സൗദിയിൽ കോവിഡ്​ മൂലമുള്ള മരണനിരക്കിൽ കുറവ്​

റിയാദ്​: സൗദി അറേബ്യയിൽ കോവിഡ്​ മൂലമുള്ള മരണനിരക്കിലും കാര്യമായ കുറവ്​ അനുഭവപ്പെട്ടു തുടങ്ങി. രാജ്യത്ത്​ വിവിധയിടങ്ങളിലായി 12 പേരാണ്​ തിങ്കളാഴ്​ച മരിച്ചത്​. 232 പേർക്ക്​ പുതുതായി​ കോവിഡ് സ്ഥിരീകരിച്ചു​. 393 പേർ കോവിഡ്​ മുക്തരായി. ആകെ കോവിഡ്​ കേസുകളുടെ എണ്ണം 357360 ആയി.

രോഗമുക്തരുടെ ആകെ എണ്ണം 3,46,802 ആയി ഉയർന്നു. ആകെ മരണസംഖ്യ 5896 ആണ്​. അസുഖ ബാധിതരായി രാജ്യത്ത്​ അവശേഷിക്കുന്നവരുടെ എണ്ണം 4662 ആയി കുറഞ്ഞു. ഇതിൽ 659 പേർ മാത്രമാണ്​ ഗുരുതരനിലയിലുള്ളത്​. ഇവർ തീവ്രപരിചരണ വിഭാഗത്തിലാണ്​.

രാജ്യത്തെ കോവിഡ്​ മുക്തി നിരക്ക്​ 96.8 ശതമാനവുമായി ഉയർന്നു. മരണനിരക്ക്​ 1.6 ശതമാനവുമായി തുടരുന്നു. കഴിഞ്ഞ 24 മണിക്കൂറിനിടെ വിവിധ മേഖലകളിൽ റിപ്പോർട്ട്​ ചെയ്​ത പുതിയ കോവിഡ്​ കേസുകൾ: റിയാദ്​ 67, മക്ക 42, മദീന 32, കിഴക്കൻ പ്രവിശ്യ 28, അസീർ 23, ഖസീം 17, നജ്​റാൻ 7, അൽബാഹ​ 5, തബൂക്ക്​ 3, ജീസാൻ 3, ഹാഇൽ​ 3, അൽജൗഫ്​ 2.