സൗദിയിൽ ബഖാലകൾക്കുള്ള ഒന്നാംഘട്ട നിബന്ധനകൾ പ്രാബ്യത്തിലായി

ജിദ്ദ: രാജ്യത്ത്​ ബഖാലകൾക്ക് (പലവ്യജ്ഞന കട)​ നിശ്ചയിച്ച നിബന്ധകളും വ്യവസ്ഥകളും ഒന്നാംഘട്ടം നടപ്പാക്കാൻ ആരംഭിച്ചു. കടയിലെ മുഴുവൻ ഉൽപന്നങ്ങളിലും വില രേഖപ്പെടുത്തണം, ആരോഗ്യ സർട്ടിഫിക്കറ്റ്​ പ്രദർശിപ്പിക്കണം, നിരീക്ഷണ കാമറാസംവിധാനം ഘടിപ്പിക്കണം എന്നീ നിബന്ധനകളാണ്​ ​ഫെബ്രുവരി 10​ മുതൽ നിർബന്ധമായത്​.

ബഖാലകൾക്ക്​ മൊത്തം നിശ്ചയിച്ചിരിക്കുന്ന നിബന്ധനകൾ രണ്ട് ​ഘട്ടങ്ങളായി നടപ്പാക്കാനുള്ള തീയതികൾ മുനിസിപ്പൽ മന്ത്രാലയം നേരത്തെ പ്രഖ്യാപിച്ചിരുന്നു​. രണ്ടാംഘട്ടം ജൂൺ 20 മുതലാണ്​ ആരംഭിക്കുക. ഇലക്​ട്രോണിക് ബിൽ​ സംവിധാനം ഏർപ്പെടുത്തുക, കടയുടെ നെയിംബേർഡ്​ നിശ്ചിത രീതിയിലും വർണങ്ങളിലും ആയിരിക്കുക, കടയുടെ മുൻവശം ഉൾഭാഗം പൂർണമായും പുറത്ത്​ നിന്ന്​ കാത്തക്ക വിധം സുത്യാര്യമാക്കുക, പുറത്ത്​ നിന്ന്​ വലിച്ച്​ തുറക്കാൻ കഴിയുന്ന ഡോർ സംവിധാനം ഏർപ്പെടുത്തുക, നിലവും അലമാരകളും തട്ടുകളും സംഭരണികളും വൃത്തിയുള്ളതായിക്കുക, അലമാരകൾക്കിടയിൽ നിശ്ചിത അകലം ഉണ്ടായിരിക്കുക എന്നിവയാണ്​ രണ്ടാംഘട്ട നിബന്ധന. ക്ലീനിങ്​ വസ്​തുക്കളും ഉപകരണങ്ങളും ഭക്ഷ്യ ഉൽപന്നങ്ങളിൽ നിന്ന് മാറ്റി ​വേറെ ഭാഗത്ത്​ വെക്കുക, കടയിൽ അഗ്​നിശമന സിലിണ്ടർ ഘടിപ്പിക്കുക, ​പ്രഥമ ശുശ്രൂഷാ ബോക്​സ്​ സ്ഥാപിക്കുക എന്നിവയും രണ്ടാംഘട്ട നിബന്ധനകളിൽ ഉൾപ്പെടുന്നതാണ്​.