സൗദിയിൽ നാളെ മുതൽ കർഫ്യൂ ഉച്ചക്ക്​ ശേഷം മൂന്നു മുതൽ

റിയാദ്​: സൗദി അറേബ്യയിലെ പ്രധാന​പ്പെട്ട മൂന്ന്​ നഗരങ്ങളിൽ കർഫ്യൂ വ്യാഴാഴ്​ച മുതൽ ഉച്ചക്ക്​ ശേഷം മൂന്നിന്​ ആ രംഭിക്കും. കോവിഡ്​ കൂടുതൽ പേർക്ക്​ സ്ഥിരീകരിച്ച സാഹചര്യത്തിൽ പുതിയ മുൻകരുതൽ നടപടികൾ സ്വീകരിക്കാൻ സൽമാൻ രാജാവ്​ ഉത്തരവിട്ടതിനെ തുടർന്നാണ്​ കർഫ്യൂ സമയം ദീർഘിപ്പിക്കുന്നത്​. മക്ക, മദീന, റിയാദ്​ എന്നീ നഗരങ്ങളിലാണ്​ കർഫ്യൂ ഉച്ചക്ക്​ ശേഷം മൂന്ന്​ മണി മുതൽ ആരംഭിക്കുന്നത്​. പിറ്റേന്ന്​ പുലർച്ചെ ആറുവരെയാണ്​ നിരോധനാജ്ഞ.

അതേ സമയം രാജ്യത്തെ 13 പ്രവിശ്യകളിലേക്കുള്ള പൊതുജന സഞ്ചാരവും വിലക്കി. റിയാദ്​, മക്ക, മദീന എന്നീ നഗരങ്ങളിലുള്ളവർക്ക്​ പുറത്തേക്ക്​ പോകാനോ പുറത്തുള്ളവർക്ക്​ ഇൗ നഗരങ്ങളിലേക്ക്​ പ്രവേശിക്കാനോ അനുവാദമില്ല.