ഖ​ർ​ജ് റോ​ഡി​ലെ 'ഇ​സ്‌​കാ​ൻ സ്റ്റേ​ഡി​യ'​ത്തി​ലാ​ണ് 'ത​ൻ​മി​യ ട്രോ​ഫി'​ക്കു​വേ​ണ്ടി​യു​ള്ള ര​ണ്ടാ​ഴ്ച നീ​ണ്ടു​നി​ൽ​ക്കു​ന്ന മ​ത്സ​രം ആ​രം​ഭി​ച്ച​ത്. റി​യാ​ദ്‌ ഇ​ന്ത്യ​ൻ ഫു​ട്ബാ​ൾ അ​സോ​സി​യേ​ഷ​ൻ (റി​ഫ) ആ​ണ് 32 സെ​വ​ൻ​സ് ടീ​മു​ക​ൾ മാ​റ്റു​ര​ക്കു​ന്ന ഈ ​കാ​ൽ​പ​ന്ത് മാ​മാ​ങ്ക​ത്തി​ന് ചു​ക്കാ​ൻ പി​ടി​ക്കു​ന്ന​ത്. റി​യാ​ദി​ൽ നി​ന്നു​ള്ള ടീ​മു​ക​ളാ​ണ് മ​ത്സ​ര​ത്തി​ൽ പ​ങ്കെ​ടു​ക്കു​ന്ന​ത്. ആ​ദ്യ ദി​ന​ത്തി​ൽ ര​ണ്ടു ഗ്രൂ​പ്പു​ക​ളി​ലാ​യി 16 ടീ​മു​ക​ളാ​ണ് ഏ​റ്റു​മു​ട്ടി​യ​ത്.

സ​നാ​ഇ​യ്യ പ്ര​വാ​സി എ​ഫ്.​സി​യും ഹാ​ഫ് ലൈ​റ്റ് എ​ഫ്.​സി​യും ത​മ്മി​ൽ ന​ട​ന്ന ആ​ദ്യ​മ​ത്സ​ര​ത്തി​ൽ ഏ​ക​പ​ക്ഷീ​യ​മാ​യ ഒ​രു ഗോ​ളി​ന് ഹാ​ഫ്‌ ലൈ​റ്റ് വി​ജ​യി​ച്ചു. തു​ട​ർ​ന്ന് സു​ലൈ എ​ഫ്.​സി, സോ​ക്ക​ർ ക്ല​ബ് റി​യാ​ദി​നെ 3-1ന് ​പ​രാ​ജ​യ​പ്പെ​ടു​ത്തി. മി​ക​ച്ച ക​ളി പു​റ​ത്തെ​ടു​ത്ത ഇ​രു ടീ​മു​ക​ളും ഗോ​ൾ മു​ഖ​ങ്ങ​ളി​ൽ മി​ന്ന​ൽ റെ​യ്ഡു​ക​ൾ ന​ട​ത്തി. ഫെ​ഡ് ഫൈ​റ്റേ​ഴ്‌​സും ഒ​ബ​യാ​ർ എ​ഫ്.​സി​യും മാ​റ്റു​ര​ച്ച മൂ​ന്നാ​മ​ത്തെ മ​ത്സ​ര​ത്തി​ൽ 3-1ന് ​ഫീ​ഡ് ഫൈ​റ്റേ​ഴ്‌​സാ​ണ് ജ​യി​ച്ച​ത്. സ​ദ്‌​വ എ​ഫ്.​സി​യു​ടെ വ​ല ഏ​ഴു ത​വ​ണ കു​ലു​ക്കി റോ​യ​ൽ ഫോ​ക്ക​സ്‌ ലൈ​ൻ ത​ങ്ങ​ളു​ടെ അ​പ്ര​മാ​ദി​ത്വം തെ​ളി​യി​ച്ചു. സ​ദ്‍വ​ക്ക് മി​ച്ചം ഏ​ക ആ​ശ്വാ​സ ഗോ​ൾ മാ​ത്രം.

