സ​ൽ​മാ​ൻ രാ​ജാ​വി​ന്റെ ഉ​ത്ത​ര​വ്; മാ​ർ​ച്ച് 11 ‘പ​താ​ക​ദി​ന’​മാ​യി ആ​ച​രി​ക്കും

ജി​ദ്ദ: എ​ല്ലാ വ​ർ​ഷ​വും മാ​ർ​ച്ച് 11 ന് സൗ​ദി അ​റേ​ബ്യ​യി​ൽ പ​താ​ക​ദി​ന​മാ​യി ആ​ച​രി​ക്കുമെന്ന് സൗ​ദി ഭ​ര​ണാ​ധി​കാ​രി സ​ൽ​മാ​ൻ രാ​ജാ​വിന്റെ ഉ​ത്ത​രവ്. 1937 മാ​ർ​ച്ച് 11ന് (1335 ​ദു​ല്‍ഹ​ജ്ജ് 27) അ​ബ്​​ദു​ൽ അ​സീ​സ് രാ​ജാ​വ് സൗ​ദി പ​താ​ക​ക്ക് അം​ഗീ​കാ​രം ന​ൽ​കി​യ ദി​വ​സ​മെ​ന്ന നി​ല​ക്കാ​ണ് ഈ ​ദി​വ​സം പ​താ​ക​ദി​ന​മാ​യി ആ​ച​രി​ക്കാ​ൻ തീ​രു​മാ​നി​ച്ച​ത്.

ഹി​ജ്‌​റ 1139ൽ ​സൗ​ദി അ​റേ​ബ്യ സ്ഥാ​പി​ത​മാ​യ​തു​ മു​ത​ൽ രാ​ജ്യ​ത്തി​ന്റെ ച​രി​ത്ര​ത്തി​ലു​ട​നീ​ളം വ്യാ​പി​ച്ചു​കി​ട​ക്കു​ന്ന ദേ​ശീ​യ പ​താ​ക​യു​ടെ മൂ​ല്യ​ത്തി​ൽ​നി​ന്നാ​ണ് ഇ​ങ്ങ​നെ​യൊ​രു ദി​വ​സം സ​മ​ർ​പ്പി​ക്കു​ന്ന​തെ​ന്ന് രാ​ജ​കീ​യ ഉ​ത്ത​ര​വി​ൽ പ​റ​യു​ന്നു. രാ​ഷ്​​ട്രം സ്ഥാ​പി​ക്ക​പ്പെ​ട്ട​ത് സ​മാ​ധാ​ന​ത്തി​ന്റെ​യും ഇ​സ്​​ലാ​മി​ന്റെ​യും സ​ന്ദേ​ശം അ​ടി​സ്ഥാ​ന​മാ​ക്കി​യാ​ണ്.

ഏ​ക​ദൈ​വ വി​ശ്വാ​സം, നീ​തി, ശ​ക്തി, പു​രോ​ഗ​തി, സ​മൃ​ദ്ധി എ​ന്നി​വ​യെ സൂ​ചി​പ്പി​ക്കു​ന്ന മ​ഹ​ത്താ​യ അ​ര്‍ഥ​ങ്ങ​ളു​ടെ പ്ര​തീ​ക​മാ​ണ് രാ​ജ്യ​ത്തി​ന്റെ പ​താ​ക. മൂ​ന്നു നൂ​റ്റാ​ണ്ടു​ക​ളാ​യി രാ​ജ്യ​ത്തെ ഒ​രു​മി​പ്പി​ച്ചു​നി​ര്‍ത്താ​നു​ള്ള എ​ല്ലാ നീ​ക്ക​ങ്ങ​ള്‍ക്കും സൗ​ദി പ​താ​ക സാ​ക്ഷ്യം​വ​ഹി​ച്ചു. രാ​ജ്യ​ത്തെ പൗ​ര​ന്മാ​ര്‍ അ​ഭി​മാ​ന​മാ​യി ഉ​യ​ർ​ത്തി​പ്പി​ടി​ക്കു​ന്ന ഈ ​പ​താ​ക രാ​ഷ്​​ട്ര​ത്തി​ന്റെ​യും അ​തി​​ന്റെ ശ​ക്തി​യു​ടെ​യും പ​ര​മാ​ധി​കാ​ര​ത്തി​​ന്റെ​യും ഐ​ക്യ​ത്തി​​ന്റെ​യും പ്ര​ക​ട​ന​മാ​ണെ​ന്ന് രാ​ജ​കീ​യ വി​ജ്ഞാ​പ​ന​ത്തി​ല്‍ പ​റ​ഞ്ഞു.