കോഴിക്കോട്​ സ്വദേശി അബഹയിൽ ഹൃദയാഘാതം മൂലം മരിച്ചു

ഖമീസ് മുശൈത്ത്: മലയാളി ഹൃദയാഘാതം മൂലം നിര്യാതനായി. കോഴിക്കോട് അത്തോളി സ്വദേശി ചെട്ടിയാംകണ്ടി സ്വാമിക്കുട്ടി (63) ആണ്​ അബഹയിൽ വാഹനത്തിൽ വെച്ച് മരിച്ചത്.

22 വർഷമായി അബഹയിൽ ഹൗസ് ഡ്രൈവറായി ജോലി ചെയ്യുകയായിരുന്നു. അടുത്തമാസം നാട്ടിൽ പോകാനുള്ള ഒരുക്കത്തിലായിരുന്നു. ഭാര്യ: സുധ. ഏകമകൾ അപർണ.

മരണാനന്തര നടപടികൾക്കായി അസീർ പ്രവാസി സംഘം പ്രവർത്തകരോടൊപ്പം ഇന്ത്യൻ സോഷ്യൽ ഫോറം സേവനവിഭാഗം കൺവീനറും കോൺസുലേറ്റ് സേവന വിഭാഗം അംഗവുമായ ഹനീഫ് മഞ്ചേശ്വരം, ഐ.സി.എഫ് പ്രസിഡൻറ്​ സൈനുദ്ദീൻ അമാനി, മജീദ് മേലാറ്റൂർ തുടങ്ങിയവർ രംഗത്തുണ്ട്​.