രാജ്യത്തെ തുറമുഖങ്ങളിൽ രണ്ടു മണിക്കൂറിനുള്ളിൽ കസ്റ്റംസ് ക്ലിയറൻസ്

ജു​ബൈ​ൽ: രാ​ജ്യ​ത്തെ എ​ല്ലാ തു​റ​മു​ഖ​ങ്ങ​ളി​ലും ‘ര​ണ്ടു മ​ണി​ക്കൂ​റി​നു​ള്ളി​ൽ ക​സ്​​റ്റം​സ് ക്ലി​യ​റ​ൻ​സ്’ പ​ദ്ധ​തി ന​ട​പ്പാ​ക്കു​മെ​ന്ന് സ​കാ​ത്ത്, ടാ​ക്സ് ആ​ൻ​ഡ് ക​സ്​​റ്റം​സ് അ​തോ​റി​റ്റി. സൗ​ദി അ​റേ​ബ്യ​യെ ആ​ഗോ​ള ലോ​ജി​സ്റ്റി​ക് പ്ലാ​റ്റ്‌​ഫോ​മാ​ക്കാ​നു​ള്ള ശ്ര​മ​ത്തി​ന്റെ ഭാ​ഗ​മാ​യാ​ണ് മു​ഴു​വ​ൻ ക​ര, ക​ട​ൽ, വ്യോ​മ തു​റ​മു​ഖ​ങ്ങ​ളി​ലും ക​സ്​​റ്റം​സ് ക്ലി​യ​റ​ൻ​സ് സം​വി​ധാ​ന​ത്തി​ൽ പ്ര​ക​ട​മാ​യ വേ​ഗം വ​രു​ത്താ​ൻ പ​ദ്ധ​തി ന​ട​പ്പാ​ക്കു​ന്ന​ത്. ഈ ​മാ​സം 26ന് ​ന​ട​ക്കു​ന്ന അ​ന്താ​രാ​ഷ്​​ട്ര ക​സ്​​റ്റം​സ് ദി​നാ​ച​ര​ണ​ത്തി​​ന്റെ മു​ന്നോ​ടി​യാ​യാ​ണ് അ​തോ​റി​റ്റി​യു​ടെ പ്ര​ഖ്യാ​പ​നം.

അ​തോ​റി​റ്റി ഗ​വ​ർ​ണ​ർ സു​ഹൈ​ൽ അ​ബ​ൻ​മി​യു​ടെ സാ​ന്നി​ധ്യ​ത്തി​ൽ വി​വി​ധ ക​സ്​​റ്റം​സ് ക്ലി​യ​റ​ൻ​സ് യോ​ഗ​ത്തി​ൽ ഉ​ദ്യോ​ഗ​സ്ഥ​ർ പ​ങ്കെ​ടു​ത്തു. പ​ര​സ്പ​ര സ​ഹ​ക​ര​ണ​ത്തി​​ന്റെ ഒ​രു സു​പ്ര​ധാ​ന ഘ​ട്ടം പൂ​ർ​ത്തി​യാ​ക്കി​യ​തി​നു​ശേ​ഷ​മാ​ണ് ര​ണ്ടു മ​ണി​ക്കൂ​റി​നു​ള്ളി​ൽ ക്ലി​യ​റ​ൻ​സ് സം​രം​ഭം ന​ട​പ്പാ​ക്കു​ന്ന​തെ​ന്ന് അ​ബ​ൻ​മി പ​റ​ഞ്ഞു. രാ​ജ്യ​ത്തെ ഒ​രു ആ​ഗോ​ള ലോ​ജി​സ്​​റ്റി​ക് കേ​ന്ദ്ര​മാ​ക്കി മാ​റ്റു​ക​യും വ്യാ​പാ​ര സം​രം​ഭ​ങ്ങ​ളെ പി​ന്തു​ണ​ക്കു​ക​യും ചെ​യ്യു​ക​യാ​ണ് ല​ക്ഷ്യം. ക​സ്​​റ്റം​സ് അ​ധി​കാ​രി​ക​ൾ ത​മ്മി​ലു​ള്ള ശ്ര​മ​ങ്ങ​ൾ ഏ​കീ​ക​രി​ക്കു​ന്ന​തി​നു​ള്ള ഒ​രു സ​വി​ശേ​ഷ മാ​തൃ​ക​യാ​ണ് ഈ ​സം​രം​ഭം പ്ര​തി​നി​ധാ​നം ചെ​യ്യു​ന്ന​തെ​ന്ന് അ​തോ​റി​റ്റി ചീ​ഫ് അ​ഭി​പ്രാ​യ​പ്പെ​ട്ടു.

