2030 ഓ​ടെ സൗ​ദി​യി​ൽ മൂ​ന്ന് ത്രി​ല്യ​ൻ ഡോ​ള​റി​ന്‍റെ നി​ക്ഷേ​പം ആ​ക​ർ​ഷി​ക്കാ​ൻ നീ​ക്കം

അ​ൽ​ഖോ​ബാ​ർ: 2030ഓ​ടെ രാ​ജ്യ​ത്ത് മൂ​ന്ന് ട്രി​ല്യ​ൺ ഡോ​ള​റി​ന്‍റെ നി​ക്ഷേ​പ പ​ദ്ധ​തി​ക​ളു​മാ​യി സൗ​ദി അ​റേ​ബ്യ. മേ​യ് 23, 24 തീ​യ​തി​ക​ളി​ൽ ചൈ​ന​യി​ലെ ഷി​യാ​മെ​നി​ൽ ന​ട​ന്ന പ്ര​ഥ​മ ചൈ​ന-​ഗ​ൾ​ഫ് സ​ഹ​ക​ര​ണ ഫോ​റ​ത്തി​ലാ​ണ് സൗ​ദി അ​റേ​ബ്യ നി​ക്ഷേ​പ മ​ന്ത്രി ഖാ​ലി​ദ് അ​ൽ ഫാ​ലി​ഹ് രാ​ജ്യ​ത്തി​ന്‍റെ ന​യം വ്യ​ക്ത​മാ​ക്കി​യ​ത്. അ​ൽ​ഫാ​ലി​ഹി​ന്‍റെ നേ​തൃ​ത്വ​ത്തി​ൽ സൗ​ദി പ്ര​തി​നി​ധി സം​ഘ​ത്തി​ൽ ഇ​രു രാ​ജ്യ​ങ്ങ​ളു​ടെ​യും പ്ര​ധാ​ന പ്ര​തി​നി​ധി​ക​ൾ സ​ർ​ക്കാ​ർ, സ്വ​കാ​ര്യ മേ​ഖ​ല​യി​ലെ പ്ര​തി​നി​ധി​ക​ൾ പ​ങ്കെ​ടു​ത്തു.

ഫോ​റ​ത്തി​ൽ ഗ​ൾ​ഫ് സ​ഹ​ക​ര​ണ കൗ​ൺ​സി​ൽ (ജി.​സി.​സി) രാ​ജ്യ​ങ്ങ​ൾ വാ​ഗ്ദാ​നം ചെ​യ്യു​ന്ന കൂ​ട്ടാ​യ സാ​മ്പ​ത്തി​ക വി​ഭ​വ​ങ്ങ​ൾ, ത​ന്ത്ര​പ​ര​മാ​യ ഘ​ട​ക​ങ്ങ​ൾ, നേ​ട്ട​ങ്ങ​ൾ എ​ന്നി​വ മ​ന്ത്രി അ​ൽ-​ഫാ​ലി​ഹ് വ്യ​ക്ത​മാ​ക്കി. ജി.​സി.​സി രാ​ജ്യ​ങ്ങ​ളും ചൈ​ന​യും ത​മ്മി​ലു​ള്ള ഗു​ണ​ക​ര​മാ​യ പ​ങ്കാ​ളി​ത്ത​ത്തി​നു​ള്ള സാ​ധ്യ​ത​ക​ളെ അ​ദ്ദേ​ഹം ഊ​ന്നി​പ്പ​റ​യു​ക​യും സാ​മ്പ​ത്തി​ക, നി​ക്ഷേ​പ വി​പു​ലീ​ക​ര​ണ​ത്തി​നു​ള്ള അ​ഭൂ​ത​പൂ​ർ​വ​മാ​യ അ​വ​സ​ര​ങ്ങ​ളി​ലേ​ക്കു ന​യി​ക്കു​ക​യും ചെ​യ്യു​മെ​ന്ന് ആ​ത്മ​വി​ശ്വാ​സം പ്ര​ക​ടി​പ്പി​ക്കു​ക​യും ചെ​യ്തു. മി​ഡി​ൽ ഈ​സ്റ്റി​ന്‍റെ ജി.​ഡി.​പി​യു​ടെ 65 ശ​ത​മാ​നം വ​രു​ന്ന, 2.2 ട്രി​ല്യ​ൺ ഡോ​ള​റി​ന്‍റെ മൊ​ത്തം ആ​ഭ്യ​ന്ത​ര ഉ​ൽ​പാ​ദ​ന​മു​ള്ള​തി​നാ​ൽ ഊ​ർ​ജ​സ്വ​ല​വും വാ​ഗ്ധാ​ന​പ്ര​ദ​വു​മാ​യ ഒ​രു സം​യോ​ജി​ത വി​പ​ണി​യെ സൗ​ദി പ്ര​തി​നി​ധീ​ക​രി​ക്കു​ന്നു. ഇ​ന്ത്യ​യും ചൈ​ന​യും ത​മ്മി​ലു​ള്ള ശ​ക്ത​മാ​യ വ്യാ​പാ​ര ബ​ന്ധം മ​ന്ത്രി ചൂ​ണ്ടി​ക്കാ​ട്ടി.

