സൗദി പൊതുമാപ്പിൽ  നാടണഞ്ഞത് 7,58,570 പേർ

റിയാദ്​: ‘നിയമ ലംഘകരില്ലാത്ത രാജ്യം’ കാമ്പയി​െൻറ ഭാഗമായി ആദ്യദിവസം രാജ്യത്തി​​െൻറ വിവിധ ഭാഗങ്ങളിൽ 7547 നിയമ ലംഘക​ർ പിടിയിലായെന്ന്​ ആഭ്യന്തര മന്ത്രാലയം  സുരക്ഷ വക്​താവ്​ കേണൽ മൻസൂർ അൽതുർക്കി അറിയിച്ചു. ആറ്​ ഗവ. വകുപ്പുകൾ ചേർന്ന്​ രാജ്യത്തി​​െൻറ വിവിധ ഭാഗങ്ങളിൽ പരിശോധന തുടരുകയാണ്​. തൊഴിൽ താമസ നിയമ ലംഘകരായി ആരും രാജ്യത്തില്ലെന്ന്​ ഉറപ്പുവരുത്താനാണിത്​. അടുത്തിടെ പ്രഖ്യാപിച്ച പൊതുമാപ്പ്​ 7,58,570 പേർ ഉപയോഗപ്പെടുത്തി​. ഇതിൽ 37 ശതമാനം പേർ നടപടികൾ പൂർത്തിയാക്കി പ്രവേശന കവാടങ്ങൾ വഴി നേരിട്ടു തിരിച്ചു പോയവരാണ്​. ഹജ്ജ്​, ഉംറ, സിയാറ വിസകളിലെത്തിയവരാണ്​ ഇവരിലധികവും. 60 ശതമാനം പേർ വഴി ഡിപോർ​േട്ടഷൻ ഒാഫീസ്​ വഴി നടപടികൾ പൂർത്തിയാക്കിയാണ്​ തിരിച്ചുപോയത്​. 140 രാജ്യക്കാർ പൊതുമാപ്പ്​ ഉപയോഗപ്പെടുത്തിയിട്ടുണ്ട്​.

ഇതിൽ 20 ശതമാനം പാക്കിസ്​ഥാനികൾ, 12 ശതമാനം ഇൗജിപ്​തുകാർ, പത്ത്​ ശതമാനം എത്യോപ്യക്കാർ, പത്ത്​ ശതമാനം ഇന്ത്യക്കാർ, എട്ട്​ ശതമാനം മോറോക്കകാർ, ഏഴ്​ ശതമാനം ബംഗ്ലാദേശുകാർ, ആറ്​ ശതമാനം സുഡാനികൾ, നാല്​​ ശതമാനം തുർഖികൾ, നാല്​ ശതമാനം അൾജിരീയ, രണ്ട്​ ശതമാനം  ഇന്തേ​ാനേഷ്യ, ഫിലി​ൈപ്പൻസ്​, ഇറാഖ്​ എന്നീ രാജ്യക്കാരുമാണെന്നും സുരക്ഷ വക്​താവ്​ പറഞ്ഞു. നിയമ ലംഘകരെ പിടികൂടാനുള്ള പരിശോധനയിൽ സുരക്ഷ വിഭാഗത്തെ​ സഹായിക്കാൻ തൊഴിൽ മന്ത്രാലയത്തിനു കീഴിലെ 800 ഒാളം പരിശോധകരുണ്ടെന്ന്​ തൊഴിൽ സാമൂഹിക വികസന മന്ത്രാലയ വക്​താവ്​ ഖാലിദ്​ അബാഖൈൽ പറഞ്ഞു. പിടികൂടുന്നവരെ താമസിപ്പിക്കാൻ രാജ്യത്തി​​െൻറ വിവിധ ഭാഗങ്ങളിൽ സ്​ഥലങ്ങളൊരുക്കിയതായി ജയിൽ ഡയരക്​ടറേറ്റ്​​ പ്രതിനിധി കേണൽ ആഇദ്​ അൽഹാരിസി വ്യക്​തമാക്കി. ആളുകളെ പാകത്തിന്​ ഉൾക്കൊള്ളാൻ കഴിയുന്ന സ്​ഥലങ്ങളാണിത്​. തിരക്ക്​ നിയന്ത്രിക്കാൻ പാസ്​പോർട്ട്​ വിഭാഗവുമായി സഹകരണമുണ്ടെന്നും ജയിൽ ഡയരക്​​ടറേറ്റ്​ വ്യക്​തമാക്കി.

പത്രസമ്മേളനത്തിൽ പൊതുസുരക്ഷ പ്രതിനിധി കേണൽ സാമീ അൽശുവൈറഖ്​, തൊഴിൽ സാമൂഹ്യ വികസന മന്ത്രാലയ വക്​താവ്​ ഖാലിദ്​ അബാൈ​ഖൽ, ജയിൽ ഡയറക്​ടറേറ്റ്​ പ്രതിനിധി കേണൽ ആഇദ്​ അൽഹർബി, പാസ്​പോർട്ട്​ ഡയരക്​​ടറേറ്റ്​ തലാൽ അൽമുഖ്​ദം, അതിർത്തി സുരക്ഷ ഡയരക്​ടറേറ്റ്​​ കേണൽ സാഹിർ അൽഹർബി എന്നിവരും പത്രസമ്മേളനത്തിൽ സന്നിഹിതരായിരുന്നു.