റി​യാ​ദ് കെ.​എം.​സി.​സി വ​നി​ത വി​ങ്ങി‍െൻറ കാ​രു​ണ്യ​ച്ചി​റ​കേ​റി എ​ബ്ര​ഹാ​മും ഭാ​ര്യ​യും നാ​ട​ണ​ഞ്ഞു

റി​യാ​ദ്: നി​യ​മ​പ്ര​ശ്ന​ങ്ങ​ൾ കാ​ര​ണം വ​ർ​ഷ​ങ്ങ​ളാ​യി നാ​ട്ടി​ൽ പോ​കാ​ൻ ക​ഴി​യാ​തെ ദു​രി​ത​ത്തി​ലാ​യ ആ​ല​പ്പു​ഴ സ്വ​ദേ​ശി​ക​ളാ​യ എ​ബ്ര​ഹാ​മും (61) ഭാ​ര്യ ഏ​ലി​യാ​മ്മ​യും (52) റി​യാ​ദ് കെ.​എം.​സി.​സി വ​നി​ത വി​ങ്ങി​‍െൻറ കാ​രു​ണ്യ ചി​റ​കി​ലേ​റി നാ​ട​ണ​ഞ്ഞു. 18 കൊ​ല്ല​മാ​യി റി​യാ​ദി​ലു​ള്ള എ​ബ്ര​ഹാം സൗ​ദി വ​നി​ത​യു​ടെ കീ​ഴി​ൽ ഇ​ല​ക്ട്രീ​ഷ്യ​നാ​യി​രു​ന്നു. ഇ​തി​നി​ടെ 2018ൽ ​സ്പോ​ൺ​സ​ർ​ഷി​പ്പ് മാ​റാ​ൻ അ​വ​ർ ആ​വ​ശ്യ​പ്പെ​ട്ടു. തു​ട​ർ​ന്ന്​ പ​രി​ച​യ​പ്പെ​ട്ട മ​ല​പ്പു​റം സ്വ​ദേ​ശി​യു​ടെ സ്​​പോ​ൺ​സ​റു​ടെ പേ​രി​ലേ​ക്ക്​ സ്​​പോ​ൺ​സ​ർ​ഷി​പ്പ് മാ​റാ​മെ​ന്നും പു​തു​താ​യി ക​ട തു​റ​ക്കാ​മെ​ന്നും ഇ​യാ​ൾ അ​റി​യി​ച്ചു. ഇ​തി​നാ​യി വ​ലി​യ തു​ക അ​യാ​ൾ​ക്ക് ന​ൽ​കു​ക​യും ചെ​യ്തു.

പി​ന്നീ​ട് അ​യാ​ളെ കു​റി​ച്ച് വി​വ​ര​മി​ല്ലാ​താ​യ​പ്പോ​ഴാ​ണ് താ​ൻ വ​ഞ്ചി​ക്ക​പ്പെ​ട്ടെ​ന്ന് എ​ബ്ര​ഹാം മ​ന​സ്സി​ലാ​ക്കു​ന്ന​ത്. ര​ണ്ടു​വ​ർ​ഷ​ത്തോ​ള​മാ​യി ഇ​ഖാ​മ പു​തു​ക്കാ​ൻ ക​ഴി​യാ​ത്ത​തി​നെ തു​ട​ർ​ന്ന്​ ജോ​ലി​ക്ക് പോ​കാ​ൻ ക​ഴി​യാ​തെ ജീ​വി​തം പ്ര​തി​സ​ന്ധി​യി​ലാ​യി. ഇ​ട​ക്ക് നി​യ​മ​വി​രു​ദ്ധ​മാ​യി ചെ​റി​യ ജോ​ലി​ക​ൾ ചെ​യ്താ​ണ് പ​ട്ടി​ണി​കി​ട​ക്കാ​തെ ജീ​വി​തം മു​ന്നോ​ട്ടു​കൊ​ണ്ടു​പോ​യ​ത്. ബ​ത്ഹ​യി​ലെ താ​മ​സ​മു​റി​ക്ക് വാ​ട​ക ന​ൽ​കാ​ൻ ക​ഴി​യാ​താ​യ​തോ​ടെ മു​റി ന​ഷ്​​ട​പ്പെ​ടു​ന്ന സാ​ഹ​ച​ര്യ​മാ​യി. വാ​ട​ക കു​ടി​ശ്ശി​ക​ക്ക് നി​ര​ന്ത​രം വീ​ട്ടു​ട​മ ബ​ന്ധ​പ്പെ​ടാ​നും തു​ട​ങ്ങി. കോ​വി​ഡ്​ വ്യാ​പ​ന​ത്തോ​ടെ എ​ല്ലാ നി​ല​ക്കും പ്ര​യാ​സ​ത്തി​ലാ​യി.

