'ഒഴുകുന്ന വ്യവസായ നഗരം' നിയോമിൽ സ്ഥാപിക്കാനൊരുങ്ങി സൗദി

ജിദ്ദ: 'ഒഴുകുന്ന വ്യവസായ നഗരം' നിയോമിൽ സ്ഥാപിക്കാനൊരുങ്ങി സൗദി അറേബ്യ. ലോകത്തെ ഏറ്റവും വലിയ ഫ്ലോട്ടിങ്​ വ്യവസായ നഗരമാണ്​ 'ഒാക്​സഗൺ' എന്ന പേരിൽ സൗദി വടക്കൻ അതിർത്തിയിലെ സ്വപ്​ന നഗരമായ 'നിയോമിൽ' നിർമിക്കുന്നത്​. കിരീടാവകാശിയും നിയോം ഡയറക്ടർ ബോർഡ് ചെയർമാനുമായ അമീർ മുഹമ്മദ് ബിൻ സൽമാൻ 'ഒാക്​സഗൺ' നഗരത്തി​െൻറ പ്രഖ്യാപനം നടത്തി​.

പുതിയ വ്യവസായ നഗരം ലോകത്തിലെ ഏറ്റവും വലിയ ഒഴുകുന്ന​ വ്യവസായ സമുച്ചയവും സൗദി അറേബ്യയുടെ സാമ്പത്തിക വളർച്ചക്കും വൈവിധ്യവത്​കരണത്തിനും ഉത്തേജകവും ആകുമെന്നും കിരീടാവകാശി പറഞ്ഞു. ദേശീയ സാമൂഹിക സാമ്പത്തിക പരിഷ്​കരണ പദ്ധതിയായ 'വിഷൻ 2030'-െൻറ ലക്ഷ്യങ്ങൾ കൈവരിക്കാനുള്ള വിവിധ പദ്ധതികളുടെ ഭാഗമാണിത്​​. ഭാവിയിൽ മനുഷ്യരാശിയുടെ ജീവിതവും പ്രവർത്തന രീതികളും പുനർനിർവചിക്കാൻ പോകുന്ന നിയോം നഗരത്തി​െൻറ തന്ത്രജ്ഞതയ്​ക്ക്​​ അനുസൃതമായി നിർമാണ കേന്ദ്രങ്ങൾക്ക്​ പുതിയ മാതൃക നൽകാനാണ്​ 'ഒാക്​സഗണി'ലൂടെ ലക്ഷ്യമിടുന്നത്​.

പരിസ്ഥിതി സംരക്ഷത്തിന്​ നൽകുന്ന സംഭാവനകളോടൊപ്പം ഭാവിയിൽ വ്യവസായ വികസനത്തിലേക്കുള്ള ലോകത്തി​െൻറ ദിശാബോധം നിർവചിക്കാൻ നിയോമിലെ ഈ ഇൻഡസ്ട്രിയൽ സിറ്റി സഹായിക്കും. പുതിയ തൊഴിലവസരങ്ങൾ സൃഷ്​ടിക്കും. മേഖലയിലെ ആഗോള വ്യാപാര ഒഴുക്കിനെ പിന്തുണയ്ക്കുന്നതിനൊപ്പം പ്രാദേശിക വ്യാപാര മേഖലയിൽ രാജ്യത്തെ പിന്തുണയ്ക്കുന്നതിലും ഓക്​സഗൺ നഗരം പങ്കാളിയാകും. വ്യാവസായിക നഗരത്തിൽ ഇതിനകം വികസനവും ബിസിനസും ആരംഭിച്ചതിൽ തനിക്ക് സന്തോഷമു​െണ്ടന്നും അതി​െൻറ ദ്രുതഗതിയിലുള്ള വികാസം കാണാൻ ആഗ്രഹിക്കുകയാണെന്നും കിരീടാവകാശി പറഞ്ഞു.