സൗദി അറേബ്യയിൽ കോവിഡ്​ ടെസ്​റ്റ്​ 40 ലക്ഷം കവിഞ്ഞു

റിയാദ്: സൗദി അറേബ്യയിൽ കോവിഡ് ടെസ്​റ്റ്​ 40 ലക്ഷം കവിഞ്ഞു. 24 മണിക്കൂറിനിടെയുണ്ടായ 67,676 ടെസ്​റ്റുകളടക്കം രാജ്യത്ത്​ ഇതുവരെ നടത്തിയ മൊത്തം ടെസ്​ റ്റുകളുടെ എണ്ണം 4,001,103 ആയി. അതേസമയം രോഗബാധയിൽ നിന്ന്​ 2151 പേർ കൂടി മുക്തരായി. 1569 പേരിൽ പുതുതായി രോഗം സ്ഥിരീകരിച്ചു. 36 പേർ മരിച്ചു. ഇതോടെ രാജ്യത്തെ ആകെ മരണസംഖ്യ 3269 ആയി.

റിയാദ്​ 8, ജിദ്ദ 5, മക്ക 2, ഹുഫൂഫ്​ 2, ത്വാഇഫ്​ 3, മദീന 4, ബുറൈദ 2, അബഹ 1, തബൂക്ക്​ 2, മഹായിൽ 1, ബീഷ 1, അൽറസ്​ 1, അറാർ 1, ജുബൈൽ 1, അൽനമാസ്​ 1, സബ്​യ 1 എന്നിവിടങ്ങളിലാണ്​ പുതുതായി മരണം റിപ്പോർട്ട്​ ചെയ്​തത്. ആകെ 293037 രോബാധിതരിൽ 257269 പേർ സുഖം പ്രാപിച്ചു. രോഗബാധിതരായ ബാക്കി 32499 പേർ രാജ്യത്തെ വിവിധ ആശുപത്രികളിൽ ചികിത്സയിലാണ്​​. ഇതിൽ 1826 പേരുടെ നില വഷളാണ്​. ഇവർ തീവ്രപരിചരണ വിഭാഗത്തിലാണ്. രാജ്യത്തെ ആകെ രോഗമുക്തി നിരക്ക് 87.8 ശതമാനമായി​. ​റിയാദിലാണ്​ ബുധനാഴ്​ച ഏറ്റവും കൂടുതൽ കേസുകൾ റിപ്പോർട്ട്​ ചെയ്​തത്, 78​. ഹാഇലിൽ 75ഉം മക്കയിൽ 68ഉം ജിദ്ദയിൽ 66ഉം മദീനയിൽ 60ഉം ഖമീസ്​ മുശൈത്തിൽ 57ഉം ദമ്മാമിൽ 52ഉം പുതിയ കേസുകൾ റിപ്പോർട്ട്​ ചെയ്​തു.

മരണം പ്രദേശം തിരിച്ച കണക്ക്​:

റിയാദ്​ 876, ജിദ്ദ 727, മക്ക 572, മദീന 122, ഹുഫൂഫ്​ 158, ത്വാഇഫ്​ 125, ദമ്മാം 108, ബുറൈദ 54, തബൂക്ക്​ 54, ജീസാൻ 29, ഹാഇൽ 29, ഹഫർ അൽബാത്വിൻ 29, ഖത്വീഫ് 26, അറാർ 30, മുബറസ്​ 27, വാദി ദവാസിർ 20, മഹായിൽ 21, സബ്​യ 18, അൽബാഹ 17, സകാക 16, അൽഖുവയ്യ 14, ഖർജ്​ 17, ഖോബാർ 15, ​ബെയ്​ഷ്​ 13, ബീഷ​ 13, അബഹ 12, അൽറസ്​ 12, ഖമീസ്​ മുശൈത്ത്​​ 8​, ഉനൈസ 8, അൽമജാരിദ 8, അബൂഅരീഷ്​ 7, നജ്​റാൻ 7, ഹുറൈംല 6, അയൂൺ 7, സു​ൈലയിൽ 4, നാരിയ 3, ഖുൻഫുദ 3, അഹദ്​ റുഫൈദ 4, ജുബൈൽ 4, ശഖ്​റ 3, യാംബു 3, അൽനമാസ്​ 3, അൽമദ്ദ 2, അൽബദാഇ 2, ദഹ്​റാൻ 2, ഖുറായത്​ 2, അൽഅർദ 2, മുസാഹ്​മിയ 2, ഹുത്ത സുദൈർ 2, റിജാൽ അൽമ 2, ഹുത്ത ബനീ തമീം 2, ബല്ലസ്​മർ 2, റഫ്​ഹ 1, സുൽഫി 1, ദുർമ 1, താദിഖ്​ 1, മൻദഖ്​ 1, അൽദായർ 1, സാംത 1, ദർബ്​ 1, ഫുർസാൻ 1, ദൂമത്​ അൽജൻഡൽ 1, ദറഇയ 1, അൽ-ജഫർ 1.