സൗ​ദി ദേ​ശീ​യ ദി​നാ​ഘോ​ഷം; യാം​ബു​വി​ൽ സൈ​ക്കി​ൾ റാ​ലി

യാം​ബു: 94ാം സൗ​ദി ദേ​ശീ​യ​ ദി​നാ​ഘോ​ഷ​ത്തി​​ന്‍റെ ഭാ​ഗ​മാ​യി യാം​ബു​വി​ൽ സൈ​ക്കി​ൾ റാ​ലി സം​ഘ​ടി​പ്പി​ച്ചു. 130 സൈ​ക്കി​ൾ യാ​ത്ര​ക്കാ​ർ ദേ​ശീ​യ പ​താ​ക​ക​ളും വ​ർ​ണാ​ല​ങ്കാ​ര​ങ്ങ​ളും വ​ഹി​ച്ച്​ ന​ട​ത്തി​യ റാ​ലി ആ​ളു​ക​ളെ ആ​ക​ർ​ഷി​ച്ചു. യാം​ബു റോ​യ​ൽ ക​മീ​ഷ​നി​ലെ വാ​ട്ട​ർ ഫ്ര​ണ്ട് പാ​ർ​ക്കി​ൽ നി​ന്നാ​രം​ഭി​ച്ച റാ​ലി ഗ​വ​ർ​ണ​ർ സാ​ദ് ബി​ൻ മ​ർ​സൂ​ഖ് അ​ൽ സു​ഹൈ​മി ഉ​ദ്‌​ഘാ​ട​നം ചെ​യ്തു. റോ​യ​ൽ ക​മീ​ഷ​നി​ലെ വി​വി​ധ വ​കു​പ്പ് മേ​ധാ​വി​ക​ൾ, വി​വി​ധ സ​ർ​ക്കാ​ർ ഉ​ദ്യോ​ഗ​സ്ഥ​ർ എ​ന്നി​വ​ർ ച​ട​ങ്ങി​ൽ സം​ബ​ന്ധി​ച്ചു.

റാ​ലി യാം​ബു ടൗ​ൺ ഹെ​റി​റ്റേ​ജ് പാ​ർ​ക്കി​ൽ സ​മാ​പി​ച്ചു. പ്രാ​ദേ​ശി​ക സു​ര​ക്ഷാ​സേ​ന​ക​ൾ, റോ​യ​ൽ ക​മീ​ഷ​നി​ലെ വ്യ​വ​സാ​യി​ക സ്ഥാ​പ​ന​ങ്ങ​ളി​ലെ സു​ര​ക്ഷ ഉ​ദ്യോ​ഗ​സ്ഥ​ർ, വി​വി​ധ സ​ന്ന​ദ്ധ​പ്ര​വ​ർ​ത്ത​ക​ർ എ​ന്നി​വ​രെ​ല്ലാം റാ​ലി​യെ പി​ന്തു​ട​ർ​ന്നു. പ​ല രീ​തി​ക​ളി​ലു​ള്ള വേ​ഷ​ഭൂ​ഷാ​ദി​ക​ളും അ​ല​ങ്കാ​ര​ങ്ങ​ളും അ​ണി​ഞ്ഞാ​ണ്​ ആ​ളു​ക​ൾ പ​രി​പാ​ടി​യി​ൽ പ​ങ്കെ​ടു​ക്കാ​നെ​ത്തി​യ​ത്. സ​മാ​പ​ന​ത്തോ​ട​നു​ബ​ന്ധി​ച്ച് വി​വി​ധ ക​ലാ​സാം​സ്കാ​രി​ക പ​രി​പാ​ടി​ക​ളും സൗ​ദി​യു​ടെ പാ​ര​മ്പ​ര്യ ക​ലാ​പ്ര​ക​ട​ന​ങ്ങ​ളും ഹെ​റി​റ്റേ​ജ് പാ​ർ​ക്കി​ലെ ഓ​പ​ൺ സ്​​റ്റേ​ജി​ൽ അ​ര​ങ്ങേ​റി.

