യാംബുവിൽ മരിച്ച കൊല്ലം സ്വദേശിയുടെ മൃതദേഹം ജിദ്ദയിൽ സംസ്കരിച്ചു

യാംബു: കഴിഞ്ഞ മാസം 13 ന് യാംബുവിൽ മരിച്ച കൊല്ലം സ്വദേശി മയ്യനാട് കാക്കോട്ടുമല സ്വദേശി ജോഹോസ്‌ വീട്ടിൽ ജോളി ഫ്രാൻസിസി​െൻറ (53) മൃതദേഹം ജിദ്ദയിൽ സംസ്കരിച്ചു. ഇദ്ദേഹത്തിന് കോവിഡ് സ്ഥിരീകരിച്ചിരുന്നു. ചികിത്സയിൽ കഴിയവെ ശ്വാസതടസ്സം കാരണം താമസസ്ഥലത്ത് വെച്ചാണ് അദ്ദേഹം മരിച്ചത്.

നടപടികൾ പൂർത്തിയാക്കാൻ കമ്പനി അധികൃതർ സജീവമായി രംഗത്തുണ്ടായിരുന്നു. മൃതദേഹം സംസ്കരിക്കുന്നതുമായി ബന്ധപ്പെട്ട നടപടികൾ പൂർത്തിയാക്കി വ്യാഴാഴ്ചയാണ് ജിദ്ദ മുനിസിപ്പാലിറ്റിയുടെ കീഴിലുള്ള പൊതു ശ്മശാനത്തിൽ കോവിഡ് മുൻകരുതലുകൾ പാലിച്ച് ഇദ്ദേഹത്തി​െൻറ മൃതദേഹം സംസ്കരിച്ചത്. 23 വർഷമായി യാംബുവിൽ ഒരു സ്വകാര്യ കമ്പനിയിൽ ജോലി ചെയ്തു വരികയായിരുന്നു.