കോവിഡ്: സൗദിയിൽ ഇന്ന് 1,048 പുതിയ രോഗികളും 964 രോഗമുക്തിയും
text_fieldsജിദ്ദ: സൗദി അറേബ്യയിൽ പുതുതായി 1,048 പേർക്ക് രോഗം സ്ഥിരീകരിച്ചു. 964 പേർ രോഗമുക്തി നേടി. ഇതോടെ രാജ്യത്ത് ആകെ റിപ്പോർട്ട് ചെയ്ത കേസുകളുടെ എണ്ണം 4,18,411 ഉം ആകെ രോഗമുക്തരുടെ എണ്ണം 4,01,544 ഉം ആയി. രാജ്യത്തെ വിവിധ ആശുപത്രികളിലും മറ്റുമായി 9,899 പേർ നിലവിൽ ചികിത്സയിലുണ്ട്. ഇവരിൽ 1,333 പേരുടെ നില ഗുരുതരമാണ്.
ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യനില തൃപ്തികരമാണ്. ചികിത്സയിലുണ്ടായിരുന്നവരിൽ 11 പേർ കൂടി മരിച്ചു. ഇതോടെ രാജ്യത്ത് ആകെ മരണസംഖ്യ 6,968 ആയി. രാജ്യത്തെ കോവിഡ് മുക്തി നിരക്ക് 96 ശതമാനവും മരണനിരക്ക് 1.66 ശതമാനവുമാണ്.
ഏറ്റവും കൂടുതൽ രോഗികളുള്ളത് റിയാദ് പ്രവിശ്യയിലാണെങ്കിലും പുതുതായി റിപ്പോർട്ട് ചെയ്യുന്നവരിൽ റിയാദിൽ രോഗികൾ കുറഞ്ഞിട്ടുണ്ട്. വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 379, മക്ക 277, കിഴക്കൻ പ്രവിശ്യ 141, അസീർ 46, മദീന 41, ജീസാൻ 35, തബൂക്ക് 33, അൽ ഖസീം 29, ഹാഇൽ 21, നജ്റാൻ 15, വടക്കൻ അതിർത്തി മേഖല 14, അൽബാഹ 9, അൽ ജൗഫ് 8.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.