സൗദിയിൽ നിന്ന്​ 580 ഇന്ത്യൻ തടവുകാരെ ബുധനാഴ്​ച നാട്ടിലയച്ചു

റിയാദ്​: സൗദി അറേബ്യയിൽ നിന്ന്​ രണ്ടാഴ്​ചക്കിടെ ആയിരത്തിലേറെ ഇന്ത്യൻ തടവുകാർ നാട്ടിലേക്ക്​ മടങ്ങി. ബുധനാഴ്​ച രണ്ട്​ വിമാനങ്ങളിലായി 580 പേർ കൂടി റിയാദിൽ നിന്ന്​ പോയതോടെ സെപ്​തംബർ 23 മുതൽ ഇതുവരെ 1162 തടവുകാരെ നാട്ടിലെത്തിക്കാൻ കഴിഞ്ഞെന്ന്​ ഇന്ത്യൻ എംബസി അറിയിച്ചു. സൗദിയിലെ വിവിധ നാടുകടത്തൽ (തർഹീൽ) കേന്ദ്രങ്ങളിൽ കഴിഞ്ഞിരുന്നതാണ്​ ഇവർ.

ബുധനാഴ്​ച റിയാദിൽ നിന്ന്​ സൗദി എയർലൈൻസി​െൻറ രണ്ട്​ വിമാനങ്ങളിലായി ഡൽഹിയിലേക്ക്​ 335ഉം ലക്​ നൗവിലേക്ക്​ 245ഉം തടവുകാരാണ്​ പുറപ്പെട്ടത്​. കോവിഡ്​ പ്രതിസന്ധിയെ തുടർന്ന്​ അന്താരാഷ്​ട്ര വിമാനസർവിസ്​ നിർത്തിവെച്ച സാഹചര്യത്തിൽ തടവുകാരുടെ തിരിച്ചയക്കൽ തടയപ്പെട്ടിരുന്നു. ഇതോടെ​ റിയാദിലെയും ജിദ്ദയിലെയും നാടുകടത്തൽ കേന്ദ്രങ്ങളിൽ ഇന്ത്യാക്കാരുടെ എണ്ണം പെരുകി. തുടർന്ന്​ ഇന്ത്യൻ എംബസി സൗദി കാര്യാലയങ്ങളുമായി ഇ​ടപെട്ട്​ മെയ് മാസത്തിൽ 500 പേരെ റിയാദിൽ നിന്നും ഹൈദരാബാദിലേക്ക് കയറ്റി അയച്ചിരുന്നു. അതിന്​ ശേഷം നീണ്ട ഇടവേളയുണ്ടായി.

സെപ്​ തംബർ 23ന്​​ വീണ്ടും തിരിച്ചയക്കൽ നടപടി തുടങ്ങി. അന്ന്​ റിയാദിൽ നിന്ന്​ 231 പേർ സൗദി എയർലൈൻസ്​ വിമാനത്തിൽ ചെന്നൈയിലേക്ക്​ പോയി​. 27ന്​ ജിദ്ദയിലെ തർഹീലിൽ നിന്ന്​ 351 പേർ ഡൽഹിയിലേക്കും​ പോയി. അഞ്ചുമാസത്തെ മൊത്തം കണക്ക്​ കൂട്ടു​േമ്പാൾ സൗദി നാടുകടത്തൽ കേന്ദ്രങ്ങളിൽ നിന്ന്​ മടങ്ങിയ ഇന്ത്യൻ തടവുകാരുടെ എണ്ണം 1662 ആയി.

വിവിധ നിയമലംഘനങ്ങളിൽ പെട്ട്​ പിടിയിലാകുന്നവരാണ്​ നാടുകടത്തൽ കേന്ദ്രങ്ങളിൽ കഴിയുന്നത്​. ഇവരെ നാട്ടിൽ അയക്കുന്നതിനുള്ള മുൻകൈയ്യെടുക്കുന്നത്​ റിയാദിൽ ഇന്ത്യൻ എംബസിയും ജിദ്ദയി​ൽ ഇന്ത്യൻ കോൺസുലേറ്റുമാണ്​. യാത്രാനടപടികൾ പൂർത്തീകരിക്കുന്ന സൗദി സർക്കാർ തന്നെ വിമാനയാത്രാചെലവും വഹിക്കും.

കോവിഡായതോടെ ആരോഗ്യ പ്രോ​േട്ടാക്കോളുകൾ പാലിച്ചാണ്​ യാത്ര. നാട്ടിലെത്തിയാൽ ക്വാറൻറീൻ സൗകര്യം അതത്​ സംസ്​ഥാന സർക്കാരുകളാണ്​ ഏർപ്പാടാക്കുന്നത്​. തടവുകാരെ കയറ്റി അയക്കാൻ നൽകുന്ന സഹകരണത്തിന് ജവാസത്ത്​,​ സിവിൽ ഏവിയേഷൻ അതോറിറ്റി, സൗദി എയർലൈൻസ്​ തുടങ്ങിയ സൗദി കാര്യാലയങ്ങൾക്ക്​ ഇന്ത്യൻ എംബസി നന്ദി അറിയിച്ചു. ബുധനാഴ്​ച നാട്ടിലേക്ക്​ തിരിച്ച ബാച്ചിന്​ ക്വാറൻറീൻ ഉൾപ്പെടെയുള്ള സൗകര്യങ്ങളൊരുക്കുന്ന ഡൽഹി, ഉത്തർപ്രദേശ്​ സർക്കാരുകളെയും എംബസി അഭിനന്ദിച്ചു. റിയാദ്​ ഇസ്​കാനിലെ തർഹീലിൽ ഇനി നൂറിലേറെയും ജിദ്ദയിലെ തർഹീലിൽ 150ഒാളവും ഇന്ത്യാക്കാരാണ്​ ബാക്കിയുള്ളത്​. വരും ദിവസങ്ങളിൽ തന്നെ ഇവരുടെയും ഡിപ്പോർ​േട്ടഷൻ നടപടികൾ പൂർത്തിയാകും.