ദേ​ശീ​യ ദി​നാ​ഘോ​ഷ​ത്തി​ന്‍റെ ഭാ​ഗ​മാ​യി രാ​ത്രി കാ​ഴ്ച അ​ത്യാ​ക​ർ​ഷ​ക​മാ​ക്കാ​ൻ മു​ൻ വ​ർ​ഷ​ത്തെ​ക്കാ​ൾ ന​ല്ല ഒ​രു​ക്ക​മാ​ണ് ന​ഗ​രി​യി​ലെ​ങ്ങും മു​നി​സി​പ്പ​ൽ അ​ധി​കൃ​ത​രും മ​റ്റും ഈ ​വ​ർ​ഷം എ​ടു​ത്തി​ട്ടു​ള്ള​ത്. ന​ഗ​രി​യി​ൽ ഹ​രി​ത​വ​ർ​ണ പ​താ​ക​ക​ളും സൗ​ദി ഭ​ര​ണാ​ധി​കാ​രി​ക​ളു​ടെ കൂ​റ്റ​ൻ ബാ​ന​റു​ക​ളും തോ​ര​ണ​ങ്ങ​ളും കൊ​ണ്ടും വ​ർ​ണ ബ​ൾ​ബു​ക​ൾ കൊ​ണ്ടും അ​ല​ങ്ക​രി​ച്ചി​രി​ക്കു​ക​യാ​ണ്.

വി​വി​ധ പ്ര​ദേ​ശ​ങ്ങ​ളി​ൽ ന​ട​ന്ന വ​ർ​ണാ​ഭ​മാ​യ വി​വി​ധ ആ​ഘോ​ഷ പ​രി​പാ​ടി​ക​ൾ കാ​ണാ​ൻ കാ​ണി​ക​ളു​ടെ ഒ​ഴു​ക്കാ​യി​രു​ന്നു. യാം​ബു റോ​യ​ൽ ക​മീ​ഷ​നി​ലെ വാ​ട്ട​ർ ഫ്ര​ണ്ട് പാ​ർ​ക്കി​ലും ടൗ​ൺ ഹി​സ്​​റ്റോ​റി​ക്ക​ൽ പാ​ർ​ക്കി​ലും ന​ട​ന്ന സാം​സ്കാ​രി​ക പ​രി​പാ​ടി​ക​ളി​ൽ ധാ​രാ​ളം ആ​ളു​ക​ൾ പ​ങ്കെ​ടു​ത്തു. യാം​ബു​വി​ലെ അ​മീ​ർ അ​ബ്​​ദു​ൽ മു​ഹ്‌​സി​ൻ ബി​ൻ അ​ബ്​​ദു​ൽ അ​സീ​സ് വി​മാ​ന​ത്താ​വ​ള​ത്തി​ൽ വൈ​വി​ധ്യ​മാ​ർ​ന്ന പ​രി​പാ​ടി​ക​ളാ​ണ് ഇ​ത്ത​വ​ണ​യും അ​ര​ങ്ങേ​റി​യ​ത്.

യാ​ത്ര​ക്കാ​ർ​ക്കും മ​റ്റും മ​ധു​ര​പ​ല​ഹാ​ര​ങ്ങ​ൾ, സൗ​ദി പ​താ​ക​ക​ൾ, റോ​സാ​പ്പൂ​ക്ക​ൾ എ​ന്നി​വ വി​ത​ര​ണം ചെ​യ്തു. വി​മാ​ന​ത്താ​വ​ള​വും പ​രി​സ​ര​വും പ​ച്ച വി​ള​ക്കു​ക​ളും സൗ​ദി ദേ​ശീ​യ പ​താ​ക​ക​ളും തോ​ര​ണ​ങ്ങ​ളു​മാ​യി അ​ല​ങ്ക​രി​ച്ച​തും ഏ​റെ ആ​ക​ർ​ഷ​ക​മാ​യി.