സ്കീകോ കോൺട്രാക്ടേഴ്‌സ് സേഫ്റ്റി ഫോറത്തിൽ ശ്രദ്ധേയനായി മലയാളി

ദ​മ്മാം: സൗ​ദി ഊ​ർ​ജ​മ​ന്ത്രാ​ല​യ​ത്തി​​ന്റെ നേ​തൃ​ത്വ​ത്തി​ൽ തൊ​ഴി​ലി​ട​ങ്ങ​ളി​ൽ ആ​രോ​ഗ്യം സം​ര​ക്ഷി​ക്കേ​ണ്ട​തി​​ന്റെ​യും സു​ര​ക്ഷ വ​ർ​ധി​പ്പി​ക്കേ​ണ്ട​തി​​ന്റെ​യും പ്രാ​ധാ​ന്യം ബോ​ധ്യ​പ്പെ​ടു​ത്താ​ൻ ക​രാ​റു​കാ​ർ​ക്കാ​യി സൗ​ദി ഇ​ല​ക്‌​ട്രി​സി​റ്റി ക​മ്പ​നി (സ്​​കീ​കോ) സേ​ഫ്റ്റി ഫോ​റം സം​ഘ​ടി​പ്പി​ച്ചു.

സൗ​ദി​യി​ലെ വി​വി​ധ മേ​ഖ​ല​ക​ളി​ൽ​നി​ന്നു​ള്ള വി​ദ​ഗ്ധ​ർ പ​ങ്കെ​ടു​ത്ത ഫോ​റ​ത്തി​ൽ ദ​മ്മാ​മി​ൽ​നി​ന്നു​ള്ള ആ​ല​പ്പു​ഴ ക​ള​ർ​കോ​ട് സ്വ​ദേ​ശി അ​രു​ൺ ര​വീ​ന്ദ്ര​​ന്റെ പ്ര​ഭാ​ഷ​ണം ശ്ര​ദ്ധേ​യ​മാ​യി. തൊ​ഴി​ലാ​ളി സു​ര​ക്ഷ മേ​ഖ​ല​യി​ൽ നി​ര​വ​ധി അ​ന്താ​രാ​ഷ്​​ട്ര അം​ഗീ​കാ​ര​ങ്ങ​ൾ നേ​ടി​യി​ട്ടു​ള്ള അ​രു​ൺ ര​വീ​ന്ദ്ര​നെ സേ​ഫ്​​റ്റി ഫോ​റം പ്ര​ത്യേ​കം ക്ഷ​ണി​ക്കു​ക​യാ​യി​രു​ന്നു.

റി​യാ​ദി​ലെ സൗ​ദി ഇ​ല​ക്‌​ട്രി​സി​റ്റി ക​മ്പ​നി ആ​സ്ഥാ​ന​ത്ത് വ്യാ​വ​സാ​യി​ക സു​ര​ക്ഷ​ക്കു​ള്ള സു​പ്രീം അ​തോ​റി​റ്റി ഗ​വ​ർ​ണ​ർ അ​ലി ബി​ൻ മു​ഹ​മ്മ​ദ് അ​ൽ​സ​ഹ്‌​റാ​നി, ഊ​ർ​ജ​മ​ന്ത്രാ​ല​യം അ​ണ്ട​ര്‍ സെ​ക്ര​ട്ട​റി ഫൗ​ദ് മൂ​സ, സൗ​ദി ഇ​ല​ക്‌​ട്രി​സി​റ്റി ക​മ്പ​നി സി.​ഇ.​ഒ ഖാ​ലി​ദ് അ​ൽ ഖു​നു​ൻ എ​ന്നി​വ​രു​ടെ സാ​ന്നി​ധ്യ​ത്തി​ലാ​ണ് ഫോ​റം അ​ര​ങ്ങേ​റി​യ​ത്. തൊ​ഴി​ൽ മേ​ഖ​ല​ക​ളി​ൽ പ​രി​സ്ഥി​തി​യും ആ​രോ​ഗ്യ​വും സം​ര​ക്ഷി​ക്കു​ന്ന​തി​ൽ ക​രാ​റു​കാ​ര​ന്റെ പ​ങ്കാ​ളി​ത്തം, ക​രാ​റു​കാ​രു​ടെ തൊ​ഴി​ൽ മേ​ഖ​ല​യി​ലെ പ്ര​ക​ട​നം, തൊ​ഴി​ലാ​ളി​ക​ളു​ടെ ആ​രോ​ഗ്യ പ​രി​ര​ക്ഷ​യി​ലു​ള്ള പ്ര​തി​ബ​ദ്ധ​ത​യും ഊ​ന്ന​ലും വൈ​ദ്യു​തി മേ​ഖ​ല​യി​ലെ ക​രാ​റു​കാ​ർ​ക്കി​ട​യി​ൽ തൊ​ഴി​ൽ​സു​ര​ക്ഷ​യും ആ​രോ​ഗ്യ​സം​സ്കാ​ര​വും എ​ന്ന ആ​ശ​യ​ത്തി​ന്‍റെ നി​ർ​വ​ച​നം എ​ന്നി​വ വി​ശ​ദ​മാ​ക്കു​ന്ന വി​വി​ധ സെ​ഷ​നു​ക​ള്‍ ഉ​ള്‍പ്പെ​ടു​ത്തി​യി​രു​ന്നു. വൈ​ദ്യു​തി മേ​ഖ​ല​യി​ലെ ക​രാ​റു​കാ​ർ​ക്കി​ട​യി​ൽ തൊ​ഴി​ല്‍സു​ര​ക്ഷ സം​സ്കാ​രം ഊ​ട്ടി​യു​റ​പ്പി​ക്കു​ന്ന​തി​നും ശ​ക്തി​പ്പെ​ടു​ത്തു​ന്ന​തി​നും ഫോ​റം ആ​ഹ്വാ​നം ന​ൽ​കി.

