സൗ​ദി, ഇ​ന്ത്യ​ൻ വി​ദേ​ശ​കാ​ര്യ മ​ന്ത്രി​മാ​ർ ദ​ക്ഷി​ണാ​ഫ്രി​ക്ക​യി​ൽ കൂ​ടി​ക്കാ​ഴ്ച ന​ട​ത്തി

ജി​ദ്ദ: ദ​ക്ഷി​ണാ​ഫ്രി​ക്ക​യി​ലെ കേ​പ് ടൗ​ണി​ൽ ന​ട​ക്കു​ന്ന ‘ബ്രി​ക്‌​സ്’ സൗ​ഹൃ​ദ രാ​ജ്യ​ങ്ങ​ളി​ലെ വി​ദേ​ശ​കാ​ര്യ മ​ന്ത്രി​ത​ല യോ​ഗ​ത്തോ​ട​നു​ബ​ന്ധി​ച്ച് സൗ​ദി വി​ദേ​ശ​കാ​ര്യ മ​ന്ത്രി അ​മീ​ർ ഫൈ​സ​ൽ ബി​ൻ ഫ​ർ​ഹാ​ൻ ബി​ൻ അ​ബ്ദു​ല്ല​യും ഇ​ന്ത്യ​ൻ വി​ദേ​ശ​കാ​ര്യ മ​ന്ത്രി സു​ബ്ര​ഹ്മ​ണ്യം ജ​യ്ശ​ങ്ക​റും ത​മ്മി​ൽ കൂ​ടി​ക്കാ​ഴ്ച ന​ട​ത്തി.

ച​ർ​ച്ച​യി​ൽ ഇ​രു രാ​ജ്യ​ങ്ങ​ളും ത​മ്മി​ലു​ള്ള ച​രി​ത്ര​പ​ര​വും ശ​ക്ത​വു​മാ​യ ബ​ന്ധ​ങ്ങ​ളു​ടെ അ​വ​ലോ​ക​ന​വും വി​വി​ധ മേ​ഖ​ല​ക​ളി​ൽ അ​വ മെ​ച്ച​പ്പെ​ടു​ത്തു​ന്ന​തി​നും വി​ക​സി​പ്പി​ക്കു​ന്ന​തി​നു​മു​ള്ള വ​ഴി​ക​ളും അ​വ​ലോ​ക​നം ചെ​യ്തു. കൂ​ടാ​തെ ഇ​രു രാ​ജ്യ​ങ്ങ​ൾ​ക്കും പൊ​തു​വാ​യ ആ​ശ​ങ്ക​യു​ള്ള നി​ര​വ​ധി പ്രാ​ദേ​ശി​ക, അ​ന്ത​ർ​ദേ​ശീ​യ വി​ഷ​യ​ങ്ങ​ളി​ൽ ഉ​ഭ​യ​ക​ക്ഷി, ബ​ഹു​രാ​ഷ്ട്ര ഏ​കോ​പ​നം വ​ർ​ധി​പ്പി​ക്കു​ന്ന​തി​നു​ള്ള പ​ദ്ധ​തി​ക​ളും ഇ​രു​വ​രും ച​ർ​ച്ച ചെ​യ്‌​തു.

‘വ​ള​ർ​ച്ച​ക്കു​ള്ള പ​ങ്കാ​ളി​ത്തം’ എ​ന്ന മു​ദ്രാ​വാ​ക്യ​ത്തി​ന് കീ​ഴി​ൽ ന​ട​ക്കു​ന്ന ‘ബ്രി​ക്‌​സ്’ സൗ​ഹൃ​ദ മ​ന്ത്രി​ത​ല യോ​ഗ​ത്തി​ന്റെ അ​ജ​ണ്ട​യി​ലെ വി​ഷ​യ​ങ്ങ​ളി​ൽ വീ​ക്ഷ​ണ​ങ്ങ​ൾ കൈ​മാ​റു​ന്ന​തി​നൊ​പ്പം അ​ന്താ​രാ​ഷ്ട്ര സ​മാ​ധാ​ന​ത്തി​നും സു​ര​ക്ഷ​ക്കും അ​ടി​ത്ത​റ​യി​ടു​ന്ന​തും സു​സ്ഥി​ര വി​ക​സ​ന​ത്തി​ന്റെ ല​ക്ഷ്യ​ങ്ങ​ൾ കൈ​വ​രി​ക്കു​ന്ന​തി​നു​ള്ള സം​ഭാ​വ​ന​ക​ൾ വ​ർ​ധി​പ്പി​ക്കു​ന്ന​തും സം​ബ​ന്ധി​ച്ച് സം​യു​ക്ത ശ്ര​മ​ങ്ങ​ൾ ഊ​ർ​ജി​ത​മാ​ക്കേ​ണ്ട​തി​ന്റെ പ്രാ​ധാ​ന്യം ഇ​രു മ​ന്ത്രി​മാ​രും ച​ർ​ച്ച ചെ​യ്തു.

സൗ​ദി വി​ദേ​ശ​കാ​ര്യ മ​ന്ത്രാ​ല​യം മ​ൾ​ട്ടി​പ്പി​ൾ ഇ​ന്റ​ർ​നാ​ഷ​ന​ൽ അ​ഫ​യേ​ഴ്‌​സ് അ​ണ്ട​ർ സെ​ക്ര​ട്ട​റി ഡോ. ​അ​ബ്ദു​റ​ഹ്മാ​ൻ അ​ൽ റാ​സി, ദ​ക്ഷി​ണാ​ഫ്രി​ക്ക​യി​ലെ സൗ​ദി അം​ബാ​സ​ഡ​ർ സു​ൽ​ത്താ​ൻ അ​ൽ ലു​യ്ഹാ​ൻ അ​ൽ​അ​ൻ​ഖാ​രി, സൗ​ദി വി​ദേ​ശ​കാ​ര്യ മ​ന്ത്രി​യു​ടെ ഓ​ഫി​സ് ഡ​യ​റ​ക്ട​ർ ജ​ന​റ​ൽ അ​ബ്ദു​റ​ഹ്മാ​ൻ അ​ൽ ദാ​വൂ​ദ് എ​ന്നി​വ​രും യോ​ഗ​ത്തി​ൽ പ​ങ്കെ​ടു​ത്തു.