2023 ൽ ​വ്യാ​പാ​ര അ​ള​വ് ഏ​ക​ദേ​ശം 362 ബി​ല്യ​ൺ റി​യാ​ലി​ലെ​ത്തി. ഇ​ത് 2014 ന് ​ശേ​ഷ​മു​ള്ള ഏ​റ്റ​വും ഉ​യ​ർ​ന്ന നി​ല​യെ അ​ട​യാ​ള​പ്പെ​ടു​ത്തു​ന്നു. കൂ​ടാ​തെ, ചൈ​ന​യി​ലെ നേ​രി​ട്ടു​ള്ള നി​ക്ഷേ​പ​ത്തി​ലെ ഗ​ണ്യ​മാ​യ വ​ള​ർ​ച്ച​യും അ​ദ്ദേ​ഹം എ​ടു​ത്തു​പ​റ​ഞ്ഞു. മു​ൻ​വ​ർ​ഷ​ത്തെ അ​പേ​ക്ഷി​ച്ച് 2022-ൽ 5.1 ​ശ​ത​മാ​നം വ​ർ​ധ​ന​യും 2018-ൽ​നി​ന്ന് 37.3 ശ​ത​മാ​നം വ​ർ​ധ​ന​യും രേ​ഖ​പ്പെ​ടു​ത്തി. വി​ഷ​ൻ 2030 പ്ര​കാ​രം സാ​മ്പ​ത്തി​ക വ​ള​ർ​ച്ച​ക്കും വി​ക​സ​ന​ത്തി​നും സൗ​ദി അ​റേ​ബ്യ​യു​ടെ പ്ര​തി​ബ​ദ്ധ​ത​യു​മാ​യി കൂ​ടു​ത​ൽ യോ​ജി​പ്പി​ച്ചു നി​ക്ഷേ​പ സ​ഹ​ക​ര​ണം മെ​ച്ച​പ്പെ​ടു​ത്തു​ന്ന​തി​നും വി​ക​സി​പ്പി​ക്കു​ന്ന​തി​നു​മു​ള്ള വ​ഴി​ക​ൾ ച​ർ​ച്ച ചെ​യ്യു​ന്ന​തി​നാ​യി വി​വി​ധ ചൈ​നീ​സ് സ​ർ​ക്കാ​ർ ഏ​ജ​ൻ​സി​ക​ളി​ലെ​യും പ്ര​മു​ഖ ക​മ്പ​നി​ക​ളി​ലെ​യും മു​തി​ർ​ന്ന ഉ​ദ്യോ​ഗ​സ്ഥ​രു​മാ​യി മ​ന്ത്രി അ​ൽ​ഫാ​ലി​ഹ് ഉ​ഭ​യ​ക​ക്ഷി യോ​ഗ​ങ്ങ​ൾ ന​ട​ത്തി.