സൗദിയിൽ 2030 ഓടെ 1.75 ലക്ഷം ആരോഗ്യ പ്രവർത്തകർ അധികം വേണ്ടിവരും

ജി​ദ്ദ: 2030 ആ​വു​ന്ന​തോ​ടെ സൗ​ദി​യി​ൽ ഡോ​ക്ട​ർ​മാ​രും ന​ഴ്സു​മാ​രും മ​റ്റ് ആ​രോ​ഗ്യ പ്ര​വ​ർ​ത്ത​ക​രും ഉ​ൾ​പ്പെ​ടെ 1,75,000 പേ​ർ അ​ധി​കം ആ​വ​ശ്യ​മാ​യി വ​രു​മെ​ന്ന് റി​പ്പോ​ർ​ട്ട്. ഇ​തി​ൽ 69,000 ഡോ​ക്ട​ർ​മാ​രും 64,000 ന​ഴ്‌​സു​മാ​രും ആ​രോ​ഗ്യ അ​ഡ്മി​നി​സ്ട്രേ​ഷ​നും മാ​നേ​ജ്‌​മെ​ന്റും, സാ​ങ്കേ​തി​ക പ്ര​ശ്‌​ന​ങ്ങ​ൾ, ഡ​യ​ഗ്നോ​സ്റ്റി​ക്‌​സ്, പു​ന​ര​ധി​വാ​സം, മ​റ്റു പ​രി​ച​ര​ണ മേ​ഖ​ല​ക​ൾ എ​ന്നി​വ​ക്കാ​യു​ള്ള വി​വി​ധ ഹെ​ൽ​ത്ത് കെ​യ​ർ സ്റ്റാ​ഫ് 42,000 പേ​രും ഉ​ൾ​പ്പെ​ടു​ന്നു. മി​ഡി​ൽ ഈ​സ്റ്റി​ലെ ഹെ​ൽ​ത്ത് കെ​യ​ർ ലാ​ൻ​ഡ്‌​സ്‌​കേ​പ്പി​നെ​ക്കു​റി​ച്ച് കോ​ളി​യേ​ഴ്‌​സ് ഇ​ന്റ​ർ​നാ​ഷ​ന​ൽ പു​റ​ത്തു​വി​ട്ട ഏ​റ്റ​വും പു​തി​യ റി​പ്പോ​ർ​ട്ടി​ലാ​ണ് ഇ​ക്കാ​ര്യം പ​റ​യു​ന്ന​ത്.

ഡി​മാ​ൻ​ഡ് ഇ​തി​ലും ഉ​യ​ർ​ന്ന​താ​യി​രി​ക്കു​മെ​ന്നും ആ​രോ​ഗ്യ​മേ​ഖ​ല​യി​ലെ സൗ​ദി​വ​ൽ​ക​ര​ണ യ​ജ്ഞ​ത്തി​ന്റെ ഭാ​ഗ​മാ​യി ഈ ​ജോ​ലി​ക​ളി​ൽ ഭൂ​രി​ഭാ​ഗ​വും സൗ​ദി പൗ​ര​ന്മാ​രാ​യി​രി​ക്ക​ണ​മെ​ന്നും നി​ല​വി​ൽ ഏ​ക​ദേ​ശം 2,32,000 മെ​ഡി​ക്ക​ൽ സ്റ്റാ​ഫു​ക​ൾ വി​ദേ​ശി​ക​ളാ​ണെ​ന്നും കോ​ളി​യേ​ഴ്‌​സ് ഇ​ന്റ​ർ​നാ​ഷ​ന​ൽ ഹെ​ൽ​ത്ത് കെ​യ​ർ ആ​ൻ​ഡ് എ​ജു​ക്കേ​ഷ​ൻ ഡ​യ​റ​ക്ട​ർ മ​ൻ​സൂ​ർ അ​ഹ​മ്മ​ദ് അ​ഭി​പ്രാ​യ​പ്പെ​ട്ടു.പ​രി​ച​ര​ണ​ത്തി​ന്റെ ല​ഭ്യ​ത മെ​ച്ച​പ്പെ​ടു​ത്തു​ന്ന​തി​നാ​യി ആ​രോ​ഗ്യ സം​ര​ക്ഷ​ണ അ​ടി​സ്ഥാ​ന സൗ​ക​ര്യ​ങ്ങ​ളു​ടെ നി​ർ​മാ​ണ​ത്തി​ലേ​ക്ക് മേ​ഖ​ല ത്വ​രി​ത​പ്പെ​ടു​ത്തു​മ്പോ​ൾ, മെ​ഡി​ക്ക​ൽ പ്ര​ഫ​ഷ​ന​ലു​ക​ളു​ടെ ഡി​മാ​ൻ​ഡ് ക്ര​മാ​തീ​ത​മാ​യി വ​ർ​ധി​ക്കു​ന്ന​താ​യി റി​പ്പോ​ർ​ട്ട് ചൂ​ണ്ടി​ക്കാ​ണി​ക്കു​ന്നു. മാ​റി​ക്കൊ​ണ്ടി​രി​ക്കു​ന്ന ആ​രോ​ഗ്യ സം​വി​ധാ​ന​ങ്ങ​ളു​ടെ പ​ശ്ചാ​ത്ത​ലം, വി​ട്ടു​മാ​റാ​ത്ത രോ​ഗ​ങ്ങ​ളു​ടെ വ​ർ​ധി​ച്ചു​വ​രു​ന്ന ഭാ​രം, പ്രാ​യ​മാ​യ​വ​രു​ടെ ഉ​യ​ർ​ന്ന ജ​ന​സം​ഖ്യ, വ​ർ​ധി​ച്ചു​വ​രു​ന്ന രോ​ഗി​ക​ളു​ടെ പ്ര​തീ​ക്ഷ​ക​ൾ, ചി​കി​ത്സാ ന​വീ​ക​ര​ണ​ത്തി​ലും സാ​ങ്കേ​തി​ക​ത​യി​ലും ദ്രു​ത​ഗ​തി​യി​ലു​ള്ള പു​രോ​ഗ​തി എ​ന്നി​വ​യെ​ല്ലാം ആ​രോ​ഗ്യ സേ​വ​ന​ങ്ങ​ൾ വി​ത​ര​ണം ചെ​യ്യു​ന്ന രീ​തി​യെ ബാ​ധി​ക്കു​ന്നു​ണ്ട്. ജ​ന​സം​ഖ്യ​യു​ടെ നി​ല​വി​ലു​ള്ള​തും ഉ​യ​ർ​ന്നു​വ​രു​ന്ന​തു​മാ​യ ആ​രോ​ഗ്യ സം​ര​ക്ഷ​ണ ആ​വ​ശ്യ​ങ്ങ​ൾ നി​റ​വേ​റ്റു​ന്ന​തി​ന് മാ​നു​ഷി​ക വൈ​ദ​ഗ്ധ്യ​ത്തി​ൽ ഏ​റെ മു​ന്നോ​ട്ടു പോ​വേ​ണ്ട​തു​ണ്ട്.

