സൗദിയിൽ തീപിടിത്തം; മൂന്ന്​ മലയാളികൾ ഉൾപ്പെടെ 11 മരണം

നജ്‌റാന്‍: സൗദിയിലെ നജ്​റാൻ നഗരത്തിൽ നിർമാണക്കമ്പനിയിലെ തൊഴിലാളികൾ താമസിച്ച കേന്ദ്രത്തിലുണ്ടായ തീപിടിത്തത്തിൽ മൂന്ന്​​ മലയാളികളുൾപ്പെടെ 10 ഇന്ത്യക്കാരും ഒരു ബംഗ്ലാദേശ്​ സ്വദേശിയും മരിച്ചു. സംഭവത്തിൽ ആറുപേർക്ക്​ പരിക്കേറ്റിട്ടുണ്ട്​. മലപ്പുറം വള്ളിക്കുന്ന്​ നെറു​ൈങ്കതക്കോട്ട ക്ഷേത്രത്തിന്​ സമീപം കിഴക്കേമല കോട്ടാ​ശ്ശേരി ശ്രീനിവാസ​​​​െൻറയും പത്​മിനി അമ്മയുടെയും മകൻ ശ്രീജിത്ത്​ (25),  കടക്കാവൂർ കമ്പാലൻ സത്യൻ​,​ വർക്കല സ്വദേശി ബിജു രാഘവൻ ശങ്കരൻ എന്നിവരാണ് മരിച്ച മലയാളികൾ. ശ്രീജിത്ത്​  വിവാഹനിശ്ചയം കഴിഞ്ഞ്​ മൂന്നാഴ്​ച മുമ്പാണ്​ സൗദിയിലേക്ക്​ മടങ്ങിയത്​. ശ്രീജേഷ്​ സഹോദരനാണ്​.

തമിഴ്​നാട്​ ചിലപ്പകം മുരുകാനന്ദൻ, മുഹമ്മദ്​ വസീം അസീസുറഹ്​മാൻ, ഗൗരി ശങ്കർ ഗുപ്​ത, വസീം അക്രം ഫായിസ്​ അഹമദ്​, അതീഖ്​ അഹമദ്​ സമദ്​ അലി, തബ്രജ്​ ഖാൻ എന്നിവരാണ്​​  മരിച്ച മറ്റ്​ ഇന്ത്യക്കാർ. ഒരാളുടെ പേര്​ അറിവായിട്ടില്ല. ബുധനാഴ്​ച പുലർച്ച നാ​േലാടെയാണ്​ തീപിടിത്തമുണ്ടായതെന്ന്​ നജ്‌റാന്‍ സിവില്‍ ഡിഫന്‍സ് ഡെപ്യൂട്ടി വക്താവ് ക്യാപ്റ്റന്‍ അബ്​ദുല്ല ബിന്‍ സഈദ് ആലുഫാരിഅ് പറഞ്ഞു.

കെട്ടിടത്തിൽ നിന്ന് പുക ഉയരുന്നത് കണ്ട പട്രോള്‍ ​െപാലീസാണ്​ സിവില്‍ ഡിഫന്‍സില്‍ വിവരമറിയിച്ചത്. പഴയ വീട്ടില്‍ ഇന്ത്യക്കാരും ബംഗ്ലാദേശികളുമാണ്​ താമസിച്ചിരുന്നത്. വൈദ്യുതി ഷോർട്ട്​ സർക്യൂട്ടാണ്​ അപകടകാരണമെന്നാണ്​ പ്രാഥമിക നിഗമനം. കനത്ത പുക മൂലം ശ്വാസംമുട്ടിയാണ് പതിനൊന്നു പേരും മരിച്ചത്. പരിക്കേറ്റ ആറുപേർ നജ്​റാൻ കിങ്​ ഖാലിദ്​ ആശുപത്രിയിലെ അത്യാഹിതവിഭാഗത്തിലാണ്​. അഗ്​നിബാധയുടെ കാരണം കണ്ടെത്തുന്നതിന് അന്വേഷണം തുടരുകയാണെന്നും സിവിൽ ഡിഫൻസ്​ വക്​താവ്​ പറഞ്ഞു.