സൗ​ദി ഇ​ല​ക്‌​ട്രി​സി​റ്റി ക​മ്പ​നി​യി​ലെ പ്ര​മു​ഖ ക​രാ​റു​കാ​രാ​യ നാ​ഷ​ന​ല്‍ കോ​ൺ​ട്രാ​ക്ടി​ങ്​ ക​മ്പ​നി​യു​ടെ (റി​സാ​യ​ത്ത് ഗ്രൂ​പ്) കോ​ര്‍പ​റേ​റ്റ് സേ​ഫ്റ്റി മാ​നേ​ജ​ര്‍ കൂ​ടി​യാ​യ അ​രു​ണ്‍ ര​വീ​ന്ദ്ര​ൻ ‘ലീ​ഡി​ങ്​ സ്ട്രാ​റ്റ​ജീ​സ് ആ​ന്‍ഡ്‌ സ​ക്സ​സ് സ്റ്റോ​റീ​സ്’ എ​ന്ന വി​ഷ​യം അ​വ​ത​രി​പ്പി​ച്ചു. മി​ക​ച്ച വി​ഷ​യാ​വ​താ​ര​ക​നു​ള്ള പു​ര​സ്​​കാ​രം ന​ൽ​കി​യാ​ണ്​ അ​ധി​കൃ​ത​ർ അ​രു​ൺ ര​വീ​ന്ദ്ര​നെ ആ​ദ​രി​ച്ച​ത്.

24 വ​ർ​ഷ​മാ​യി സു​ര​ക്ഷ​മേ​ഖ​ല​യി​ൽ പ്ര​വ​ർ​ത്തി​ക്കു​ന്ന അ​രു​ൺ ഹെ​ൽ​ത്ത്, സേ​ഫ്​​റ്റി, എ​ൻ​വ​യേ​ൺ​മെൻറ്​ എ​ൻ​ജി​നീ​യ​റി​ങ്ങി​ൽ യു.​കെ​യി​ൽ​നി​ന്ന്​ മാ​സ്​​റ്റ​ർ ബി​രു​ദം നേ​ടി​യി​ട്ടു​ണ്ട്. യു.​എ​സി​ലെ വേ​ൾ​ഡ്​ സേ​ഫ്​​റ്റി ഓ​ർ​ഗ​നൈ​സേ​ഷ​ൻ, ബ്രി​ട്ടീ​ഷ്​ സേ​ഫ്​​റ്റി കൗ​ൺ​സി​ൽ തു​ട​ങ്ങി നി​ര​വ​ധി ഏ​ജ​ൻ​സി​ക​ളി​ൽ അം​ഗ​മാ​ണ്.

സൗ​ദി ഇ​ല​ക്‌​ട്രി​സി​റ്റി ക​മ്പ​നി​യി​ലെ വി​വി​ധ വ​കു​പ്പു​ക​ളി​ലെ ഉ​ന്ന​ത ഉ​ദ്യോ​ഗ​സ്ഥ​രും ഊ​ർ​ജ മേ​ഖ​ല​യി​ല്‍ പ്ര​വ​ര്‍ത്തി​ക്കു​ന്ന തെ​ര​ഞ്ഞെ​ടു​ക്ക​പ്പെ​ട്ട പ്ര​മു​ഖ കോ​ൺ​ട്രാ​ക്ടി​ങ്​ ക​മ്പ​നി​യി​ലെ പ്ര​തി​നി​ധി​ക​ളും പ​ങ്കെ​ടു​ത്തു.