സൗദി മാധ്യമസംഘം ‘മീഡിയ ഒയാസിസ്’ സന്ദർശിച്ചു
text_fieldsസൗദി മാധ്യമസംഘം ജി20 ഉച്ചകോടി സ്ഥലത്ത് ഒരുക്കിയ ‘മീഡിയ ഒയാസിസ്’ പവിലിയൻ സന്ദർശിച്ചപ്പോൾ
ജിദ്ദ: ജി20 ഉച്ചകോടിയിൽ പങ്കെടുക്കാൻ ഇന്ത്യയിലെത്തിയ കിരീടാവകാശി അമീർ മുഹമ്മദ് ബിൻ സൽമാനെ അനുഗമിച്ച സൗദി മാധ്യമ പ്രതിനിധി സംഘം ‘മീഡിയ ഒയാസിസ്’ സന്ദർശിച്ചു. ന്യൂഡൽഹിയിലെ ഉച്ചകോടിയുടെ പ്രവർത്തനത്തോടനുബന്ധിച്ച് സൗദി ഇൻഫർമേഷൻ മന്ത്രാലയമാണ് ‘മീഡിയ ഒയാസിസ്’ ഒരുക്കിയത്. സ്ഥലത്ത് ഒരുക്കിയ വിവിധ പ്രദർശനങ്ങൾ മാധ്യമ പ്രതിനിധി സംഘം കണ്ടു.
അത്യാധുനിക ഉപകരണങ്ങൾ, സാങ്കേതികവിദ്യകൾ, മാധ്യമപ്രവർത്തകർ എന്നിവയുടെ പിന്തുണയോടെ സൗദിയിലെ 20ലധികം പരിവർത്തന പദ്ധതികൾ പ്രദർശിപ്പിക്കുന്ന 12 പവിലിയനുകളാണ് മീഡിയ ഒയാസിൽ ഒരുക്കിയിരുന്നത്. വിവിധ പദ്ധതികളും സൗദിയുടെ അന്താരാഷ്ട്ര പങ്കാളിത്തവും പരിചയപ്പെടുത്തുന്നതിന് ഇൻഫർമേഷൻ മന്ത്രാലയം ആരംഭിച്ച പുതിയ സംരംഭങ്ങളിലൊന്നാണ് മീഡിയ ഒയാസിസ്. രാജ്യത്തിന് പുറത്ത് നടക്കുന്ന ഒയാസിസിന്റെ ആദ്യ അന്താരാഷ്ട്ര പതിപ്പാണിത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.