രാ​ജ്യ​ത്തെ ജ​ന​സം​ഖ്യാ വ​ർ​ധ​ന​യും പു​തി​യ ആ​രോ​ഗ്യ പ​രി​ര​ക്ഷാ സൗ​ക​ര്യ​ങ്ങ​ളു​ടെ ആ​വ​ശ്യ​ക​ത​യും കാ​ര​ണം 26,000 മു​ത​ൽ 43,000 വ​രെ ബെ​ഡു​ക​ൾ കൂ​ടി രാ​ജ്യ​ത്ത് 2023 അ​വ​സാ​ന​ത്തോ​ടെ ആ​വ​ശ്യ​മാ​യി വ​രും. ആ​രോ​ഗ്യ​മേ​ഖ​ല​യി​ലെ ജോ​ലി​ക​ളി​ൽ ഭൂ​രി​ഭാ​ഗ​വും സൗ​ദി പൗ​ര​ന്മാ​ർ നി​ക​ത്തേ​ണ്ട​തി​ന്റെ ഭാ​ഗ​മാ​യി ഡി​മാ​ൻ​ഡ് കൂ​ടു​ത​ലാ​യി​രി​ക്കും. നി​ല​വി​ൽ ദ​ന്ത​വി​ഭാ​ഗം ഉ​ൾ​പ്പെ​ടെ 60 ശ​ത​മാ​നം ഡോ​ക്ട​ർ​മാ​രും 57 ശ​ത​മാ​നം ന​ഴ്സു​മാ​രും, 19 ശ​ത​മാ​നം അ​നു​ബ​ന്ധ ആ​രോ​ഗ്യ പ്ര​ഫ​ഷ​ന​ലു​ക​ളും, 61 ശ​ത​മാ​നം ഫാ​ർ​മ​സി​സ്റ്റു​ക​ളും അ​ട​ക്കം മൊ​ത്തം 2,32,000 മെ​ഡി​ക്ക​ൽ പ്ര​ഫ​ഷ​ന​ലു​ക​ൾ വി​ദേ​ശി​ക​ളാ​ണ്.

രാ​ജ്യം പു​തി​യ മെ​ഡി​ക്ക​ൽ സാ​ങ്കേ​തി​ക​വി​ദ്യ​ക​ൾ സ്വീ​ക​രി​ക്കാ​ൻ തു​ട​ങ്ങു​മ്പോ​ൾ, പ​ര​മ്പ​രാ​ഗ​ത കോ​ഴ്‌​സു​ക​ളി​ൽ നി​ന്ന് നൂ​ത​ന മെ​ഡി​ക്ക​ൽ വി​ദ്യാ​ഭ്യാ​സ​ത്തി​ലേ​ക്ക് ആ​വ​ശ്യ​ക്കാ​ർ മാ​റി​ക്കൊ​ണ്ടി​രി​ക്കേ​ണ്ടി​വ​രും. ആ​ർ​ട്ടി​ഫി​ഷ്യ​ൽ ഇ​ന്റ​ലി​ജ​ൻ​സ്, ഡേ​റ്റാ അ​ന​ലി​റ്റി​ക്‌​സ്, റോ​ബോ​ട്ടി​ക് മെ​ഡി​ക്ക​ൽ സ​യ​ൻ​സ​സ്, ജീ​നോം സീ​ക്വ​ൻ​സു​ക​ൾ, ഡോ​ക്ട​ർ​മാ​രു​ടെ​യും ര​ജി​സ്റ്റ​ർ ചെ​യ്ത ന​ഴ്‌​സു​മാ​രു​ടെ​യും അ​നു​ബ​ന്ധ ആ​രോ​ഗ്യ വി​ദ​ഗ്ധ​രു​ടെ​യും വൈ​ദ​ഗ്ധ്യം വ​ർ​ധി​പ്പി​ക്കു​ന്ന​തി​നു​ള്ള ഷോ​ർ​ട്ട് കോ​ഴ്‌​സു​ക​ൾ ഇ​തി​നെ​ല്ലാം അ​ധി​ക സൗ​ക​ര്യ​ങ്ങ​ൾ ആ​വ​ശ്യ​മാ​യി വ​രു​മെ​ന്നും റി​പ്പോ​ർ​ട്ട് സൂ​ചി​പ്പി​ക്കു​ന്നു.