സൗദിയിൽ മരണം 144 ആയി; ചികിത്സയിൽ 16136 പേരും​

റിയാദ്​: സൗദി അറേബ്യയിൽ കോവിഡ്​ ബാധിച്ചുള്ള മരണം 144 ആയി ഉയർന്നു. അഞ്ചുപേരാണ്​ പുതുതായി മരിച്ചത്​. മക്കയിൽ നാല ും ജിദ്ദയിൽ ഒരാളുമാണ്​ മരിച്ചത്​. രണ്ട്​ സൗദി പൗരന്മാരും മൂന്ന്​ വിദേശികളുമാണ്​ മരിച്ചത്​. മരിച്ചവർ 31നും 82നും ഇടയിൽ ​പ്രായമുള്ളവരാണ്​.

പുതുതായി 1289 പേരിൽ രോഗം സ്ഥിരീകരിച്ചതോടെ ആകെ ​വൈറസ്​ ബാധിതരുടെ എണ്ണം 18811 ആയി. പുതി യ രോഗികളിൽ 16 ശതമാനം മാത്രമാണ്​ സൗദി പൗരന്മാർ. 84 ശതമാനവും വിദേശികളാണ്​. ചികിത്സയിൽ കഴിയുന്നത്​​ 16136 പേരാണ്​. 174 ​േ​പർ കഴിഞ്ഞ 24 മണിക്കൂറിനിടെ സുഖം പ്രാപിച്ചു. ഇതോടെ രോഗമുക്തരുടെ മൊത്തം എണ്ണം 2531 ആയി.

രോഗികളെ കണ്ടെത്താൻ ആരോഗ്യ വകുപ്പ്​ രാജ്യ വ്യാപക പരിശോധന ആരംഭിച്ചിട്ട്​ 12 ദിവസം പിന്നിടുന്നു. നിരവധി മെഡിക്കൽ സംഘങ്ങൾ ഇറങ്ങിയുള്ള സജീവമായ ഇൗ ഫീൽഡ്​ സർവേയിലൂടെയാണ്​ രോഗികളെ കണ്ടെത്തുന്നതെന്നും 10 ലക്ഷം ആളുകളെ ഇതിനകം ഇൗ സംഘങ്ങൾ സമീപിച്ചുകഴിഞ്ഞെന്നും ആരോഗ്യമന്ത്രാലയ വക്താവ്​ ഡോ. മുഹമ്മദ്​ അബ്​ദു അൽഅലി വാർത്താസമ്മേളനത്തിൽ പറഞ്ഞു.

സജീവ സാന്നിദ്ധ്യമായ വൈറസി​​െൻറ പ്രഭവ മേഖലകൾ ​കണ്ടെത്താനും അത്തരം ഭാഗങ്ങൾ കർശന നിയന്ത്രണത്തിലാക്കി രോഗത്തെ പിടിച്ചുകെട്ടാനുമുള്ള തീവ്രയത്​നമാണ്​ നടത്തിവരുന്നതെന്നും അദ്ദേഹം കൂട്ടിച്ചേർത്തു. മക്കയിലെ മരണസംഖ്യ ഗണ്യമായി ഉയരുകയാണ്​. നാലുപേർ കൂടി മരിച്ചതോടെ ഇവിടെ ആകെ മരണസംഖ്യ 63 ആയി​. ജിദ്ദയിൽ 30ഉം ആയി.

പുതിയ രോഗികൾ: ജിദ്ദ 294, മക്ക 218, മദീന 202, റിയാദ്​ 178, ബേഷ്​ 126, ജുബൈൽ 107, ഖോബാർ 50, ഹുഫൂഫ്​ 37, ദമ്മാം 26, സുൽഫി 11, ഖത്വീഫ്​ 7, ത്വാഇഫ്​ 5, അൽബാഹ 5, ബുറൈദ 4, തബൂക്ക്​ 4, ഹാഇൽ 3, മുസാഹ്​മിയ 2, അബഹ 1, ഖമീസ്​ മുശൈത്ത്​ 1, യാംബു 1, ജീസാൻ 1, തുവാൽ 1, ദൂമത്ത്​ അൽജൻഡൽ 1, അൽഖർജ്​ 1, സാജർ 1, ദറഇയ 1, സകാക്ക 1.

മരണസംഖ്യ: മക്ക 63, മദീന 32, ജിദ്ദ 30, റിയാദ്​ 6, ഹുഫൂഫ്​ 4, ജീസാൻ 1, ഖത്വീഫ് 1​, ദമ്മാം 1, അൽഖോബാർ 1, ഖമീസ്​ മുശൈത്ത് 1​, ബുറൈദ 1, ജുബൈൽ 1, അൽബദാഇ 1, തബൂക്ക്​ 1.