റഹീമിന്​ ഇന്നും മോചന ഉത്തരവില്ല, വിധി രണ്ടാഴ്ചത്തേക്ക്​ മാറ്റി റിയാദ്​ ക്രിമിനൽ കോടതി

റിയാദ്: 18 വർഷമായി സൗദി ജയിലിൽ കഴിയുന്ന കോഴിക്കോട് ഫറോക്ക്​ കോടമ്പുഴ സ്വദേശി അബ്​ദുൽ റഹീമി​െൻറ കേസ് ഇന്ന് (ഞായറാഴ്​ച) കോടതി പരിഗണിച്ചെങ്കിലും മോചന ഉത്തരവുണ്ടായില്ല. വിധി പറയൽ രണ്ടാഴ്ചക്ക്​ ശേഷമെന്ന്​ ഇന്നത്തെ സിറ്റിങ്ങിന് ശേഷം കോടതി അറിയിച്ചു.

ലോക മലയാളികൾ ആകാംക്ഷയോടെയാണ്​ ഈ ദിനവും കാത്തിരുന്നത്​. വീണ്ടും പ്രതീക്ഷ രണ്ടാഴ്​ചക്കപ്പുറത്തേക്ക്​ നീളുകയാണ്​. കഴിഞ്ഞ മാസം 21-ന്​ മോചന ഹർജി പരിഗണിച്ച റിയാദ്​ കോടതിയിലെ മറ്റൊരു ബെഞ്ച്,​ മോചന തീരുമാനമെടുക്കേണ്ടത്​ വധശിക്ഷ റദ്ദ്​ ചെയ്​ത ബെഞ്ചായിരിക്കണമെന്ന് പറഞ്ഞ്​​ അ​േങ്ങാ​ട്ടേക്ക്​ മാറ്റുകയായിരുന്നു. അതിനുശേഷം ഈ ദിവസത്തിന്​ വേണ്ടി പ്രത്യാശയോടെയുള്ള കാത്തിരിപ്പായിരുന്നു. ഇന്ന് മോചന ഉത്തരവ് ഉണ്ടാകുമെന്ന പ്രതീക്ഷയിലായിരുന്നു റഹീമി​െൻറ കുടുംബവും റിയാദ് സഹായ സമിതിയും ഉൾപ്പെടെയുള്ളവർ. ഇന്നത്തെ സിറ്റിങ്ങി​െൻറ വിശദമായ ജഡ്ജ്മെൻറ്​ കിട്ടി പഠിച്ചതിന് ശേഷം കൂടുതൽ വിവരങ്ങൾ വാർത്താകുറിപ്പിലൂടെ അറിയിക്കുമെന്ന് റിയാദ് സഹായ സമിതി അറിയിച്ചു.

18 വർഷം മുമ്പ് വീട്ടിൽനിന്ന് സൗദി അറേബ്യയിലേക്ക് തൊഴിൽ തേടി കടൽ കടന്ന അബ്​ദുൽ റഹീം കോടമ്പുഴയിലെ മച്ചിലകത്ത് വീട്ടിലേക്ക് പിന്നീട് മടങ്ങി ചെന്നിട്ടില്ല. മകനെ കാണാനാകതെ റഹീമി​െൻറ പിതാവ്​ ലോകത്തോട് വിടപറഞ്ഞു. ഫറോക് കോടമ്പുഴയിലെ വീട്ടിൽ കണ്ണീരൊഴുക്കി മകനെ കാത്തിരുന്ന മാതാവ് ഫാത്തിമ ക്ഷമയുടെ അറ്റം കണ്ടപ്പോൾ മകനെ കാണാൻ സൗദി അറേബ്യയിലേക്ക് വിമാനം കയറി. കഴിഞ്ഞ ഒക്​ടോബർ 30ന് സൗദിയിലെ അബഹയിലെത്തിയ ഉമ്മ ഫാത്തിമക്കും സഹോദരൻ നസീറിനും​ ഈ മാസം 12-ന് റിയാദ് ഇസ്​കാനിലെ സെൻട്രൽ ജയിലിലെത്തി അബ്​ദുൽ റഹീമിനെ കാണാനായി. ഇന്നലെയാണ്​ (ശനിയാഴ്​ച) ഉമ്മയും സഹോദരനും റിയാദിൽനിന്ന് നാട്ടിലേക്ക്​ മടങ്ങിയത്.