അറബ് ലീഗിലെ സിറിയയുടെ പങ്കാളിത്തം സ്വാഗതംചെയ്ത് സൗദി മന്ത്രിസഭ

ജി​ദ്ദ: ‘അ​റ​ബ് ലീ​ഗ്’​യോ​ഗ​ങ്ങ​ളി​ൽ സി​റി​യ​യു​ടെ പ​ങ്കാ​ളി​ത്തം പു​ന​രാ​രം​ഭി​ച്ച​തി​നെ സ്വാ​ഗ​തം ചെ​യ്ത് സൗ​ദി മ​ന്ത്രി​സ​ഭ. ചൊ​വ്വാ​ഴ്ച ജി​ദ്ദ​യി​ലെ അ​ൽ​സ​ലാം കൊ​ട്ടാ​ര​ത്തി​ൽ സ​ൽ​മാ​ൻ രാ​ജാ​വി​ന്റെ അ​ധ്യ​ക്ഷ​ത​യി​ൽ ചേ​ർ​ന്ന മ​ന്ത്രി​സ​ഭ യോ​ഗ​ത്തി​ലാ​ണ് സി​റി​യ​ൻ പ്ര​തി​നി​ധി​ക​ളു​ടെ പ​ങ്കാ​ളി​ത്തം പു​ന​രാ​രം​ഭി​ക്കു​ന്ന​തി​ന് കൈ​റോ​യി​ൽ ന​ട​ന്ന മ​ന്ത്രി​ത​ല അ​റ​ബ് ലീ​ഗ് തീ​രു​മാ​ന​ത്തെ സ്വാ​ഗ​തം ചെ​യ്ത​ത്. സി​റി​യ​ൻ പ്ര​തി​സ​ന്ധി​ക്ക് ഒ​രു രാ​ഷ്ട്രീ​യ പ​രി​ഹാ​ര​ത്തി​ൽ എ​ത്തി​ച്ചേ​രാ​ൻ ല​ക്ഷ്യ​മി​ടു​ന്ന എ​ല്ലാ ശ്ര​മ​ങ്ങ​ളെ​യും പി​ന്തു​ണ​ക്കാ​നു​ള്ള സൗ​ദി​യു​ടെ താ​ൽ​പ​ര്യം മ​ന്ത്രി​സ​ഭ ആ​വ​ർ​ത്തി​ച്ചു. ഇ​ത് സി​റി​യ​യു​ടെ ഐ​ക്യം, സു​ര​ക്ഷി​ത​ത്വം, സ്ഥി​ര​ത, അ​റ​ബ് ബ​ന്ധം എ​ന്നി​വ സം​ര​ക്ഷി​ക്കു​ന്ന​തോ​ടൊ​പ്പം സി​റി​യ​ൻ ജ​ന​ത​ക്ക് സ​മൃ​ദ്ധി​യും വി​ക​സ​ന​വും കൈ​വ​രി​ക്കാ​ൻ സ​ഹാ​യി​ക്കു​ന്ന​താ​ണെ​ന്നും മ​ന്ത്രി​സ​ഭ വി​ല​യി​രു​ത്തി.

സു​ഡാ​നി​ൽ കു​ടു​ങ്ങി​ക്കി​ട​ക്കു​ന്ന നി​ര​വ​ധി രാ​ജ്യ​ങ്ങ​ളി​ലെ പൗ​ര​ന്മാ​രെ വ​ള​രെ കാ​ര്യ​ക്ഷ​മ​ത​യോ​ടെ സൗ​ദി​യി​ലെ​ത്തി​ക്കു​ന്ന​തി​ൽ കൈ​വ​രി​ച്ച വി​ജ​യ​ത്തെ മ​ന്ത്രി​സ​ഭ അ​ഭി​ന​ന്ദി​ച്ചു. ലോ​ക​ത്തി​ലെ എ​ല്ലാ രാ​ജ്യ​ങ്ങ​ളി​ലെ​യും പൗ​ര​ന്മാ​രോ​ടു​ള്ള ക​ട​മ​യെ അ​ടി​സ്ഥാ​ന​മാ​ക്കി​യാ​ണി​ത്. സ​ഹോ​ദ​ര​ങ്ങ​ളോ​ടും സു​ഹൃ​ത്തു​ക്ക​ളോ​ടും ഒ​പ്പം​നി​ൽ​ക്കാ​ൻ ന​ട​ത്തി​ക്കൊ​ണ്ടി​രി​ക്കു​ന്ന ശ്ര​മ​ങ്ങ​ളു​ടെ തു​ട​ർ​ച്ച​യാ​ണി​തെ​ന്നും മ​ന്ത്രി​സ​ഭ ചൂ​ണ്ടി​ക്കാ​ട്ടി.