സൗദിയിൽ കോവിഡ്​ വാക്​സിൻ രജിസ്​ട്രേഷൻ തുടങ്ങി

ജിദ്ദ: കോവിഡ്​ വാക്സിൻ ലഭിക്കുന്നതിന്​ പൊതുജനങ്ങളുടെ രജിസ്​​​ട്രേഷൻ ചൊവ്വാഴ്​ച ആരംഭിച്ചതായി സൗദി ആരോഗ്യമന്ത്രാലയം അറിയിച്ചു. രാജ്യത്തെ മുഴുവൻ പൗരന്മാർക്കും വിദേശികൾക്കും 'സിഹ്വത്തി' എന്ന ആപ്ലിക്കേഷൻ വഴി രജിസ്​റ്റർ ചെയ്യാം. http://onelink.to/yjc3nj എന്ന ലിങ്കിൽ നിന്ന്​ ആപ്​ ഡൗൺലോഡ്​ ചെയ്​ത്​ മൊബൈൽ ഫോണുകളിൽ ഇൻസ്​റ്റാൾ ചെയ്യാം. വാക്​സി​ൻ പൂർണമായും സുരക്ഷിതവും ഫലപ്രദവുമാണെന്ന്​ സ്ഥിരീകരിച്ചിട്ടുണ്ടെന്ന്​ മന്ത്രാലയം വ്യക്തമാക്കി. രോഗപ്രതിരോധ ശേഷി ശക്ത​ിപ്പെടുത്തുന്നുണ്ടെന്നും ശരീരത്തിൽ ആൻറിബോഡികൾ ദീർഘകാലം രൂപപ്പെടുത്തി നിർത്തുമെന്നും കണ്ടെത്തിയിട്ടുണ്ട്​. വാക്​സിൻ നൽകുന്നത്​ പൂർണമായും സൗജന്യമായിരിക്കുമെന്നും മന്ത്രാലയം അറിയിച്ചു. വാക്​സിനേഷൻ മൂന്ന്​ ഘട്ടങ്ങളായി നടക്കും. ഒരോ ഘട്ടങ്ങളിലും നിശ്ചിത വിഭാഗം ആളുകൾക്കാണ്​ വാക്​സിൻ നൽകുക.

ആദ്യഘട്ടത്തിൽ ഉൾപ്പെടുന്നവർ:​

1. 65 വയസിന്​ മുകളിലുള്ള പൗരന്മാരും വിദേശികളും

2. വൈറസ് ​ബാധക്ക്​ ഏറ്റവും സാധ്യതയുള്ള ജോലിയിലേർപ്പെടുന്നവർ

3. അമിതവണ്ണമുള്ളവർ (ആകെ ശരീര ഭാര സൂചിക (ബി.എം.​െഎ) 40 കവിഞ്ഞവർ)

4. അവയവം മാറ്റിവക്കപ്പെട്ടവരോ രോഗപ്രതിരോധ മരുന്നുകൾ കഴിക്കുന്ന ​പ്രതിരോധ ശേഷിയില്ലാത്തവരോ

5. ആസ്​തമ, പ്രമേഹം, വിട്ടുമാറാത്ത വൃക്ക​രോഗം, കോറോണറി ആർട്ടറി രോഗം ഉൾപ്പെടെയുള്ള വിട്ടുമാറാത്ത ഹൃദ്രോഗം, നിത്യമായ ശ്വാസകോരോഗങ്ങൾ, മുമ്പ്​ മസ്​ തിഷ്​കാഘാതമുണ്ടായവർ

രണ്ടാംഘട്ടത്തിൽ ഉൾപ്പെടുന്നവർ:

1. 50 വയസിനു മുകളിലുള്ള പൗരന്മാരും വിദേശികളും

2. ആരോഗ്യ മേഖലയിലെ മറ്റ്​ ജീവനക്കാർ

3. ആസ്​തമ, പ്രമേഹം, വിട്ടുമാറാത്ത വൃക്ക​രോഗം, കോറോണറി ആർട്ടറി രോഗം ഉൾപ്പെടെയുള്ള വിട്ടുമാറാത്ത ഹൃദ്രോഗം, നിത്യമായ ശ്വാസകോരോഗങ്ങൾ, മുമ്പ്​ മസ്​ തിഷ്​കാഘാതമുണ്ടായവർ, അർബുദ ബാധിതർ, അമിതവണ്ണമുള്ളവർ (ആകെ ശരീര ഭാര സൂചിക (ബി.എം.​െഎ) 30നും 40നും ഇടയിലുള്ളവർ)

മൂന്നാംഘട്ടത്തിൽ ഉൾപ്പെടുന്നവർ:

1. വാക്​സിൻ എടുക്കാൻ ആഗ്രഹിക്കുന്ന പൗരന്മാരും വിദേശികളും

കോവിഡി​െൻറ തുടക്കം മുതൽ രാജ്യത്ത്​ സ്വീകരിച്ച പ്രതിരോധ നടപടികളുടെ തുടർച്ചയാണ്​ ഇതെന്നും ഇതിലുടെ പകർച്ചവ്യാധിയെ നിയന്ത്രണവിധേയമാക്കാനും പൗരന്മാരുടെയും വിദേശികളുടെയും ആരോഗ്യ സുരക്ഷ ഉറപ്പുവരുത്താനും കഴിഞ്ഞതായും ആരോഗ്യ മന്ത്രാലയം വ്യക്തമാക്കി. വാക്​സിൻ സ്വീകരിക്കുന്ന ആദ്യ രാജ്യങ്ങളിൽ ഒന്നായിരിക്കുമെന്ന്​ സൗദി അറേബ്യ നേരത്തെ പ്രഖ്യാപിച്ചിരുന്നതാണെന്നും അധികൃതർ പറഞ്ഞു.