ആക്​ഷൻ ഹീറോ അമർ: വാൽസല്യത്തി​െൻറ കാവലാളായി റിയാദ്​ പൊലീസ്​

റിയാദ്​: ഹുസൈൻ അൽ അമർ എന്ന ഒമ്പത്​ വയസ്സുകാരൻ റിയാദ്​ പൊലീസി​​​െൻറ അരുമയാണിന്ന്​. അതിനപ്പുറം ഹീറോയാണ്, അഭിമാനമാണ്..​. കഴിഞ്ഞ ഒരുദിനം അമർ റിയാദ്​ പൊലീസിലെ അമരക്കാരനായി. യുണിഫോമണിഞ്ഞ്​  പൊലിസ്​ വാഹനത്തിൽ അന്ത​സ്സോടെ കയറിയിരുന്ന്​ അവൻ നഗരം ചുറ്റി. ഉയർന്ന ഉദ്യോഗസ്​ഥർ അവന്​ സെല്യൂട്ട്​ നൽകി. അവ​​​െൻറ സാമീപ്യം സേനയുടെ മനം നിറച്ചു. യൂണിഫോമിനുള്ളിലെ പൊലീസ്​ മനുഷ്യപ്പറ്റി​​​െൻറയും സ്​നേഹ വാൽസല്യങ്ങളുടെയും കൂടി കാവലാളാണെന്ന്​ റിയാദ്​ പൊലിസ്​ തെളിയിച്ച ദിനമായിരുന്നു അത്​.

എന്തിനാണവർ ഹുസൈൻ അമറിന്​  ‘പൊലീസ്’​ ആവാൻ അവസരം നൽകിയത്​ എന്നല്ലേ...?  മൂന്ന്​ വർഷമായി രക്​താർബുദത്തെ തുടർന്ന്​  ദീനക്കിടക്കയിലാണ്​ അമർ. അൽഅഹ്​സയിലെ കിങ്​ ഫൈസൽ സ്​പെഷ്യലിസ്​റ്റ്​ ഹോസ്​പിറ്റലിലായിരുന്നു ചികിൽസ. സഹോദരിയുടെ മജ്ജ അമറിന്​ മാറ്റിവെച്ചു. അവൻ പതുക്കെ ജീവിതത്തിലേക്ക്​ തിരിച്ചു വരുന്നതി​​​െൻറ സന്തോഷത്തിലായിരുന്നു കുടുംബം. അതിനിടയിലാണ്​ പൊലിസി​​​െൻറ ‘സസ്​പെൻസ്​ ഒാപറേഷൻ’ തുടങ്ങിയത്​. ഒരു ട്രാഫിക്​ പൊലീസുകാരൻ തുടർച്ചയായി അമറിനെ സന്ദർശിക്കാൻ വന്നു എന്ന്​ അമറി​​​െൻറ ഉമ്മ പറഞ്ഞു. 

രോഗവിവരങ്ങൾ അന്വേഷിച്ച പൊലീസ്​ അമറി​​​െൻറ ജീവിതത്തി​ലെ ആഗ്രഹം ചോദിച്ചറിഞ്ഞു. രണ്ടു ദിവസം കഴിഞ്ഞ്​ മറ്റൊരാൾ വന്ന്​ അമറി​​​െൻറ വസ്​ത്രത്തിനുള്ള അളവെടുത്തുപോയി. അതിനു പിന്നാലെ പൊലീസി​​​െൻറ ഫുൾ സെറ്റ്​ യൂണിഫോം അമറി​നെ തേടിയെത്തി. ഭാവിയിൽ പൊലീസ്​ ഒാഫീസറാവണമെന്ന അവ​​​െൻറ ആഗ്രഹമാണ്​  ഇൗ സമ്മാനം അമറിനെത്തിക്കാൻ പൊലീസിനെ പ്രേരിപ്പിച്ചത്​. ഇത്​ ലഭിച്ചതോടെ അമറിന്​ അവശത പമ്പ കടന്ന പ്രതീതി. കുഞ്ഞുമുഖത്ത്​ അഭിമാനപ്പുഞ്ചിരി. യൂണിഫോമണിഞ്ഞ്​ ആശുപത്രി വരാന്തയിലൂടെ  ഉലാത്തുന്ന അമർ എല്ലാവർക്കും സന്തോഷക്കാഴ്​ചയായി. ഡോക്​ടർമാരും നഴ്​സുമാരും ജീവനക്കാരും കുഞ്ഞുപൊലീസ്​ ഒാഫീസർക്ക്​ ചൂറ്റും കൂടി. എന്നാൽ റിയാദ്​ പൊലീസ്​ അവരുടെ ‘ദൗത്യം’ അവിടെയുമവസാനിപ്പിച്ചില്ല.  കഴിഞ്ഞ ദിവസം ആശുപത്രി വിട്ട അമറിനെ അവർ യൂണിഫോമിൽ സ്​റ്റേഷനിൽ കൊണ്ടു വന്ന്​ ആദരിച്ചു. പൊലീസ്​ കാറിൽ  ഒാഫീസറുടെ സീറ്റിലിരുന്ന്​ അവൻ നഗരം ചുറ്റി. ‘ആക്​ഷൻ ഹീറോ അമർ’.

അമറി​​​െൻറ ആഹ്ലാദത്തെ വെല്ലുന്ന സന്തോഷമായിരുന്നു പൊലീസിന്​.  അവനെപോലൊരു കുട്ടിയുടെ ആഗ്രഹം സഫലമാക്കാൻ കഴിഞ്ഞ ഞങ്ങളുടെ സന്തോഷം  വലുതാണ്​. അവൻ ഭാവിയിൽ പോലീസ്​ ഒാഫിസറാവാനുള്ള ആഗ്രഹത്തിന്​ ഇൗ അനുഭവം കരുത്താവുമെന്ന്​ ഡയറക്​ടർ ജനറൽ മേജർ ജനറൽ മുഹമ്മദ്​ അൽ ബസ്സാമി പറഞ്ഞു. അവന്​ രോഗം പൂർണമായി ഭേദമാവുമെന്നും ഭാവിയിൽ പൊലീസ്​ സേനയിൽ ചേർന്ന്​ മാതൃഭൂമിയെ സേവിക്കാൻ അവന്​ സാധിക്കുമെന്ന്​ പ്രതീക്ഷയുണ്ടെന്നും അമറി​​​െൻറ ഉമ്മ പറഞ്ഞു.