റി​യാ​ദ് ബ​സ് സ​ർ​വി​സ് ര​ണ്ടാം ഘ​ട്ടം പ്ര​ഖ്യാ​പി​ച്ചു

റി​യാ​ദ്: റി​യാ​ദ് റോ​യ​ൽ ക​മീ​ഷ​ൻ കി​ങ് അ​ബ്ദു​ൽ അ​സീ​സ് പൊ​തു​ഗ​താ​ഗ​ത പ​ദ്ധ​തി​യു​ടെ ഭാ​ഗ​മാ​യ റി​യാ​ദ് ബ​സ് സ​ർ​വി​സി​ന്റെ ര​ണ്ടാം ഘ​ട്ടം പ്ര​ഖ്യാ​പി​ച്ചു. നി​ല​വി​ലു​ള്ള​തി​നൊ​പ്പം ഒ​മ്പ​ത് റൂ​ട്ടു​ക​ൾ കൂ​ടി കൂ​ട്ടി​ച്ചേ​ർ​ത്താ​ണ് ര​ണ്ടാം ഘ​ട്ടം ആ​രം​ഭി​ക്കു​ന്ന​ത്. ഇ​തോ​ടെ ന​ഗ​ര​ത്തി​ലെ 24 റൂ​ട്ടു​ക​ളി​ൽ 560 ബ​സു​ക​ൾ സ​ർ​വി​സ് ന​ട​ത്തും. സ്റ്റോ​പ്പി​ങ് പോ​യ​ന്റു​ക​ളു​ടെ എ​ണ്ണം 1,100 ല​ധി​ക​മാ​യി ഉ​യ​രും.

നി​ല​വി​ൽ 1,120 കി​ലോ​മീ​റ്റ​ർ നീ​ള​മു​ള്ള ന​ഗ​ര​പാ​ത​യു​ടെ നീ​ളം പ​ദ്ധ​തി പൂ​ർ​ത്തി​യാ​കു​മ്പോ​ൾ 1,900 കി​ലോ​മീ​റ്റ​റാ​യി ഉ​യ​രും. ‘കൂ​ടു​ത​ൽ ബ​സു​ക​ൾ, റൂ​ട്ടു​ക​ൾ, സ്റ്റേ​ഷ​നു​ക​ൾ’ എ​ന്ന ശീ​ർ​ഷ​ക​ത്തി​ലാ​ണ് റി​യാ​ദ് ബ​സ് സ​ർ​വി​സി​ന്റെ ര​ണ്ടാം ഘ​ട്ടം ആ​രം​ഭി​ക്കു​ന്ന​ത്. യാ​ത്ര ആ​സൂ​ത്ര​ണ​വും ടി​ക്ക​റ്റ് വാ​ങ്ങ​ലും സു​ഗ​മ​മാ​ക്കു​ക എ​ന്ന ല​ക്ഷ്യ​ത്തോ​ടെ, വി​വി​ധ സ്മാ​ർ​ട്ട് ഫോ​ൺ സ്റ്റോ​റു​ക​ളി​ൽ ല​ഭ്യ​മാ​യ ‘റി​യാ​ദ് ബ​സ്’ ഔ​ദ്യോ​ഗി​ക ഇ​ല​ക്ട്രോ​ണി​ക് ആ​പ്ലി​ക്കേ​ഷ​ന്റെ അ​ധി​ക ഫീ​ച്ച​റു​ക​ൾ കൂ​ടി ആ​രം​ഭി​ച്ചു​കൊ​ണ്ടാ​ണ് ര​ണ്ടാം ഘ​ട്ടം തു​ട​ങ്ങു​ന്ന​ത്. ‘നി​ങ്ങ​ളു​ടെ ല​ക്ഷ്യ​സ്ഥാ​നം തി​ര​ഞ്ഞെ​ടു​ക്കു​ക’ എ​ന്ന ഒ​പ്‌​ഷ​ൻ വ​ഴി ടി​ക്ക​റ്റു​ക​ൾ സ്വ​ന്ത​മാ​ക്കാം.

