സൗ​ദി സ്ഥാ​പ​ക​ദി​നാ​ച​ര​ണം: ദ​റ​ഇ​യ പൗ​രാ​ണി​ക ന​ഗ​ര​ത്തി​ലും ആ​ഘോ​ഷം

റി​യാ​ദ്​: സൗ​ദി സ്ഥാ​പ​ക​ദി​ന​ത്തോ​ട​നു​ബ​ന്ധി​ച്ച്​ റി​യാ​ദി​ലെ പൗ​രാ​ണി​ക ന​ഗ​ര​മാ​യ​ ദ​റ​ഇ​യ​യി​ലും ആ​ഘോ​ഷ​ങ്ങ​ൾ അ​ര​ങ്ങേ​റി. ദ​റ​ഇ​യ ഗേ​റ്റ് വി​ക​സ​ന അ​തോ​റി​റ്റി​ക്കു​ കീ​ഴി​ലാ​യി​രു​ന്നു വ​ർ​ണാ​ഭ​മാ​യ പ​രി​പാ​ടി​ക​ൾ. എ​ല്ലാ വ​ർ​ഷ​വും ഫെ​ബ്രു​വ​രി 22 സൗ​ദി സ്ഥാ​പ​ക​ദി​ന​മാ​ക്കി​ക്കൊ​ണ്ടു​ള്ള രാ​ജ​കീ​യ ഉ​ത്ത​ര​വ് വ​ന്ന​ശേ​ഷ​മു​ള്ള ആ​ദ്യ​​ത്തെ ആ​ഘോ​ഷ​മാ​ണ്​ ദ​റ​ഇ​യ വി​ക​സ​ന അ​തോ​റി​റ്റി​ക്കു കീ​ഴി​ൽ ന​ട​ന്ന​ത്. ഉ​ത്സ​വാ​ന്ത​രീ​ക്ഷ​ത്തി​ലാ​യി​രു​ന്നു പ​രി​പാ​ടി​ക​ൾ.

1727ൽ ​ഇ​മാം മു​ഹ​മ്മ​ദ്​ ബി​ൻ സ​ഊ​ദ്​ സ്ഥാ​പി​ച്ച ഒ​ന്നാം സൗ​ദി രാ​ഷ്ട്ര​ത്തി​ന്‍റെ ത​ല​സ്ഥാ​ന​മാ​യി​രു​ന്നു ദ​റ​ഇ​യ. സം​ര​ക്ഷി​ത സ്മാ​ര​ക​മാ​യ ന​ഗ​ര​ത്തി​ന്‍റെ ഹൃ​ദ​യ​ഭാ​ഗ​ത്ത്​ 'രാ​ജാ​ക്ക​ന്മാ​രു​ടെ​യും വീ​ര​ന്മാ​രു​ടെ​യും നാ​ട്​' ശീ​ർ​ഷ​ക​ത്തി​ൽ പെ​യി​ൻ​റി​ങ്​ ഒ​രു​ക്കി. ആ​ഭ്യ​ന്ത​ര മ​ന്ത്രാ​ല​യ​ത്തി​ന്‍റെ സ​ഹ​ക​ര​ണ​ത്തോ​ടെ കു​തി​ര​പ്പ​ട, ഒ​ട്ട​ക​സം​ഘ​ങ്ങ​ൾ ഉ​ൾ​പ്പെ​ടെ അ​ണി​നി​ര​ന്ന സൈ​നി​ക പ​രേ​ഡും ന​ട​ന്നു.

രാ​ജ്യ​ത്തി​​ന്‍റെ പ​താ​ക​ക​ളും വ​ഹി​ച്ചു​കൊ​ണ്ട് ദ​റ​ഇ​യ​യി​ൽ അ​വ​ർ ചു​റ്റി​ന​ട​ന്നു. സൗ​ദി ​അ​റേ​ബ്യ​യു​ടെ ച​രി​ത്ര​പ​ര​വും ദേ​ശ​ഭ​ക്തി​പ​ര​വു​മാ​യ ആ​ഴം പ്ര​ക​ടി​പ്പി​ക്കു​ന്ന​താ​യി​രു​ന്നു പ​രേ​ഡി​ൽ ഒ​രു​ക്കി​യ ഓ​ർ​ക്ക​സ്​​ട്ര ടീ​മി​ന്‍റെ സം​ഗീ​ത​പ്ര​ക​ട​നം. 2010ൽ ​യു​ന​സ്​​കോ​യു​ടെ ലോ​ക പൈ​തൃ​ക പ​ട്ടി​ക​യി​ൽ ഇ​ടം​പി​ടി​ച്ച ച​രി​ത്ര​പ്ര​സി​ദ്ധ​മാ​യ അ​ൽ​തു​റൈ​ഫ് പ​രി​സ​ര​ത്തെ സ​ൽ​വാ പാ​ല​സി​ൽ 'സ്ഥാ​പ​ക​ദി​നം' എ​ന്ന എം​ബ്ലം പ്ര​ദ​ർ​ശി​പ്പി​ച്ചി​രു​ന്നു.