എ​ല്ലാ ക​സ്​​റ്റം​സ് തു​റ​മു​ഖ​ങ്ങ​ളി​ലെ​യും പ്ര​ക​ട​ന​വും ഉ​ൽ​പാ​ദ​ന​ക്ഷ​മ​ത​യും ഉ​യ​ർ​ത്തു​ന്ന​തി​നും ലോ​ജി​സ്​​റ്റി​ക് സേ​വ​ന​ങ്ങ​ൾ ശ​ക്തി​പ്പെ​ടു​ത്തു​ന്ന​തി​നും ഇ​തു​വ​ഴി സാ​ധി​ക്കും. ഇ​ത് രാ​ജ്യ​ത്തി​ന്റെ ആ​ഗോ​ള മ​ത്സ​ര​ക്ഷ​മ​ത​യെ പി​ന്തു​ണ​ക്കു​ക​യും ബി​സി​ന​സ് രീ​തി​ക​ൾ മെ​ച്ച​പ്പെ​ടു​ത്തു​ക​യും ചെ​യ്യും. വി​ഷ​ൻ 2030ന്റെ ​ല​ക്ഷ്യ​ങ്ങ​ൾ കൈ​വ​രി​ക്കു​ന്ന​തി​നു​ള്ള ശ്ര​മ​ങ്ങ​ളു​ടെ ഭാ​ഗ​മാ​ണ് പ​ദ്ധ​തി​യെ​ന്നും അ​ദ്ദേ​ഹം വ്യ​ക്ത​മാ​ക്കി.

സ്ഥാ​പ​ന​ങ്ങ​ളു​ടെ ഉ​ട​മ​സ്ഥാ​വ​കാ​ശ കൈമാറ്റം ;തൊ​ഴി​ലാ​ളി​ക​ളു​ടെ സ്​​പോ​ൺ​സ​ർ​ഷി​പ്പും സ്വ​യ​ം മാറും

ജി​ദ്ദ: ഒ​രേ വാ​ണി​ജ്യ ര​ജി​സ്​​ട്രേ​ഷ​ന്​ (സി​ജ്​​ൽ തി​ജാ​രി​യ) കീ​ഴി​ൽ​ പ്ര​വ​ർ​ത്തി​ക്കു​ന്ന സ്ഥാ​പ​ന​ത്തി​​ന്റെ ഉ​ട​മ​സ്ഥാ​വ​കാ​ശം ​കൈ​മാ​റു​ന്ന സാ​ഹ​ച​ര്യ​ത്തി​ൽ തൊ​ഴി​ലാ​ളി​ക​ളു​ടെ സ്​​പോ​ൺ​സ​ർ​ഷി​പ്പും സ്വ​യ​ം കൈ​മാ​റ്റം ചെ​യ്യ​പ്പെ​ടു​മെ​ന്ന്​ മാ​ന​വ വി​ഭ​വ​ശേ​ഷി സാ​മൂ​ഹി​ക വി​ക​സ​ന മ​ന്ത്രാ​ല​യം വ്യ​ക്ത​മാ​ക്കി.

ഒ​രാ​ളു​ടെ അ​ന്വേ​ഷ​ണ​ത്തി​ന്​ മ​റു​പ​ടി​യാ​യാ​ണ്​ ഇ​ക്കാ​ര്യം വ്യ​ക്ത​മാ​ക്കി​യ​ത്. ഉ​ട​മ​സ്ഥാ​വ​കാ​ശം കൈ​മാ​റ്റം ചെ​യ്യു​ന്ന​തി​നു​ള്ള ന​ട​പ​ടി​ക​ൾ സ്ഥാ​പ​ന​മാ​ണ് പൂ​ർ​ത്തി​യാ​ക്കേ​ണ്ട​ത്. തൊ​ഴി​ൽ​കാ​ര്യ ഓ​ഫി​സി​ലെ​ത്തു​ക, മു​ൻ ഉ​ട​മ​യു​ടെ ഫ​യ​ൽ മാ​റ്റാ​നു​ള്ള ന​ട​പ​ടി​ക​ൾ പൂ​ർ​ത്തി​യാ​ക്കു​ക, പു​തി​യ ഉ​ട​മ​ക്കാ​യി ഫ​യ​ൽ തു​റ​ക്കു​ക എ​ന്നി​വ പൂ​ർ​ത്തി​യാ​ക്കേ​ണ്ട​തു​ണ്ട്. തൊ​ഴി​ൽ നി​യ​മ​ത്തി​ലെ ആ​ർ​ട്ടി​ക്കി​ൾ 40 പ്ര​കാ​രം ജോ​ലി​യു​ടെ പേ​രി​ൽ തൊ​ഴി​ലു​ട​മ​യു​ടെ മേ​ൽ ചു​മ​ത്തു​ന്ന സ​ർ​ക്കാ​ർ ഫീ​സു​ക​ളൊ​ന്നും തൊ​ഴി​ലാ​ളി വ​ഹി​ക്കേ​ണ്ട​തി​ല്ലെ​ന്നും മ​ന്ത്രാ​ല​യം സൂ​ചി​പ്പി​ച്ചു.