ലോ​ക്ഡൗ​ൺ സ​മ​യ​ത്ത് കെ.​എം.​സി.​സി​യു​ടെ ഭ​ക്ഷ​ണ​ക്കി​റ്റും സ​മീ​പ​വാ​സി​ക​ളു​ടെ സ​ഹാ​യ​വും കൊ​ണ്ടാ​ണ് ജീ​വി​തം മു​ന്നോ​ട്ടു​പോ​യ​ത്. തു​ട​ർ​ന്ന്​​ എ​ങ്ങ​നെ​യെ​ങ്കി​ലും നാ​ട്ടി​ൽ പോ​കാ​ൻ ക​ഴി​യു​മോ എ​ന്ന​ന്വേ​ഷി​ച്ച് റി​യാ​ദ് കെ.​എം.​സി.​സി സെ​ൻ​ട്ര​ൽ ക​മ്മി​റ്റി പ്ര​സി​ഡ​ൻ​റ്​ സി.​പി. മു​സ്ത​ഫ​യെ ബ​ന്ധ​പ്പെ​ട്ടു. ഇ​ദ്ദേ​ഹ​മാ​ണ് വി​ഷ​യം കെ.​എം.​സി.​സി വ​നി​ത വി​ങ്ങി​നെ ചു​മ​ത​ല​പ്പെ​ടു​ത്തു​ന്ന​ത്. ഉ​ട​ൻ​ത​ന്നെ വ​നി​ത വി​ങ്​ ഭാ​ര​വാ​ഹി​ക​ൾ അ​വ​രെ സ​ന്ദ​ർ​ശി​ച്ച്​ വേ​ണ്ട സ​ഹാ​യം വാ​ഗ്ദാ​നം ചെ​യ്തു. എം​ബ​സി​യു​മാ​യി ബ​ന്ധ​പ്പെ​ട്ട് അ​വ​ർ​ക്ക് നാ​ട​ണ​യാ​നു​ള്ള നി​യ​മ സ​ഹാ​യ​ങ്ങ​ൾ​ക്ക് തു​ട​ക്കം കു​റി​ക്കു​ക​യും ആ​വ​ശ്യ​മാ​യ പ​ണം ക​ണ്ടെ​ത്താ​ൻ മു​ന്നി​ട്ടി​റ​ങ്ങു​ക​യും ചെ​യ്​​തു.

ഇ​ഖാ​മ പു​തു​ക്കാ​ത്ത​തു​ വ​ഴി​യു​ള്ള പി​ഴ​യും നാ​ട്ടി​ലേ​ക്ക്​ മ​ട​ങ്ങാ​നു​ള്ള ചെ​ല​വു​മു​ൾ​പ്പെ​ടെ 10,000ത്തോ​ളം റി​യാ​ൽ ആ​വ​ശ്യ​മാ​യി​രു​ന്നു. വ​നി​ത വി​ങ്​ ഭാ​ര​വാ​ഹി​ക​ളു​ടെ ശ്ര​മ​ഫ​ല​മാ​യി സാ​മ്പ​ത്തി​ക ബാ​ധ്യ​ത തീ​ർ​ത്ത്​ ക​ഴി​ഞ്ഞ​ദി​വ​സം രേ​ഖ​ക​ൾ ശ​രി​യാ​ക്കി നാ​ട്ടി​ലേ​ക്ക് യാ​ത്ര​യാ​ക്കി. റി​യാ​ദ് കെ.​എം.​സി.​സി സെ​ൻ​ട്ര​ൽ ക​മ്മി​റ്റി വെ​ൽ​ഫെ​യ​ർ വി​ങ്​ ചെ​യ​ർ​മാ​ൻ സി​ദ്ദീ​ഖ് തു​വ്വൂ​ർ, റി​യാ​ദ് വ​നി​ത കെ.​എം.​സി.​സി പ്ര​സി​ഡ​ൻ​റ്​ റ​ഹ്മ​ത്ത് അ​ഷ്റ​ഫ്, ജ​ന​റ​ൽ സെ​ക്ര​ട്ട​റി ജ​സീ​ല മൂ​സ, ചെ​യ​ർ​പേ​ഴ്‌​സ​ൺ ഖ​മ​റു​ന്നീ​സ മു​ഹ​മ്മ​ദ്, ട്ര​ഷ​റ​ർ നു​സൈ​ബ മാ​മു, ഭാ​ര​വാ​ഹി​ക​ളാ​യ ഹ​സ്ബി​ന നാ​സ​ർ, സൗ​ദ മു​ഹ​മ്മ​ദ്, ഫ​സ്‌​ന ഷാ​ഹി​ദ്, സാ​റ നി​സാ​ർ, ന​ജ്മ ഹാ​ഷിം, ഷ​ഹ​ർ​ബാ​ൻ മു​നീ​ർ എ​ന്നി​വ​രാ​ണ് പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കി​യ​ത്.