സൗദിയിൽ പൊതുമാപ്പ്​ കാലാവധി ഒരു മാസത്തേക്ക്​ നീട്ടി

ജിദ്ദ: സൗദി അറേബ്യയിൽ പൊതുമാപ്പ്​ കാലാവധി ഒരു മാസത്തേക്ക്​ നീട്ടാൻ സർക്കാർ അനുമതി നൽകിയതായി  പാസ്​പോർട്ട്​   ഡയരക്​ടറേറ്റ്​ വ്യക്​തമാക്കി. മൂന്ന്​ മാസത്തെ പൊതുമാപ്പ്​ റമദാൻ 30ന്​ അവസാനിച്ചതായിരുന്നു. ശവ്വാൽ ഒന്ന്​ മുതൽ ഒരു  മാസത്തേക്കാണ്​ നിയമലംഘകരായ ആളുകൾക്ക്​ പിഴ കൂടാതെ രാജ്യം വിടുന്നതിനുള്ള കാലാവധി നീട്ടിയത്​.

ആഭ്യന്തര വകുപ്പ്​   അമീർ അബ്​ദുൽ അസീസ്​ ബിൻ സഉൗദ്​ ബിൻ നാഇഫി​​​െൻറ നിർദേശത്തെ തുടർന്ന്​ രാജ്യത്തെ എല്ലാ ഭാഗങ്ങളിലും  നിയമലംഘകരെ സ്വീകരിക്കുന്നതിനുള്ള ഒരുക്കങ്ങൾ പൂർത്തിയായതായി സൗദി പാസ്​പോർട്ട്​ മേധാവി കേണൽ സുലൈമാൻ ബിൻ  അബ്​ദുൽ അസീസ്​ അൽയഹ്​യ പറഞ്ഞു. ദേശീയ ഇൻഫർമേഷൻ സ​​െൻററുമായി ചേർന്ന്​ ഇതിനുള്ള നടപടികൾ സ്വീകരിച്ചിട്ടുണ്ട്​​. നേരത്തെ പ്രഖ്യാപിച്ച പൊതുമാപ്പ്​ ഉപയോഗപ്പെടുത്താത്തവരും നടപടികൾ പൂർത്തിയാക്കാത്താവരും നീട്ടി നൽകിയ പൊതുമാപ്പ്​ 

കാലയളവ്​ ഉപയോഗപ്പെടുത്തണമെന്നും രാജ്യത്ത്​ നിയമലംഘകരായി കഴിയുന്നവരോട്​ പാസ്​പോർട്ട്​ മേധാവി ആവശ്യപ്പെട്ടു. നിയമലംഘകരില്ലാത്ത രാജ്യം എന്ന ആശയം സാക്ഷാത്​കരിക്കാനാണ്​ ​ 90 ദിവസത്തെ പൊതുമാപ്പ്​ പ്രഖ്യാപിച്ചിരുന്നത്​.