മൂ​ന്ന്, ഏ​ഴ്, 30 ദി​വ​സ​ങ്ങ​ൾ എ​ന്നി​ങ്ങ​നെ വ്യ​ത്യ​സ്ത കാ​ലാ​വ​ധി​യു​ള്ള ടി​ക്ക​റ്റു​ക​ൾ വാ​ങ്ങാ​ൻ യാ​ത്ര​ക്കാ​ർ​ക്ക് ഒ​ന്നി​ല​ധി​കം അ​വ​സ​ര​ങ്ങ​ൾ ന​ൽ​കു​ന്ന, അ​ധി​ക ഒ​പ്ഷ​നു​ക​ളും ലോ​ഞ്ച് ചെ​യ്ത പു​തി​യ ഫീ​ച്ച​റു​ക​ളി​ൽ ഉ​ൾ​പ്പെ​ടു​ന്ന​താ​യി റോ​യ​ൽ ക​മീ​ഷ​ൻ അ​ധി​കൃ​ത​ർ വ്യ​ക്ത​മാ​ക്കി.

ബ​സ് സ്റ്റേ​ഷ​നു​ക​ളി​ൽ ല​ഭ്യ​മാ​യ ടി​ക്ക​റ്റ് വെ​ൻ​ഡി​ങ് മെ​ഷീ​നു​ക​ൾ വ​ഴി​യോ ബ​സ് ഡാ​ർ​ബ് കാ​ർ​ഡ് മു​ഖേ​ന​യോ ‘റി​യാ​ദ് ബ​സ്’ ആ​പ്ലി​ക്കേ​ഷ​ൻ വ​ഴി​യോ ടി​ക്ക​റ്റു​ക​ൾ വാ​ങ്ങാം. ഡാ​ർ​ബ് കാ​ർ​ഡ് ഡി​ജി​റ്റ​ൽ രൂ​പ​ത്തി​ലും പ്രി​ന്റ് രൂ​പ​ത്തി​ലും ല​ഭ്യ​മാ​ണ്. മാ​ർ​ച്ച് 19 നാ​ണ് റി​യാ​ദ് ബ​സ് സ​ർ​വി​സി​ന്റെ ആ​ദ്യ​ഘ​ട്ടം ആ​രം​ഭി​ച്ച​ത്. യാ​ത്ര​ക്കു​ള്ള ടി​ക്ക​റ്റ് നി​ര​ക്ക് നാ​ല് റി​യാ​ലാ​യി നി​ശ്ച​യി​ച്ച​ത് തു​ട​രും.

കി​ങ് അ​ബ്ദു​ൽ അ​സീ​സ് പൊ​തു​ഗ​താ​ഗ​ത പ​ദ്ധ​തി​യു​ടെ ആ​ദ്യ​ഘ​ട്ട​ത്തി​ന്റെ ഭാ​ഗ​മാ​യാ​ണ് ബ​സ് സ​ർ​വി​സ് ന​ട​ത്തു​ന്ന​ത്. മെ​ട്രോ ട്രെ​യി​നു​ക​ളും ബ​സു​ക​ളും അ​ട​ങ്ങു​ന്ന, 2,250 കോ​ടി ഡോ​ള​ർ ചെ​ല​വ് വ​രു​ന്ന ഈ ​പ​ദ്ധ​തി ലോ​ക​ത്തി​ലെ ഏ​റ്റ​വും വ​ലി​യ പൊ​തു​ഗ​താ​ഗ​ത പ​ദ്ധ​തി​യാ​യി ക​ണ​ക്കാ​ക്ക​പ്പെ​ടു​ന്നു. 800ല​ധി​കം ബ​സു​ക​ൾ നി​ര​ത്തി​ലി​റ​ങ്ങു​ന്ന റി​യാ​ദ് ബ​സ് ശൃം​ഖ​ല​യു​ടെ അ​ഞ്ച് ഘ​ട്ട​ങ്ങ​ൾ പൂ​ർ​ണ​മാ​യി പ്ര​വ​ർ​ത്ത​ന​ക്ഷ​മ​മാ​കു​മ്പോ​ൾ 86 റൂ​ട്ടു​ക​ളി​ലാ​യി 2,900ല​ധി​കം സ്റ്റോ​പ്പി​ങ് പോ​യ​ന്റു​ക​ളു​ണ്ടാ​കും.