മരിച്ച മലയാളി ജീവനക്കാര​െൻറ കുടുംബത്തി​​െൻറ ചെലവ്​ ഏറ്റെടുത്ത്​ സൗദി തൊഴിലുടമ​

അൽഅഹ്സ: തൊഴിലാളി മുതലാളി ബന്ധത്തിനപ്പുറം സൗദി മലയാളി സൗഹൃദത്തി​​​​െൻറ പുതിയ അധ്യായം അൽഅഹ്സയിൽ നിന്ന്​. ഹൃദയാഘാതം മൂലം മരിച്ച ത​​​​െൻറ തൊഴിലാളിയുടെ കുടുംബത്തി​​​​െൻറ മുഴുവൻ ചെലവുകളും ഏറ്റെടുത്ത്​ സൗദി തൊഴിലുടമ. മൃതദേഹം നാട്ടിലെത്തിക്കാനുള്ള ചെലവും മൃതദേഹത്തി​​​​െൻറ കൂടെ പോകുന്ന ആളുടെ വിമാന ടിക്കറ്റി​​​​െൻറ ചെലവും അദ്ദേഹം തന്നെയാണ്​ വഹിച്ചത്​.

പത്തനാപുരം ഇടത്തറ സ്വദേശി നാസർ (63) കഴിഞ്ഞ ബുധനാഴ്ചയാണ് മരിച്ചത്. 30 വർഷമായി അൽഅഹ്സയിലെ മഹാസിനിൽ പ്ലംബിങ്​ ജോലി ചെയ്​തിരുന്ന നാസർ സ്പോൺസർ ജലീൽ ഉത്തൈബിക്ക് ത​​​​െൻറ കീഴ്​ ജീവനക്കാരൻ മാത്രമായിരുന്നില്ല. നല്ല സൗഹൃദ ബന്ധമാണ്​ അവർ തമ്മിലുണ്ടായിരുന്നത്​. സ്പോൺസറുടെ വീട്ടിൽ തന്നെയായിരുന്നു നാസറി​​​​െൻറയും താമസം.

മരണവിവരമറിഞ്ഞെഞ്ഞെത്തിയ നാസറി​​​​െൻറ സുഹൃത്തുക്കൾക്കും അദ്ദേഹം സ്വന്തം വീട്ടിൽ തന്നെ സൗകര്യമൊരുക്കി. നാസറി​​​​െൻറ നിരാലംബമായ കുടുംബത്തിന്​ നിശ്ചിത തുക എല്ലാ മാസവും അയച്ചു കൊടുക്കുമെന്ന് സ്പോൺസർ അറിയിച്ചു. മൃതദേഹം വെള്ളിയാഴ്ച നാട്ടിൽ എത്തിക്കുകയും ഇടത്തറ ജമാഅത്ത്​ പള്ളിയിൽ ഖബറടക്കുകയും ചെയതു. സജിത നാസറാണ്​ ഭാര്യ. മക്കൾ: സജ്ന, നജ്മ.