ഉ​ദ്‌​ഘാ​ട​ന ച​ട​ങ്ങി​ൽ റി​ഫ ഭാ​ര​വാ​ഹി​ക​ളും ടൂ​ർ​ണ​മെ​ന്റ് പ്രാ​യോ​ജ​ക​രും പ​ങ്കെ​ടു​ത്തു. 'ത​ൻ​മി​യ' പ്ര​തി​നി​ധി അ​ഷ്‌​റ​ഫ്, റി​ഫ ഭാ​ര​വാ​ഹി​ക​ളാ​യ ബ​ഷീ​ർ ചേ​ലേ​മ്പ്ര, സൈ​ഫു ക​രു​ളാ​യി, അ​ബ്ദു​ൽ ക​രീം പ​യ്യ​നാ​ട്, ഷ​ക്കീ​ൽ തി​രൂ​ർ​ക്കാ​ട്, ബാ​ബു​ക്കു​ട്ട​ൻ മ​ഞ്ചേ​രി, ജു​നൈ​സ് വാ​ഴ​ക്കാ​ട്, മു​സ്ത​ഫ മ​മ്പാ​ട്, ന​വാ​സ് സു​ലൈ, ശ​രീ​ഫ് കാ​ളി​കാ​വ്, നൗ​ഷാ​ദ് ച​ക്കാ​ല എ​ന്നി​വ​ർ ക​ളി​ക്കാ​രെ പ​രി​ച​യ​പ്പെ​ട്ടു.

ബി-​ഗ്രൂ​പ് മ​ത്സ​ര​ങ്ങ​ളി​ൽ മ​ൻ​സൂ​റ അ​റേ​ബ്യ എ​ഫ്.​സി​യും യു​നൈ​റ്റ​ഡ് എ​ഫ്.​സി​യും ഓ​രോ ഗോ​ളു​ക​ൾ നേ​ടി സ​മ​നി​ല പാ​ലി​ച്ചു. മൂ​ന്നി​നെ​തി​രെ നാ​ല് ഗോ​ളു​ക​ള​ടി​ച്ച് ടൈ ​ബ്രേ​ക്ക​റി​ൽ മ​ൻ​സൂ​റ അ​ടു​ത്ത റൗ​ണ്ടി​ലേ​ക്ക് അ​ർ​ഹ​ത നേ​ടി. പ്ര​വാ​സി സോ​ക്ക​റി​നെ എ​തി​രി​ല്ലാ​ത്ത ഒ​രു ഗോ​ളി​ന് തോ​ൽ​പി​ച്ച് റീ​കൊ എ​ഫ്.​സി​യും മു​ന്നോ​ട്ടു​ള്ള ബ​ർ​ത്ത് നേ​ടി. പ​യ്യ​ന്നൂ​ർ സൗ​ഹൃ​ദ വേ​ദി​യെ ര​ണ്ട് ഗോ​ളി​ന് തോ​ൽ​പി​ച്ച് വാ​ഴ​ക്കാ​ട് ബ്ലാ​സ്റ്റേ​ഴ്‌​സും റെ​ഡ് സ്റ്റാ​ർ എ​ഫ്.​സി​യെ എ​തി​രി​ല്ലാ​ത്ത മൂ​ന്ന് ഗോ​ളു​ക​ൾ​ക്ക് തോ​ൽ​പി​ച്ച് റെ​യി​ൻ​ബോ വാ​ഴ​ക്കാ​ടും ക്വാ​ർ​ട്ട​റി​ൽ പ്ര​വേ​ശി​ച്ചു. അ​ടു​ത്ത വ്യാ​ഴം, വെ​ള്ളി ദി​വ​സ​ങ്ങ​ളി​ൽ തു​ട​ർ​മ​ത്സ​ര​ങ്ങ​ൾ ന​ട​ക്കു​ന്ന​താ​ണ്. വ​നി​ത​ക​ള​ട​ക്കം നി​ര​വ​ധി പേ​ർ മ​ത്സ​രം വീ​ക്ഷി​ക്കാ​നെ​ത്തി​യി​രു​ന്നു.